You are on page 1of 3

I- Lalaki sa Dilim ni Benjamin Pascual

II- INRODUKSYON

Ang nobelang lalaki sa dilim ay isinulat ni Bnjamin Pascual. Ang nobelang ito ay
nagbigay ng ilang bagay na patungkol sa kanya. Si Benjamin Pascual ay ipinanganak noong
Enero, 16 1928at pumanaw naman noong Hulyo 31, 1997. Siya rin ang sumulat ng maikling
kuwentong “kulupi” inilimbag ito noong 1953. Ang kalupi ay madalas na mapabilang sa mga
textbook o antolohiya. Marami pa silang akda tulad ng “Landas ng Bahaghari” at marami
pang iba.

Hindi siya nakapagtapos ng kursong jurnalismo sa FEU, ngunit pintunyan niyang may
talent siya sa pagsulat dahil siya ay naging tagapatnugot ng pampaaralang babasahin sa FEU.

Sinubukan din niya na sumulat ng kuwento sa Ingles, ngunit sa kasamaang plad hindi ito
tinangkilik ng mga mamababasa. Kaya sumulat na lamang siya gamit ang sariling wika. Siya
rin ay naging editor sa People’s Journal Tonight noong 1981. Ang nobelang lalaki sa dilim ay
tunay namang maganda at premyado.

III- Buod ng Nobela

Isang mahusay na ophthalmologist si Rafael ngunit nabulag ang kalooban dulot


ng panlalaki ni Margarita (asawa ni Rafael) at ng pagtataksil ni Nick (asawa ni
Marina at matalik na kaibigan ni Rafael). Nabulag din si Rafael sa panggagahasa kay
Ligaya, at kaya nagpipilit na alisin ang bagay na kumukonsensiya sa kalooban.
Mahilig din sa hostes (puta) si Rafael. At hindi niya namamalayang iyon ang
bumubulag sa kanyang pandama upang masagap ang iba pang mahahalagang bagay
sa daigdig. Maging sina Don Benito (mayamang ama ni Rafael) at Mr. Carrasco (ama
ni Margarita) ay kapwa bulag din sa pangyayaring ang kanilang mga anak na nag-
asawa ay mag-asawa lamang sa turing.
                Si Ligaya, bulag  sa aspektong pisikal ay maliwanag naman ang isip at loob
hinggil sa pagbangon sa nangyaring karahasan. May pag-asa siyang makapag-aral
muli, makapaghanap na matibay na ikabubuhay, at makatayo sa sariling mga paa.
Bukod pa roon ang malinaw na pagpupunyagi na palakihin nang maayos ang anak na
bunga ng gahasa, at ang pagtutol sa iminumungkahing aborsiyon ni Rafael. Si Marina
(asawa ni Nick at kaibigan ni Rafael), na dating kaawa-awa ang kalagayan, ay
dinapuan din ng suwerte dahil kahit inaabuso ng asawa ay nagpasiyang iahon sa lusak
ang mga anak, ganap na hiwalayan ang asa, hanggang sukdulang paslangin ang
magkaluguyong Nick (asawa ni Marina) at Margarita (asawa ni Rafael) upang
ibangon ang puri. Si Aling Sela (ina ni Ligaya) ay natitiyak din na sumasagisag sa
liwanag, bagaman maralita ay maalam sa buhay, handang magsakripisyo upang
mabigyan ng kinabukasan ang mga anak, at siyang naging matibay na gabay ni
Ligaya sa hirap man o ginhawa.
                Maging ang tagpo ng mga pangyayari ay puno ng matinding salungatan.
Mayaman man ang panig ni Rafael at iba pang lalaki ay puno naman ng pighati at
pasakit. Sa kabilang dako’y kahit salat sa pananalapi ang panig ni Ligaya’y
maligaya’t malinaw ang gustong tahakin sa buhay. Nagbago rin ang dating
barumbarong at naipaayos dahil sa perang ipinambayad sa nilikhang dahas at gahasa.
Ang klinika ni Rafael na pangunahing paggagamutan ng mga bulag na pasyente ay
naghunos na madilim na yungib ng nasabing tauhan para sa kanyang paglilinis
kasalanan. Ang sanggol na ibig ipalaglag ni Rafael ay sa dakong huli’y nagdulot pa
ng kagalakan sa kanya.
                Sa dulo’y mababatid na ang pisikal na pagkabulag ni Ligaya ang siyang
nagbigay liwanag sa katauhang-dilim ni Rafael. Nagwakas lamang ang siklo nang
kapwa luminaw ang paningin nina Rafael (dahil sa pag-ibig) at Ligaya (dahil sa
matagumpay na operasyon). Samantala’y nagsanib din ang dalawang lunan na
kinakatawanan nina Rafael (maykaya) at Ligaya (maralita) at nagluwal iyon ng
bagong pag-asa sa dalawang tauhan.

IV- KONGKLUSYON

Ang kongklusyon na namutawi sa akin ay tuluy-tuloy ang mga pangyayari mula


sa simula hanggang wakas. Sa ganitong istilo, mahuhuli ng mga mambabasa ang
magiging wakas ng kwento. Sa ganitong istilo rin ay magiging mabilis ang daloy ng
mga pangyayari sapagkat hindi gaanong masalimuot ang paglalahad,ang nobela ay
isang ekonomikal sapagkat nilalahad nito ang mga problema sa lipunan halimbawa na
lang ay ang patuloy na panggagahasa sa mga kababaihan. Ito rin ay tumatalakay sa
mga maseselang bahagi sa lipunan: ang pagtaas ng mga asawang nahahantong sa
paghihiwaayan.NATURALISMO ang kontekstong ginmit sa akda, sapagkat
inilalarawan ang kalikasan ng tao ayon sa kanyang kapaligiran at karanasan at natural
at totoong nagaganap ang mga nakalahad sa nobela. Ito ri ay nasa REALISMO
konteksto sapagkat inilarawan ng nobela ang buhay sa katotohanan at binibigyang
pansin ang makatotohanang paglalahad at paglalaeawan ng mga bagay-bagay, tao at
lipunan.

V- INSIGHT

Tunay ngang kahanga-hanga ang paglalahad na ginawa ni Benjamin Pascual sa nobelang


ito, hindi siya gumamit na masyadong malalalim na mga salita at dahil doon ay mas madaling
naunawaan ng mga mambabasa ang bawat pangyayari mula sa wakas at hanggang sa
katapusan nito. Gumamit din siya ng mga angkop na salita na nababagay para sa kanyang
mga mambabasa. Ang Nobelang ito ay tila bagang isang teleserye na sa bawat buklat mo ng
pahina ay mararamdaman mo ang mga tenson ng mga tauhan a6 mamananabik sa magiging
katapusan.
Talaga namang nawili ako sa pagbabasa ko ng nobelang ito, hindi ko aakalain na
magugustuhan at masisiyahan ako sa kalalabasan ng kuwento, sa mga sikreto at rebelasyong
naganap sa kuwento. Nasiyahan ako sa pagkabuo niya ng kuwento talagang pananabikan mo
ang bawat pangyayari na nabubuo sa kuwento. Mabuti na lang at nabasa ko ang ganitong uri
ng nobela na talaga namang napaka ganda at talagang nabigay nito ang hinihinging
pangangailangan ng isang mamababasa.

You might also like