You are on page 1of 9

ANG BUHAY NA MAY LAYUNIN By: Rick Warren BAKIT BA AKO NARIRITO SA MUNDO?

Ang aklat na ito ay alay sa iyo. Bago ka pa ipinanganak, inihanda na ng Diyos ang sandaling ito sa iyong buhay. Hindi nagkataon na hawak mo ang aklat na ito. Hangad ng Diyos na matuklasan mo ang buhay na nilikha Niya para sa iyo dito sa mundo, at sa kawalanghanggan. Sa pamamagitan Niya ay hinirang din tayo at itinalaga noon pang una ayon sa plano ng nagsasagawa ng lahat ng bagay batay sa kanyang layuning at kalooban. Efeso 1:11 Lubos akong nagpapasalamat sa daandaang mga manunulat at mga tagapagturo, klasikal at kontemporaryo, na humubog ng aking buhay at tumulong upang matutunan ko ang mga katotohanang nakalahad dito. Nagpapasalamat ako sa Diyos at sa iyo para sa pribilehiyong maibahagi ang mga katotohanang iyon. MGA NILALAMAN Isang Paglalakbay na may Layunin Ang Aking Pakikipagtipan Bakit Ba Ako Naririto Sa Mundo? unang araw Ang Lahat ay Nagsisimula sa Diyos ika-2 araw Hindi Ka Isang 'Aksidente' ika-3 araw Ano ang Nagpapatakbo ng Buhay Mo ika-4 araw Nilikha Upang Mabuhay Magpakailanman. ika-5 araw Pag-unawa sa Buhay Mula sa Pananaw ng Diyos ika-6 araw Ang Buhay ay Pansamantala Lamang ika-7araw Ang Dahilan ng Lahat ng Bagay Layunin #1: Nilikha Ka Para Sa Kasiyahan Ng Diyos ika-8 araw Nilikha Para sa Kasiyahan ng Diyos ika-9 araw Ano ang Nakakapagpangiti sa Diyos? ika-10araw AngPusong Pagsamba ika-11 araw Ang Pagiging Matalik na Kaibigan ng Diyos ika-12 araw Pagpapalago ng Iyong Pakikipagkaibigan sa Diyos ika-13 araw Pagsamba ng Nakalulugod sa Diyos ika-14 araw Kapag ang Diyos ay Parang Malayo Layunin #2: Nilikha Ka Para Sa Pamilya Ng Diyos ika-15 araw Nilikha Para sa Pamilya ng Diyos ika-16 araw Ang Pinakamahalaga sa Lahat ika-17 araw IsangLugar na Kabibilangan ika-18 araw Sama-samang Pamumuhay ika-19 araw Pagpapalago ng Komunidad ika-20 araw Pagpapanumbalik sa Nasirang Pagkakapatiran ika-21 araw Pangangalaga sa Iyong Iglesya Layunin #3: Nilalang Ka Upang Maging Kawangis Ni Cristo Ika-22 araw Nilalang Upang Maging Kawangis ni Cristo ika-23 araw Paano Tayo Lumalago ika-24 araw Binago ng Katotohanan ika-25 araw Binago ng Pagsubok ika-26 araw Paglago saPamamagjtan ngTukso ika-27 akaw Pananaig saTukso ika-28 araw Panahon ang Kailangan Layunin #4: Hinubog Ka Upang Maglingkod sa Diyos ika-29 araw Pagtanggap sa Tungkulin Mo ika-30 araw Hinugis Upang Maglingkod sa Diyos ika-31 araw Pag-unawa sa Iyong 'SHAPE' ika-32 araw Paggamit sa Ibinigay sa iyo ng Diyos ika-33 araw Paano Kumilos ang Mga Tunay na Lingkod ika-34 araw Ang Mag-isip Nang Tulad ng Isang Lingkod ika-35araw Ang Kapangyarihan ng Diyos sa Kahinaan Mo #5: Nilikha Ka Para Sa Isang Misyon ika-36 araw Nilikha Para sa Isang Misyon ika-37 araw Pagbabahagi ng Mensahe ng lyong Buhay 1ka-38 araw Pagiging Isang Cristianong "World-Class" ka-39 araw Pagbabalanse ng lyong Buhay

