Pansangay na Pakitang-turo sa Pamahayagan (Journalism) VI

I. Layunin sa Pagkatuto A. Nasusunod ang mga tuntunin sa pagsulat ng balitang sakuna B. Nakasusulat ng balitang sakuna ayon sa tamang istruktura nito C. Nakikilahok nang buong sigla at husay sa mga talakayan at pangkatang gawain II. Paksa ng Pagkatuto Pagsulat ng Balitang Sakuna Sanggunian: Pamahayagang Pilipino, pp. 60-61; Sanayang Aklat sa Pamahayagan, pp. 26-34; Pamahayagang Pangkampus sa Bagong Milenyo, pp. 17-34 Kagamitan: Laptop, LCD projector, MP3 player, showcards, cartolina, pentel pen, Pagpapahalaga: Pagiging maingat sa lahat ng oras ng oras III. Pamamaraan A. Panimulang Gawain 1. Pamukaw-sigla 2. Ulat Panradyo B. Pagsasanay 1. Pagwawasto Basahin ang pamatnubay na nasa ibaba. Iwasto sa pamamagitan ng paggamit ng simbolo sa pagwawasto at sabihin kung bakit. Natuluyan ng maMatay ang 1 40 anyos na ginang sa ika limang beses na tangkang tangkang suicide upang umano y takasna ang kahi rapan ng kanilangbuhay sa Tando maynila, kamakalawa ng gabi

2. Pagkilala sa mga Uri ng Pamatnubay Pagsasagawa ng palaro ukol sa pagtukoy sa ibat ibang uri ng pamatnubay C. Balik-aral Pagtatalakayan ukol sa paraan ng pagsulat ng balita (pangkatang-ulat) D. Panlinang na Gawain 1. Pag-uusap tungkol sa mga larawan na nagpapakita ng ibat ibang sakuna 2. Pagtalakay sa salitang sakuna sakuna 3. Pagbasa ng isang halimbawa ng balitang sakuna Isang 8-buwang sanggol na lalaki ang nasawi nang lumusot ang ulo nito sa butas ng duyan, Tondo, Maynila kamakalawa ng hapon. Nakilala ang nasawi na si John Prince Henry ng 36-B Quezon St. Tondo, sanhi ng matinding pinsala sa kanyang ulo. Sa ulat ni Det. Lito Lopez ng Manila Police District-Homicide Section, dakong alas-3 ng hapon nang makaidlip umano ang ina ng sanggol na si Richelle Frogosa, 24, sa loob ng kanilang bahay habang nasa crib ang sanggol. Alas-6 ng gabi nang tuluyang bawian ng buhay ang sanggol sa ospital.

4. Pagtukoy sa kayarian ng balitang sakuna (pangkatang-ulat) 1. Itampok sa pamatnubay ang bilang ng namatay, bilang ng nasugatan, anong uri ng sakuna, kailan at saan naganap. 2. Isa-isahin ang pangalan ng mga biktima at pagkakakilanlan sa bawat isa. Isulat ang buong pangalan, gulang, hanapbuhay, tirahan at iba pa. 3. Ilahad kung paano naganap ang sakuna ayon sa sa imbestigasyon. 4. Ilahad ang iba pang pangyayari kaugnay ng aksidente base sa pakikipanayam sa mga nakasaksi. 5. Banggitin kung saan dinala ang mga biktima.

5. Pagsusuri sa mga tuntunin sa pagsulat ng balitang sakuna 6. Paglalahat Paano isinusulat o binubuo ang balitang sakuna? 7. Pagkakapit a. Pasalita Tukuyin kung saang bahagi ng tagilo nararapat na ilagay ang mga bahagi balitang sakuna. 1. - Sa imbestigasyong ginawa ni PO1 Arnold Cruz ng Western Poice District, nabatid na ang matanda ay si Maria Lagundino, 75 ng 1434-A San Andres, Maynila. - Ayon sa pahayag ni Cruz, ang tren ay patungong Carmona, Cavite mula sa Paco station. - Isang lola ang nasawi matapos masagasaan ng commuter train ng Philippine National Railways (PNR) kahapong alas-12 ng tanghali sa may railroad crossing Perlita St., San Andres Bukid. - Sinabi naman ni Wilfredo Perez, manugang ng nasawi, si Lagundino ay kasalukuyang nangunguha ng mga dahon ng bayabas sa gilid ng railroad tracks nang itoy mahagip ng tumatakbong tren. b. Kolaboratib na Gawain Pagsulat ng balitang sakuna base sa video clip na ipakikita sa klase c. Presentasyon ng pangkatang gawain d. Pagmamarka ng inilahad na gawain sa pamamagitan ng tseklis Mga Kriterya
1. Nasusunod ang mga tuntunin sa pagsulat ng balitang sakuna 2. Nakasusulat ng balitang sakuna ayon sa tamang istruktura nito 3. Nakikilahok nang buong sigla at husay sa mga talakayan at pangkatang gawain Kabuuan Pangkat 1 Pangkat 2 Pangkat 3

Batayan sa pagmamarka 5 = Napakagaling 4 = Magaling 3 = Magaling-galing 2 = Di-Magaling 1 = Galingan pa E. Pangwakas na Gawain Pagsubok na pantiyak

Kabuuan sa pagmamarka 15 14 = Napakagaling 13 12 = Magaling 11 - 10 = Magaling-galing 9 8 = Di-Magaling 7 pababa = Galingan pa

Suriin ang mga sumusunod na detalye at sumulat ng isang balita hinggil dito. Lagyan ng mabisang pamagat at pamatnubay. Ang mag-asawa ay kapwa manager ng Victory Hills KTV Club sa Baclaran. Kinilala ang biktima na sina Conrado Taguamos, 38, habang asawa nitong si Maricar Isang cargo truck ang tumaob sa Sitio bunker, Barangay tapon, Delaguete, Cebu 7 katao ang namatay at 8 pa ang malubhang nasugatan. Nangyari ito kamakalawa ng umaga. Sa imbestigasyon ng pulisya, dakong alas 9:00 ng umaga nang maganap ang aksidente sa nasabing lugar. Dahil sa bilis ng takbo, hindi nakontrol ng tsuper na si Donato Geolin ang manibela ng minamanehong cargo truck na may plakang GWP-607 habang paliko sa kurbadong daan sa nasabing barangay. Mga namatay: Carmen Amahan, 53; Nina Sapine, Antonio Hortado at Marlou Beldad, 19 pawang mga taga-Delaguete; Vering Gamboa, 50 at isang di-nakilalang biktima na taga-Badian, Cebu. Namatay habang ginagamot sa Vicente Sotto Hospital si Antonio Mortel. Malubhang nasugatan ang mga kabataang may edad na mula 12 hanggang 13 na hindi binanggit sa ulat ang mga pangalan. Inihahanda na ang isasampang kaso laban kay Geolin.

F. Paglalagom ng Natutuhan 1. Pangkaalaman Pagpapahayag ng mga natutuhan sa anyong pabalita 2. Pangkaasalan Pagpapakita ng masaya at malungkot na mukha upang ipahayag ang ugaling ipinakita IV. Takdang-aralin Sumulat ng balitang sakuna batay sa mga detalye na makikita sa pahina 1, Aklat ng Mga Pagsasanay sa Pamahayagan.