DAHON NG PAGPAPATIBAY

Bilang pagtupad sa isa sa mga pangangailangan ng asignaturang Filipino

IV, Pagbasa at Pagsulat Tungo sa Pananaliksik, ang pananaliksik na ito ay

pinamagatang, “Prostitusyon”. Inihanda at iniharap ang pananaliksik na

ito sa aming guro sa asignaturang Filipino na si Bb. Jessilyn Ranges ng

mananaliksik na nagmula sa seksyon na IV - St. Titus ng Flos Carmeli

Institution of Quezon City, SY 2010-2011

Ang mga datos na nakapaloob sa pananaliksik na ito ay sinaliksik, inayos,

at inihanda ng mananaliksik na nasa ika-apat na antas sa mataas na
paaralan.

Tinanggap bilang proyekto sa Filipino IV bilang isa sa mga

pangangailangan sa nabanggit na asignatura ni Bb. Jessilyn B. Ranges:

_____________________
Gng. Brenilda Medina
(Punong-Guro)

_____________________________
Bb. Jessilyn Ranges
(Guro sa Filipino)
 TALAAN NG NILALAMAN
KABANATA 1 “ANG SULIRANIN O SALIGAN NITO”
A. INTRODUKSYON

B. LAYUNIN NG PAG-AARAL

C. KAHALAGAHAN NG PAG-AARAL

D. SAKLAW AT HANGGANAN

E. PAGLALAHAD NG SULIRANIN

KABANATA 2 “MGA KAUGNAY NA PAG-AARAL O LITERATURA”

KABANATA 3 “DISENYO AT PARAAN NG PANANALIKSIK”

A. DISENYO NG PANANALIKSIK

B. MGA RESPONDENT

C. INSTRUMENTONG PAMPANANALIKSIK

D. TRITMENT NG DATOS

KABANATA 4 “PRESENTASYON AT INTERPRETASYON NG MGA DATOS”

KABANATA 5 “KONKLUSYON AT REKOMENDASYON”

A. LAGOM

B. KONKLUSYON

C. REKOMENDASYON

BIBLIOGRAPIYA
A. INTRODUKSYON

Ano nga ba ang Prostitusyon?

Ang human trafficking ay ang makabagong paraan ng pang-aalipin.
At isa sa mga anyo nito ay ang prostitusyon. Ito ay ang pagbibigay ng
sekswal na serbisyo sa ibang tao kapalit ng pera. Ang mga gumagawa
nito ay tinatawag na prostitute. Ang legal na katayuan ng prostitusyon
ay nag-iiba sa bawat bansa, mula sa pagiging krimen hanggang sa
pagiging isang legal na propesyon.

Ang posisyon ng prostitusyon ay nag-iiba, ito ay sumasalamin sa

iba’t-ibang opinyon sa pananamantala, sa hindi pagkakapareho, etika at
moralidad, kalayaan sa pagpili at kaugalian sa lipunan. Ang prostitusyon
ay itinuturing na pananamantala o isang lehitimong trabaho o isang
krimen.

Saan nagsimula ang prostitusyon sa Pilipinas?

Ang prostitusyon dito ay nagsimula nang magkaroon ng mga base

militar ang Estados Unidos sa Olongapo, Subic kung saan nagkalat ang
mga babaeng nagbebenta ng kanilang katawan kapalit ng pera ng mga
kano at ang pangako na maisama sila sa Amerika. Sa Pilipinas
tinatayang 60% ng mga prostitute na nagbebenta ng katawan at puri ay
mga menor de edad na ibinubugaw sa kalye at mga clubs ng mga
bugaw na kinukumbinsi silang manatili sila sa ganitong klaseng trabaho.

Malala na ang lagay ng prostitusyon sa bansa. At nakakatakot isipin

ang edad ng mga kababaihang itinatapon ang kanilang kinabukasan sa
pagpasok sa ganitong industriya. Tinatayang edad dose pataas ang
pumapasok sa ganitong trabaho. Karaniwang sanhi ng pagbebenta nila
sa katawan ay kahirapan, hindi nakatapos ng pag-aaral kaya bihira ang
opurtunidad na magkaroon ng matinong trabahong mapag-kakakitaan.
At ang karaniwang bunga nito sa kanila at sa mamamayang Pilipino ay
 ang pagiging imoral nito sa mata ng publiko at diyos. Tumataas ang
bilang ng babaeng nababastos sa Pilipinas dahil sa sistema ng kanilang
trabaho.