Ika-40araw

Ang Mabuhay Nang May

ISANG PAGLALAKBAY NA MAY LAYUN1N Paano Mapapakinabangan Nang Husto ang Aklat na Ito Higit pa sa isang aklat ang hawak mo ngayon. Isa itong gabay sa 40 araw na paglalakbay-espirituwal, at siyang tutulong sa iyo upang matuklasan ang sagot sa pinakamahalagang tanong sa buhay: bakit ba ako naririto sa mundo? Sa katapusan ng paglalakbay na ito, malalaman mo kung ano ang layunin ng Diyos para sa iyong buhay at maiintindihan mo kung paanong nag-uugnay-ugnay ang bawat maliliit na piraso nito. Aug pagkakaroon ng ganitong pananaw ay makakatulong upang mabawasan ang iyong stress, maging madali at simple ang iyong pagdedesisyon, dagdagan ang kasiyahan mo, at higit sa lahat, maihanda ka para sa kawalang-hanggan. Ang Iyong Susunod na 40 Araw Sa kasalukuyan, ang karaniwang haba ng buhay ng tao ay humigit kumulang 25,550 araw. Ganyan daw katagal ang ilalagi mo sa lupa kung ikaw ay tipikal na nilalang. Hindi ba isang makabuluhang paggamit ng panahon ang maglaan ka ng 40 araw, upang alamin kung ano ang gusto ng Diyos na gawin mo sa nalalabi mo pang mga araw sa mundo?

Itinuturing ng Diyos ang 40 araw bilang isang makahulugang panahon. Nabago ang buhay ni Noe sa 40 araw na pag-ulan Si Moises ay binago ng 40 araw na pamamalagi sa bundok ngSinai Ang mga espiya ay binago ng 40 araw na pamamalagi sa Lupang Pangako Si David ay binago ng 40 araw na paghamon ni Goliat Si Elias ay binago nang siya'y bigyan ng Diyos ng lakas na sapat sa 40 araw, sa parnamagitan ng minsanang pagkain Ang buong siyudad ng Ninive ay nabago nang magbigay ang Diyos ng 40 araw para ang mga mamamayan ay magsisi Si jesus ay lalong lumakas makalipas ang 40 araw na pama malagi sa ilang.

Pagkatapos ng muling pagkabuhay ni Jesus, ang Kanyang mga alagad ay nabago nang makapiling Siya ng mga ito nang 40 araw.

Ang susunod na 40 araw ay magbabago ng iyong buhay. Ang aklat na ito ay nahahati sa 40 maiikling kabanata. Hinihikayat kitang magbasa ng isang kabanata lamang sa bawat araw, upang magkaroon ka ng sapat na panahong pagisipan ang mga implikasyon nito para sa buhay mo. Ang sabi sa Biblia, "Huwag kayong umayon sa takbo ng mundong ito. Mag-iba na kayo at magbago ng isip upang mabatid ninyo ang kalooban ng Diyos kung ano ang mabuti, nakalulugod sa Kanya at talagang ganap." May mga dahilan kung bakit hindi tayo nagbabago kahit na magbasa tayo nang magbasa ng maraming aklat. Sa kasabikan nating mabasa agad ang susunod na kabanata, hindi tayo naglalaan ng sapat na oras para mapag-isipan nang seryoso ang mga bagay na kababasa pa lamang natin. Kaya huwag basahin nang basta-basta ang aklat na ito. Makipag- interact ka sa nakasulat. Salungguhitan ang mga salita o talatang makabuluhan sa iyo. Sa magkabilang palugit, isulat ang mga bagay na naiisip mo habang nagbabasa ka.Gawin mong iyong-iyo ang aklat na ito. Ang mga aklat na nakatulong sa akin nang lubos ay ang mga librong pinagbuhusan ko ng panahon sa makabuluhang pagbabasa. Apat Na Bahaging Makakatulong sa Iyo Sa katapusan ng bawat kabanata ay may seksyong pinamagatang "Pag-iisip Tungkol sa Aking Layunin." Dito matatagpuan ang:

