Mga Salik sa Pagkatuto ng Wikang Filipino sa mga Mag-aaral

ng Ikaapat na Taon sa Notre Dame ng Midsayap

ni

Grace Anne P. Seno

nito ay nagbibigay kontribusyon sa kaalamang nakukuha ng isang mag-aaral ayon sa antas

ng intelektwal sa pag-unlad.

Sa ikaapat na taon ng Mataas na Paaralan ng Notre Dame ng Midsayap ay binubuo

ng apat na seksyon at may kabuuang 205 na mag-aaral

Kaya’t nais alamin ng mananaliksik ang Mga salik sa Pagkatuto ng Wikang Filipino

ng mga Mag-aaral sa Ikaapat na Taon ng Mataas na Paaralan ng Notre Dame ng Midsayap .

Paglalahad ng Suliranin

Ang pag-aaral na ito ay may layuning alamin ang mga salik ng pagkatuto ng wikang

Filipino ng mga mag-aaral sa ikaapat na taon ng mataas na paaralan ng Notre Dame ng

Midsayap.

Kaugnay nito, nais ng mananaliksik na mabigyang-kasagutan ang mga sumusunod

na tiyak na katanungan.

1. Ano ang mga salik sa pagkatuto ng wikang Filipino ayon sa mga; (a) mga guro,

( b ) paaralan at (c) mga magulang.

2. May kaugnayan ba ang tatlong salik sa bawat isa?

3. Maiuugnay ba ang tatlong salik sa pagkatuto sa wikang Filipino ng mga mag-

aaral?

4. Paano mapapaunlad ang wikang Filipino ayon sa pananaw ng mga mag-aaral?

 Kahalagahan ng Pag-aaral

Ang pag-aaral na ito ay napakahalaga upang matukoy ang mga salik sa pag-katuto ng

wikang Filipino ng mga mag-aaral ng ikaapat na taon sa mataas na paaralan ng Notre Dame ng

Midsayap. Bawat talang nailikom ay makatutulong sa bawat guro ng Filipino sa Sekundarya, sa

mga mag-aaral ng ikaapat na taon sa Filipino at maging ang mga namumuno ng paaralan.

Sa mga gurong nagtuturo ng wika, ito ay nagsisilbing gabay kung paano nila mapahusay

ang kanilang mga istratehiyang gagamitin sa pagtuturo ng asignaturang Filipino, epektibong

pamamaraan, estratehiyang gagamitin ng guro at gawing kaakit-akit ang mga motibasyon na

gagamitin bago simulan ang paksang tatalakayin.

Ang lahat ng mga kaalaman at kabutihan mula sa pag-aaral na ito ay pakikinabangan ng

mga ma-aaral. Higit nilang mabibigyang panahon, mapapahalagahan at magugustuhan ang

asignaturang Filipino. Marami rin silang matutunan at mapataas ang antas ng intelektwal upang

maiangat ang marking makukuha sa asignaturang ito.

 Sa mga tagapangasiwa ng paaralan, ito ay makatutulong sa kanilang layuning maihanda

ang bawat mag-aaral sa higit na mataas na antas sa pagtamo ng kanilang kaalaman.

Matutulungan din nilang mapaunlad ang kakayahan ng kanilang mga guro na tumuturo sa

asignaturang Filipino upang higit na maging epektibo sa kanilang larangang napili.

Sa mga magulang ng mga mag-aaral na ito ay magsisilbing tulong din ang pag-aaral. Dahil

magiging gabay nila ang kanilang mga anak sa higit na pagkatuto sa asignaturang Filipino.

Magiging kaakibat din sila ng mga guro sa pagpapatupad ng mga guro sa pagpapatupad ng mga

programa para sa ikanuunlad ng kanilang mga anak.

Ang resulta ng pag-aaral ay higit na makatutulong sa mga namamahala sa pamahalaan sa

Departamento ng Edukasyon dahil magiging lunsaran nila ito sa paggawa ng mga palisiya o

panunuran sa ikauublad ng edukasyon.

Sakop at Hangganan ng Pag-aaral

Ang pag-aaral na ito nakatuon lamang sa mga mag-aaral sa ikaapat na taon ng mataas ma

paaralan ng Notre Dame ng Midsayap.

Ang pag-aaral ay isasagawa sa Taong Pamunuan 2010 – 2011. Saklaw ng pag-aaral ang

iba’t ibang salik na may kinalaman sa pagkatutuo ng wikang Filipino ng mga mag-aaral tulad ng

guro, magulang at paaralan.

 Katuturan ng mga Salitang Ginamit

Ang mga sumusunod na terminolohiya ay binigyang katuturan o kalinawan ayon sa

paggamit sa pag- aaral.