Mayroon din mga nagkakabunga sa serbisyo na kanilang ginagawa,

at dahil sa kahirapan, kung minsan ay nagagawa nila itong ipalaglag at
kung minsan naman hinahayaan na nilang lumaki at ipamana ang
trabahong nakuha nila sa kanilang anak. Sa tulong ng gobyerno at
kapwa Pilipino, magagawa nilang maisa-ayos ang kanilang buhay, ngunit
ang pangunahing makakatulong sa kanila ay ang kanilang sarili.

B. LAYUNIN NG PAG-AARAL

Ang pag-aaral na ito ay ginawa upang maipaliwanag ang klase ng

pamumuhay na ginagawa ng mga kababaihang tinatawag na prostitute o
pok-pok. Ilalahad din dito ang pananaw ng mga tao tungo sa mga
kababaihang nagiging biktima ng kasumpa-sumpang trabahong ito. Sa
pamamagitan ng pananaliksik na ito ay mai-papaliwanag ang mga dahilan
kung bakit pinasok ng ibang kababaihan ang trabahong ito at kung
mayroon bang kinalaman ang kanilang kahirapan, magulang o ang
gobyerno. Sasagutin di nito ang dahilan ng pagpasok pati ng mga menor
de edad sa ganitong trabaho.

Sa pag-aaral na ito sisikaping sagutin ang mga sumusunod na mga katanungan:

1. Ano ang prostitusyon?
2. Bakit lumalaganp ang prostitusyon?
3. Ano ang papel ng mga ito sa paglaganap ng prostitusyon:
a. Gobyerno
b. Magulang
c. Komunidad
4. Iba’t ibang sanhi kung bakit ito ang pinapasok nilang trabaho.
5. Ano ang tingin ng lipunan sa mga ganitong mga tao, base sa iba’t-
ibang mga pananaw at kultura?
 Ilalarawan ng pananaliksik na ito ang sistema ng pamumuhay at
pagtatrabaho ng isang prostitute hindi lamang dito sa ating bansa kundi
pati sa ibang mga bansa sa Asya. Naglalayon din ang pag-aaral na ito na
malaman ang mga ginagawa ng ating gobyerno upang mahango sila sa
kanilang piniling buhay.

C. KAHALAGAHAN NG PAG-AARAL

Sa mga mananaliksik. upang makakalap pa sila ng iba pang

datos at makatulong pa sa pagbibigay ng impormasyon sa mga tao.
Sa mga kabataan. ito ay makatutulong sa kanila upang malaman
nila kung ano ang prostitusyon at kung ano ang mga panganib na
maidudulot nito.
Sa mga magulang. upang malaman nila kung paano
mapoprotektahan ang kanilang mga anak laban sa ganitong
makamundong kasamaan.
Sa mga komunidad. makatutulong ang pag-aaral na ito upang
mai-paliwanag sa mga tao sa mga komunidad kung bakit pinili ng ibang
mga kababaihan ang propesyong ito.
Sa gobyerno. makatulong ang pananaliksik na ito sa paghahanap
ng mga solusyon sa lumalalang problema ng prostitusyon.

D. SAKLAW AT HANGGANAN

Ang pag-aaral na ito ay naka-tuon sa pananaw ng mga tao sa mga

kababaihang pumapasok sa industriya ng prostitusyon. Sa mga
kababaihang nagtatrabaho sa kalsada, sa mga bar at club, sa kanilang uri
ng pamumuhay dito at sa ibang bansa. Ngunit ito ay nalilimitahan lamang
sa mga taong malapit sa mananaliksik.
E. PAGLALAHAD NG SULIRANIN

Isipin mong gigising ka isang araw na kailangan mo ng pera pero

wala kang paraan para makakuha nito. Wala kang makain, mayroon kang
mga bayarin, mayroon kang trabaho pero kulang ang suweldo mo. Ang
pagkuha ng extrang trabaho ay pagkakatali lamang sa isang siwasyong
patuloy lamang sa paglala at pagsasaalang-alang na dahil sa kakulangan
mo ng kaalaman at edukasyon, iniisip mong ikaw ay siguradong
matututlad sa isang nag-babaliktad ng patties o nag-tatanong sa isang
customer kung magbabayad siya ng credit o cash. O isipin mo na sinasabi
sa iyo magmula noong bata ka pa na ang tanging paraan para maka-alis
ka sa barriong tinitiran mo ay makahanap ng taong may malalaking bulsa
para tulungan ka. Kapag iniukit na sa isip mo ang ideya na hindi kaya ng
talino mo na buhayin ka, ngunit ang mga low-cut shorts at malalaswang
damit ay mas mapakikinabangan mo upang maka-ahon sa kahirapan.