Puntong Dapat Pagnilayan. Ito'y butil ng katotohanang nagbubuod ng isang prinsipyo ng pamumuhay ng may layunin. Puwede mo itong pagnilayan sa buong maghapon. Sabi ni Pablo kay Timoteo, "Dilidilihin mong mabuti ang sinasabi ko sa iyo at ipauunawa sa iyo ng Diyos ang lahat ng ito. Talatang Dapat Tandaan. Ito ay isang talata mula sa Biblia na nagtuturo ng isang katotohanang ipinapaliwanag ng kabanata. Kung gusto mong bumuti ang iyong buhay, ang pagsasaulo ng Kasulatan ay ang pinakamahalagang gawi na puwede mong simulan. Maaari mong kopyahin ang mga talata sa maliliit na kard at dalhin ito kahit saan ka magpunta. Puwede ka ring bumili ng Purpose-Driven life Scripture and Affirmation Pack. Tanong na Dapat Pag-isipan. Ang mga tanong na ito ay makakatulong upang mapag-isipan mo nang husto ang mga implikasyon ng iyong nabasa, at kung paano mo ito magagamit sa iyong buhay. Mas makakabuting isulat ang mga sagot sa mga palugit ng aklat na ito o sa isang kwaderno. Puwede ka ring kumuha ng kopya ng THE Purpose-Driven Life Journal. Ang pagsusulat ng iyong mga naiisip ay ang pinakamagandang paraan upang palinawin ang mga ito. Sa apendise 1 ay makikita mo ang:

Mga Katanungang Pantalakayan. Maiging magkaroon ka ng isa o higit pang mga kaibigang makakasama mo sa pagbabasa ng aklat na ito sa susunod na 40 araw, Ang isang paglalakbay ay mas maganda kung may kasama. Mapag-uusapan ninyo ang inyong mga nabasa at makakapagpalitan kayo ng mga ideya. Ang prosesong ito ay makakatulong para lumakas at lumalim ang pananampalataya mo. Ang tunay na paglagong espirituwal ay

hindi mo makakamtan nang mag-isa. Kailangan mong makipagrelasyon sa iba at makibahagi sa isang komunidad upang tunay kang lumalim sa pananam palataya, Upang maging maliwanag sa iyo ang layunin ng Diyos para sa buhay mo, ang pinakamabisang paraan ay hayaang mangusap ang Biblia sa iyo. Ang aklat na ito ay nagtataglay ng mahigit sanlibong mga talata mula sa iba't ibang salin at paraprasis ng Biblia. Iba't-ibang bersyon ang ginamit ko dahil sa ilang mahahalagang rason, na ipapaliwanag ko sa apendise 3. Ipinagdarasal Kita Sa pagsulat ko ng aklat na ito, madalas kong ipanalanging sana ay maranasan mo ang kamangha-manghang pagasa, kalakasan, at kagalakang nanggagaling sa pagtuklas kung bakit ka inilagay ng Diyos sa planetang ito. Wala itong katumbas. Masayang-masaya ako dahil alam ko ang mga magagandang bagay na mangyayari sa iyo. Nangyari din ito sa akin, at ako ay hindi na tulad ng dati mula nang malaman ang layunin ko sa aking buhay. Dahil alam ko ang mga benepisyo nito, gusto kitang hamunin na manatili sa paglalakbay sa susunod na 40 araw, Siguraduhin mong wala kang makakaligtaang araw ng pagbabasa. Ang buhay mo ay importante kaya dapat kang mag-ukol ng panahon para pag-iisipan ito. Gumawa ka ng appointment para dito sa iyong pang-araw-araw na iskedyul. Ang paglagda sa isang commitment o pakikipagtipan ay isang mahalagang pagpapahayag ng desisyong ito. Kung may ka-partner ka, papirmahin mo rin siya sa susunod na pahina. Ngayon ay puwede na tayong mag-umpisa! Ang Aking Pakikipagtipan Sa tulong ng Diyos; itinatalaga ko ang susunod na 40 araw ng buhay ko sa pagtuklas ng layunin ng Diyos para sa aking buhay. Rick Warren "Ang dalawa ay mabuti kaysa isa; mas marami ang bunga ng gagawin nila. Kapag nabuwal ang isa, maitatayo siya ng kanyang kasama. Kawawa ang nag-iisa pagka't walang tutulong sa kanya

kapag siya ay nabuwal. .. Ang lubid na may tatlong pilipit ay di agad malalagot." Mangangaral 4:9-10,