Bilang ng Taon - nagsasaad sa kabuuang bilang ng taon na ang isang guro ay magtuturo ng

asignaturang Filipino.

Kahusayan ng mga Mag- aaral - tunutukoy ito sa performans ng mag- aaral sa asignaturang

Filipino pagdating sa kanilang kagalingan.

Kursong Natapos ng Guro - kursong napagtapusan ng guro na nagtuturo ng asignaturang

Filipino.

Mabisang Pagtuturo - tumutukoy ito sa istilo ng guro sa pagtuturo upang madaling

maunawaan ng kanyang mag-aaral.

Salik – mga elemento o component ; kadalasang tinutukoy kapag pinag-uusapan ang mga bagay

na nakaaapekto.

Pamamaraan – panlahat na pagpaplano para sa sistematikong paglalahad at paglinang ng wika.

 Kabanata 2

Mga Kaugnayan na Pag-aaral sa Panitikan

Sa kabanatang ito, ilalahad ng mananaliksik ang lahat ng mga nalikom na tala na

may kinalaman sa pagakatuto sa wikang Filipino sa mga mag-aaral ng ikaapat ng taon sa

mataas na paaralan ng Notre Dame nng Midsayap.

Noong 1968, binigyang diin ng behaviorist na si Skinner ( Finocchiaro, 1986 ) ang

kahalagahan ng pagganyak, pagsasanay at pagpapatibay upang malinang ang intelektwal

na kakayahan sa wika ng mag- aaral.

Sa mga talakayan sa larangan ng pagtuturo ng wika, maging Filipino o Ingles man,

palagi nang nakasentro ang usapan sa mga guro ng wika at kung paano sila nagtuturo.

Mayroong nabanggit tungkol sa mga mag-aaral subalit mga palipad- hangin lamang. Sa

katunayan mas mahalagang isipin muna natin ang tungkol sa mga ating tinuturuan:

Sino sila?

Saan sila galling?

Ano ang alam nila?

 Balangkas ng Pag- aaral

Pag-aaralan sa pananaliksik na ito ang mga salik sa pagkatuto ng wikang Filipino ng

mga mag – aaral sa ikaapat na taon sa mataas na paaralan ng Notre Dame ng Midsayap.

Ang salik na may kaugnayan sa pagtuturo sa guro ay may kasanayan sa paggamit ng

mga makabagong istratehiya sa pamamagitan ng obserbasyon, pananaliksik, pagdalo sa
mga seminar / workshop, pagsali sa mga intrabisitasyon o pagsasanay sa Filipino ng mga
guro at kursong natapos. Ang mga salik naman na may kaugnayan sa paaralan ay ang bilang
ng mga mag-aaral sa bawat silid- aralan, balance ang materyales na gagamitin sa klasrum,
sapat ang ilaw at sariwang hangin sa silid- aralan at ilan pang kagamitang pampaaralan
tulad ng mga iba’t ibang babasahin. Ang panghuli ay ang kaugnayan ng mga magulang sa
pagkakaroon ng aktibidadis tulad ng Parents Teachers, Children Association at Family Day.
Na ang layunin ay lalong ibibigkis ang magandang samahan sa pagitan ng guro, mag- aaral,
magulang at lipunan.
 Kabanata III

Pamamaraan

Sa bahaging ito ay inilahad ng mananaliksik ang estilo at pamamaraan ng

pangangalap ng datos, mga instrumentong ginamit at kung paano mabigyang kasagutan
ang mga suliranin at ang istadistika sa maayos at maingat na pagsusuri.

Ang Disenyo ng Pananaliksik

Ang mananaliksik ay gumamit ng paraang “ descriptive survey “ at

correlational research “. Ginamit ang unang disenyo upang matukoy ang kwalipikasyon
ng guro, katayuan ng paaralan at pakikisalamuha sa mga magulang. Samantalang ang
pangalawang disenyo ay upang matukoy ang kinalaman ng grado sa kahusayan ng
mga mag- aaral sa asignaturang Filipino.

Mga Respondente o Mga Kalahok sa Pag-aaral

Ang pag- aaral na ito ay may kabuuang 205 na mag-aaral ng Ikaapat na Taon
sa Mataas na Paaralan ng Notre Dame ng Midsayap sa Taong Panuruan 2010 – 2011.
Ang mga repondenteng mag- aaral ay nagmula sa seksyong IV – St. Augustine 50 na
mag-aaral, IV – St. Joan of Arc 53 na mag- aaral, St. Cecilia 50 na mag- aaral, at St. Francis
52 sa bawat seksyon.