Iyan ang mga sitwasyon kung saan nabubuhay ang iba sa atin. Ang
prostitusyon ay wari’y naaapektuhan ang mga tao mula sa malayo. Saka
lamang kapag nahuhuli ang mga asawa sa higaan ng iba o nahuhuli sa
raid ng mga pulis ang isang pulitiko ay saka lamang natin nakukumpirma
na ang “bisyong” ito ay buhay sa ating lipunan. Pero kahit na hindi natin
nakikita kung gaano kalawak o ka-tindi ang problema kapag ang ang mga
lalaki at babae ay humihiga sa kung saan-saan para sa bayad na
pakikipagtalik. Madadalang nating isinasaalang-alang ang mga
nararamdaman ng isang prostitute sa kalagitnaan ng mga pagtatalik at sa
pagtatapos nito, kapag binayaran na sila para sa kanilang mga serbisyo,
at pagkatapos ay dine-despatsa sila habang pinaghahandaan nilang
gawin iyon ng paulit-ulit. O kaya naman kapag sila ay “binibili” ng mga
kalalakihan. Siguradong mayroong mga prostitute na naging manhid na
sa buhay na pinili nila dahil sa iba’t-ibang dahilan. Paggamit ng droga,
pagpili ng mga ala-ala, o pagbibigay-katwiran sa sarili ang kadalasang
taktika ng mga prostitute.
 KABANATA II
MGA KAUGNAY NA PAG-AARAL O
LITERATURA
Ang Estado ng Prostitusyon sa Pilipinas
Ang prostitusyon sa Pilipinas ay labag sa batas. Ngunit ito ay
matatagpuan kahit saan. Sinasabi ng mga ginawang pag-aaral na ang
Pilipinas ang isa sa mga pugad ng prostitusyon sa mundo. Maraming
lugar ang kinakikitaan ng mataas na insidente ng prostitusyon sa
Pilipinas, katulad ng Olongapo, Angeles, Subic Bay, Pasay at marami pang
iba. Dahil dito, masasabing ang industriya ng kalakaran ng laman sa
Pilipinas ay malala na. Nakalulunkot isipin na ganito na kalala ang
problemang ito kahit na ang ganitong gawain ay mahigpit na
ipinagbabawal.(Wikipedia)

Indikasyon ng Prostitusyon sa Pilipinas

Estimadong 800,000 ang kababaihang nagtatrabaho bilang
prostitute at pinaniniwalaang mahigit kalahati sa kanila ay menor de
edad. Isang sarbey ang nagsasabing 34% ang nagsasabing pinasok nila
ang ganitong trabaho upang suportahan ang kanilang mga magulang, 8%
ang nagsasabing para suportahan ang kanilang mga kapatid at 28% ang
para sa kanilang mga asawa o nobyo. Mahigit 20% ang nagsasabing ang
kanilang trabaho ay mayroong sapat na suweldo, ngunit 2% porsyento
lamang ang nagsasabing madali ang trabahong ito at isa pang 2% ang
nagsasabing masaya ang trabahong ito. Ikatlo ang nagsasabing sila ay
nakaranas ng karahasan mula sa mga pulis mismo at sa mga opisyal ng
lungsod at mga gangster. Sinasabi ng ginawang sarbey ng International
Labor Organization na mahigit 50% ng napa sama sa mga massage
parlor sa Pilipinas ay nagtatrabaho sila ng mabigat sa kanilang kalooban
at 20% ang nagsasabing sila ay nakokonsiyensiya dahil iniisip pa rin
nilang ang pakikipagtalik sa mga kostumer ay isang kasalanan.
May mga na-interbyu din na nagsasabing wala silang nararamdaman
kapag sila’y nakikipagtalik at ang natitira ay nagsasabing nalulungkot sila
sa kanilang ginagawa. (Wikipedia)
Mga Pilipinang Alipin sa Ibang Bansa
Ang Pilipina na napatalsik sa trabaho ay gingawa ring prostitute.
Mayroong mga Pilipina na nagtatrabaho bilang prostitute habang
nagtatrabaho bilang DH upang kumita ng dagdag na pera. Araw-araw ay
mayroong 700 hanggang 1000 DH ang nagiging “free-lance call girls”.
Mayroong mahigit 3,000 aktibong prostitute sa distrito ng Mongkok
lamang. Sa Hong Kong, hindi illegal para sa isang babae ang magkaroon
ng sekswal na relasyon kasama ang isang lalaki na may bayad. Ngunit
lumalago pa rin ang “commercial sex”. Ang karaniwang modus operandi
ay isang Pilipinong bugaw ay lalapitan ang isang babae at papangakuan
siya ng trabaho sa Hong Kong bilang isang waitress o receptionist.
Ang iba ay nalalamang gagawin silang prostitute. Ang mga bugaw ay
nakikipag-kita sa mga babae sa mga pampublikong lugar katulad ng
restawran.