BAKIT BA AKO NARIRITO SA MUNDO? Malalantang tila dahon ang nagtitiwala sa kanyang yaman, nguni't ang matuwid ay giginhawa, tulad ng Sariwang halaman. Kawikaan 11.28 (MBb) Nguni't maligaya ang taong nananalig kay Yahweh, pagpapalain ang umaasa sa Kanya. Ang katulad niya'y halamang nakatanim sa tabi ng batisan, ang mga ugat ay patungo sa tubig; hindi ito manganganib kahit dumating ang tag-init sapagkat mamamalaging luntian ang mga dahon,kahit di umuulan ay wala itong aalalahanin, patuloy pa rin itong mamumunga. Heremias 17:7-8 (MBB) UNANG KABANATA Ang Lahat ay Nagsisimula sa Diyos Sapagkat ang lahat ng nasa langit at nasa lupa, nakikita man o hindi, pati ang mga naghahari at namamahala, mga namumuno at may kapangyarihang espirituwal ay pawang nilikha ng Diyos sa pamamagitan niya at para sa kanya. Colosas 1:10 (MSB) Hangga't ayaw mong isiping may Diyos, walang saysay ang magtanong ka tungkol sa layunin ng buhay.; Bertrand Russel,atiesta Ito ay hindi tungkol sa iyo. Ang layunin ng buhay mo ay higit pa sa katuparan ng iyong pansariling mga plano, kapanatagan ng iyong isip, at kahit sa iyong kaligayahan. Ito'y higit pa sa iyong pamilya, propesyon, at kahit sa pinakamatayog mong mga pangarap at ambisyon. Kung gusto mong malaman kung bakit ka inilagay ng Diyos sa planetang ito, kailangan mong magsimula sa Diyos. Ikaw ay isinilang sa pamamagitan ng Kanyang layunin, at para sa Kanyang layunin. Ilang libong taon na ring patuloy na pinaghahanap ng tao ang layunin ng buhay. Ito ay isang malaking palaisipan para sa marami. Madalas kasi tayong mag-umpisa sa maling lugar sa mga sarili natin. Puro makasariling katanungan ang ating pinagkakaabalahan.Halimbawa: Ano ba ang gusto kong maging? Ano ba ang dapat kong gawin sa buhay ko? Ano ba ang aking mga hangarin, mga ambisyon,mga pangarap para sa aking kinabukasan? Ang totoo, kung ang konsentrasyon natin ay nasa ating mga sarili lamang, hindi natin matatagpuan ang layunin ng ating mga buhay Ang sabi sa Biblia,"Ang Diyos ang nagpapalakad sa lahat ng bagay, ang buhay ng bawa't isa ay hawak ng Kanyang kamay. Salungat sa sinasabi ng maraming popular na aklat, pelikula at mga seminar, hindi mo matutuklasan ang kahulugan ng buhay mo sa pagsisiyasat ng iyong sarili. Siguro'y nasubukan mo nang gawin ito. Hindi ikaw ang lumikha sa sarili mo kaya hindi mo masasabi kung para saan ka nilikha. Kapag binigyan kita ng isang imbensiyong ngayon mo palang nakita, hindi mo malalaman kung para saan ito. Hindi rin ito masasabi sa iyo ng imbensiyon. Tanging ang imbentor nito at ang owners manual ang makapagsasabi sa iyo nito. Minsay naligaw ako sa kabundukan.Nang huminto ako sa isang kampo para humingi ng direksiyon, sabi nila sa akin,"Hindi ka makakarating doon mula rito. Kailangang magsimula ka sa kabilang ibayo!" Gayundin, hindi mo mararating ang layunin ng buhay mo kapag nagsimula ka sa sarili mo. Dapat kang magsimula sa Diyos, ang iyong Tagapaglikha.

