Nasyonalismo: Kailangan ng Lahat

Bilang isang Pilipino, alam ba ng lahat ang kahulugan ng Nasyonalismo?

Sinasabing ito ay ang pagkakaisa ng mga tao at pagmamahal sa bayan. Sabi nga
sa kasabihang ”Kung may pagkakaisa, may patutunguhang maganda”,
nangangahulugan na ito ay kailangang bigyang pansin at buhayin sa puso ng bawat
isa. Upang makamtan ang nasyonalismo dapat pangalagaan at protektahan ang
Inang bayan sa anumang makakasira dito. Pagkakaisa ang tanging kailangan upang
ang Nasyonalismo ay mapalaganap.

Bilang isang Lasalyano sa munting paraan gawin ang nararapat dahil sa mata
ng isang Lasalyano ang nasyonalismo ay napakahalaga. Ang pagmamahal sa
sariling bayan, pagtitiwala at pagmamahal sa mga bayani na nagbuwis ng buhay
para sa kalayaan. Dapat matutunan ito ng bawat isa na isapuso at isabuhay. Ang
pagsasabuhay nito sa pang-araw-araw na pamumuhay ay maaaring sa
pamamagitan ng paggawa ng tama at pagiging isang mabuting mamamayan ng
bansa. Ibabahagi sa mga kamag-aaral ang mga nalalaman tungkol sa
Nasyonalismo at ang kahalagahan nito sa bansa tulad na lamang ng pagbibigay
galang sa ating pambansang watawat at higit sa lahat ang pagrespeto sa iyong
pagkatao. Sa pagsasabuhay nito, napakalaki ng maidudulot nitong kasiyahan sa
mga bayani. Sa pagbibigay ng impormasyon at pagbabahagi sa ibang kabataan ng
mga nagawa ng mga ito sa bansa. Makatutulong din ito sa pag-unlad ng pagkatao
at ng bansa dahil sa pagkakaroon ng pagkakaisa.

Ang Nasyonalismo ay isa sa nakatutulong sa pagkakaroon ng matibay at

malakas na pananampalataya sa Panginoon. Nakatulong ito nang malaki sa
pagkakaroon ng mga tao ng pagmamahal sa bansa. Ang kalayaan na tinatamasa
ngayon ay napakalaki ng naibahagi at naitulong ng Nasyonalismo sa pagkamit nito,
dahil kung walang pagkakaisa ang bawat isa sa atin. Sa malakas na
pananampalataya sa Diyos malaki ang naitulong nito sa pagkamit ng kalayaan. Ang
Diyos ang siyang nagging gabay at nagbigay sa bawat isa ng lakas ng loob at
tapang upang makamit kung ano man ang mayroon tayo ngayon.
 Ang Nasyonalismo ay napakahalaga sa buhay ng isang tao at sa mga
Lasalyano. Sa pamamagitan ng paggalang sa mga bayani, pagsunod sa mga batas
na pinatutupad sa bansa ay maipapakita mo ang iyong pagkanasyonalismo.
Gawing bahagi ito ng pangaraw-araw na pamumuhay dahil napakahalaga at
importante nito sa buhay ng isang tao. Marapat lang na tayo ay magkaisa upang
makamit ang isang maunlad at malayang pamumuhay. Nasyonalismo: kailangan ng
lahat. Kaya ako, ikaw, ang sinimulan nila ay dapat ipagpatuloy!

By:
Kate Talain