Ang tirahan ng bugaw ay itatago lamang. Ang kadalasang edad ng

mga babae ay 17 hanggang 21, pero ang pekeng pasaporte ay
naglalaman ng pekeng impormasyon. Ang mga babae ay kailangang
magbayad ng HK$1000 hanggang HK$2000. Ang pasaporte at iba pang
importanteng dokumento ay ibinibigay sa paliparan. Sa paliparan, ang
babae ay sasamahan ng isang matandang babae na may kasamang bata.
Bibiyahe silang magkasama. Pagdating sa Hong Kong, kapag nawalan na
ng bisa ang visa ay itatapon nila ang kanilang pasaporte at mananatili ng
mas matagal. Agad silang nagsisimula sa trabaho, at may quota na 15
kostumer na kailangang serbisyon gabi-gabi. Pag balik nila ng Maynila ay
sasalubungin sila ng bugaw at paghahatian nila ang kita.

Child Prostitution
Mayroong apat na raan hanggang limang daang libong tao ang
ibinubugaw sa Pilipinas, karamihan ay mga babae at mas bata pang
babae. Ngunit naapektuhan din ng prostitusyon ang mga bata, parehong
babae at lalaki, mga mas matandang lalaki at mga homosekswal. Isang
pag-aaral ang nagpapakita na 75000 na mga bata ang ipinapasok sa
prostitusyon sa ating bansa. Mga batang edad 11 hanggang 15 ang
nagsasabing ipinasok sila ng sariling mga kaanak sa prostutisyon. Mga
Pilipino ang pinaka gumagamit ng kababaihan para sa prostitusyon. Pang
apat sa mundo ang Pilipinas pagdating sa child prostitution. 3,366 pang
mga bata ay sapilitang ibinubugaw taon-taon. Ang prostitusyon ay hindi
isang negosyo sa Pilipinas kundi isang industriya.
 KABANATA III
DISENYO AT PARAAN NG PANANALIKSIK
A. PARAAN NG PANANALIKSIK

Ang pag-aaral na ito ay isinagawa sa catamaran ng pag-sasarbey.

Sinubukang ipakita dito ang mga pananaw ng mga tao ukol sa
problemang ibinibigay ng prostitusyon.

B. INSTRUMENTO SA PANANALIKSIK

Ang pag-sasarbey sa ilang mga tao ang naging daan upang mabuo
ang ang pananaliksik na ito. Nangalap din ng impormasyon sa internet
ang mananaliksik. Naghanap ng mga artikulo, mga tisis at mga journal
tungkol sa prostitusyon. Naghanap din ang mananaliksik ng mga sarbey
na ginawa ng International Labor Organization at iba pa upang
mailarawan ang bilang ng mga pumapasok sa ganitong linya ng trabaho.

C. MGA RESPONDENTE

Ang mga respondenteng ginamit sa pag-aaral na ito ay mga

kababaihan at kalalakihan na edad 15-50 na may sapat na kaalaman sa
mga problemang paglaganap ng prostitusyon.

D. TRITMENT NG DATOS

Ang pamanahong-papel na ito ay ginamitan ng matataas at

kompleks na istatikal na pamamaraan. Ang bilang ng mga respondenteng
sumasagot sa isang partikular na tanong gamit ang isa sa mga sagot na
ibinigay ng mananaliksik para pagpilian ang ginawang basehan upang
malaman ang opiniyon ng mga taong nasama sa sarbey.