Nabubuhay ka dahil niloob ng Diyos na ika'y mabuhay. Nilikha ka ng Diyos para sa Kanya at hanggang hindi mo ito nauunawaan, ang buhay ay walang saysay. Tanging sa Diyos natin matutuklasan ang ating pinagmulan, ang ating pagkakakilanlan o identity, ang ating layunin, ang ating kabuluhan, at ang ating kahihinatnan. Ang lahat ng ibang daan ay walang lagusan. Maraming tao ang nagtatangkang gamitin lamang ang Diyos para makuha ang kanilang mga pansariling hangarin. Pero ito'y isang pagbabaligtad ng kalikasan at mauuwi lang sa kabiguan. Ikaw ay nilikha para sa Diyos, hindi ang kabaligtaran, Ang buhay ay tungkol sa pagpapaubaya mong gamitin ka ng Diyos para sa mga layunin Niya, hindi ang gamitin mo Siya para sa mga layunin mo. Ang sabi sa Biblia, "Aug pagkahumaling sa mga bagay ukol sa laman ay hahantong sa kamatayan, ngunit ang pagsisikap sa mga bagay ukol sa espirtu ay magbubunga ng buhay at kapayapaan. Marami na akong nabasang mga aklat na nagtatangkang magtuturo kung paano ko madidiskubre ang layunin ng aking buhay. Ang mga ito ay tinatawag na self-help books dahil tinatalakay nila ang paksa mula sa isang makasarili o selfcentered na pananaw. Ang mga self-help na aklat, kahit pa Cristiano ang may-akda, ay kadalasang pare-pareho lamang ang ibinibigay na mga hakbang para mahanap mo ang layunin ng iyong buhay: Isaalang-alang ang iyong mga pangarap, Liwanagin kung ano ang mahalaga sa iyo. Itakda ang mga tunguhin o goals na gusto mong maabot. Alamin mo kung saan ka magaling. Puntiryahin mo ang pinakamataas. Gawin mo! Maging disiplinado. Maniwala na maaabot mo ang iyong mga hangarin. Magsama ng iba. Huwag kang susuko. Oo nga't dahil sa mga rekomendasyong ito, marami ang talagang nagtatagumpay. Kung magsisikap ka, makakamtan mo nga naman ang iyong mga hangarin. Subalit ang pagiging matagumpay at ang pagtupad sa layunin ng iyong buhay ay hindi magkapareho! Maaari mong marating ang lahat ng mga personal mong hangarin, o kaya'y maging matagumpay batay sa pamantayan ng mundo, pero hindi mo pa rin naisasakatuparan ang layunin ng Diyos para sa iyo. Higit pa sa payo ng mga self-help ang kailangan mo. Ang sabi sa Biblia, "Ang naghahangad na magligtas ng kanyang buhay ay siyang mawawalan nito; ngunit ang mag-alay ng Kanyang buhay alang-alang sa akin ay siyang magkakamit noon. Hindi ito isang self-help na aklat. Hindi ito tungkol sa paghahanap ng tamang propesyon, o mga paraan sa pag-abot ng iyong mga pangarap, o kaya'y pagpaplano ng iyong buhay. Hindi ito tungkol sa kung paano maisasaksak ang dagdag pang mga gawain sa iskedyul mong punung-puno na. Ang totoo, ituturo nito sa iyo kung paano mo babawasan ang mga aktibidad mo sa buhay sa pamamagitan ng pagtutok sa kung ano lamang ang tunay na mahalaga. Ito ay tungkol sa kung paano mapapasaiyo ang katauhang niloob ng Diyos na para sa iyo. Paano mo ngayon matutuklasan ang dahilan ng iyong pagkakalikha? Dalawa lang ang iyong pagpipilian. Ang una ay ang espekulasyon. Ito ang ginagawa ng karamihan. Sila ay nagbabakasakali,nanghuhula, nagkukuro-kuro. Kapag sinabi ng isang tao, "Matagal na akong naniniwalang ang bubay ay...," ang ibig niyang sabihin talaga ay "Nanghuhula lang ako at ito na ang pinakamagandang paliwanag na naiisip ko. Sa loob ng libu-libong mga taon, maraming mga matatalinong pilosopo ang nag-usap-usap at nagbigay nang kanikanilang mga palagay tungkol sa kahulugan ng buhay. Ang pilosopiya ay isang mahalagang larangan ng pag.aaral at ito ay may pinaggagamitan. Pero pagdating sa pagtuklas ng tunay na layunin ng buhay, kahit ang pina- kadalubhasang mga pilosopo ay nanghu hula lamang. Si Dr. Hugh Moorhead, isang propesor ng pilosopiya sa North eastern Illinois University, ay minsang sumulat sa 250 sa pinakakilalang mga pilosopo, siyentipiko, manunulat, at intelektuwal sa mundo. lto ang itinanong niya sa kanila. "Ano ang kahulugan ng buhay?" Pagkatapos ay inilathala niya ang mga kasagutan sa isang aklat. Ang ilan ay nagbigay ng kanilang pinakamahusay na haka-haka. Ang iba naman ay umaming nag-imbento lamang sila ng mga sagot. Ang iba pa ay nagtapat na hindi nila alam ang kasagutan. Ang totoo, may ilang mga tanyag na intelektuwal na humiling kay Propesor Moor head na sila'y sulatan sa sandaling matuklasan na niya ang kahu lugan ng buhay!' Sa kabutihang palad, bukod sa espekulasyon ay may iba pang alternatibo para malaman natin ang kahulugan at layunin ng buhay. Ito ay ang paghahayag o revelation. Maaari tayong sumangguni sa Salita ng Diyos upang malaman natin kung ano ang Kanyang naipahayag na tungkol sa buhay. Ang pinakamadaling paraan para malaman ang layunin ng isang imbensiyon ay ang magtanong sa imbentor nito. Gayundin sa pagtuklas sa layunin ng iyong buhay: Itanong mo sa Diyos, Hindi tayo iniwan ng Diyos sa dilim para magtaka at manghula. Sa pamamagitan ng Biblia, malinaw Niyang ipinahayag ang limang layunin Niya para sa mga buhay natin. Ito ang ating owner's manual, ang nagpapaliwanag kung bakit tayo nabubuhay, kung ano ang takbo ng buhay sa mundo, kung ano ang dapat nating iwasan, at kung ano ang maaasahan sa kinabukasan. Ipinaliliwanag nito ang hindi kayang ipaliwanag ng mga aklat na self-help o kaya ng pilosopiya. Ang sabi ng Biblia, "... Nagsasalita kami tungkol sa karunungan ng Dios, na hiwaga at inilihim, na itinalagang Diyos bago ang mga panahon para sa ikaluluwalhati natin." Ang Diyos ay hindi lamang ang starting point o pagsisimulan mo sa paghahanap ng tamang paraan para mamuhay. Ang totoo, sa Kanya talaga nagmula ang iyong buhay. Kaya upang matuklasan ang layunin mo sa buhay, kailangan mong sumangguni sa Salita ng Diyos, hindi sa karunungan ng mundo. Dapat mong itatag ang iyong buhay sa mga katotohanang walang hanggan, hindi sa sikolohiyang popular, o sa mga teknik para magkaroon ka ng motibasyong magtagumpay, o kaya'y sa mga kuwentong nagbibigay inspirasyon. Ang sabi ng Biblia, "Sa kanya ay tumanggap din tayo ng isang mana, na itinalaga nong una pa ayon sa layunin niya na gumagawa ng lahat ng mga bagay ayon sa kanyang pasiya at kalooban.'"' Ang talatang ito ay nagbibigay sa atin ng tatlong mahahalagang prinsipyo tungkol sa layunin ng ating buhay.

1 2

Matutuklasan mo kung sino ka at kung ano ang layunin mo sa pamamagitan ng pagkakaroon ng relasyon kay Jesu-Cristo. Kung ikaw ay walang ganitong kaugnayan, ipaliliwanag ko sa mga susunod na pahina kung paano mo ito masisimulan. Bago mo pa naisip ang Diyos, matagal ka na Niyang iniisip. Bago ka pa mabuo sa sinapupunan ng iyong ina ay may layunin na Siya para sa iyong buhay. Nagawa na Niya ang plano Niya para sa iyo nang wala ka man lang

naiambag! Puwede kang pumili ng propesyon, asawa, mga libangan, at marami pang mga bagay sa buhay mo, pero hindi mo mapipili ang layunin ng buhay mo.

Ang layunin ng buhay mo ay bahagi ng isang mas malaking pansansinukob na layuning itinalaga ng Diyos para sa ka wa lang-hanggan o eternity.

Si Andrei Bitov, isang nobelistang Ruso, ay lumaki sa isang Komunistang rehimen at hindi naniniwalang may Diyos. Ngunit sa isang makulimlim na araw, nakuha ng Diyos ang kanyang pansin. Kuwento ni Andrei: "Sa aking ika-dalawampu't pitongtaon, habang nakasakay sa metro o tren sa Leningrad (ngayo'y St. Petersburg), ako ay inabutan ng labis na kawalang pag-asa. Sa sobrang bigat ng pakiramdam ko'y parang biglang huminto ang buhay, at ang lahat ng bagay pati na ang kinabukasan, ay nawalan ng kabuluhan. Walang anu-ano'y biglang lumitaw sa aking isipan ang isang ideya: Kung walang Diyos, ang buhay ay walang saysay. Ako ay manghangmangha habang inuulit-ulit ko ito. Ang mga salitang iyon ay sinakyan kong tulad ng isang papataas na hagdang gumagalaw.Lumabas ako sa metro at naglakad sa liwanag ng Diyos."7 Maaaring pakiramdam mo'y para kang nasa dilim, at di mo alam ang layunin ng buhay mo. Maligayang bati! Maglalakad ka na sa liwanag. UNANG ARAW Pag-iisip Tungkol Sa Aking Layunin Puntong Dapat Pagnilayan: Ito ay hindi tungkol sa akin,

Talalang DapatTandaan: "Sapagkat ang lahat... ay pawang nilikha ng Diyos sa pamamagitan Niya at para sa Kanya." Colosas 1:1Gb (MBB) Tanong na Dapat Pag-isipan: Sa kabila ng lahat ng mga patalastas nanakapaligid sa akin, paano ko maipapaalaala sa sarili ko na ang buhay ay tungkol sa pamumuhay para sa Diyos, at hindi para sa akin?

IKALAWANG KABANATA Hindi Ka Isang "Aksidente" Ito any sinasabi ng Panginoon niya na lumikha sa iyo, na nag-anyo sa iyo sa sinapupunan.Isaias 44:2 Ang Diyos ay hindi nakikipagsapalaran. Albert Einstein Ikaw ay hindi isang "aksidente" lamang. Ang pagsilang mo ay hindi isang pagkakamali, at ang buhay mo ay hindi bunga lamang ng mga pagkakataon. Kung hindi man binalak ng mga magulang mo na mailuwal ka sa mundo, may Diyos na naghanda ng lahat para sa iyo. Hindi Siya nagulat sa iyong pagsilang. Ang totoo, hinintay Niya at inasahan ito. Bago ka pa ipinaglihi ng iyong ina, nabuo ka na sa isipan ng Diyos. Naisip ka na ng Diyos noon pa man. Hindi biro ng tadhana o kapalaran lang na ikaw ay magkaroon ng hininga sa mga sanda ling ito. Ikaw ay buhay dahil niloob ng Diyos na likhain ka. Sinasabi sa Biblia, "Tutuparin ng Panginoon ang Kanyang layunin para sa akin." Itinakda rin ng Diyos ang lahat ng detalye ng iyong katawan. Sinadya Niyang piliin ang iyong lahi, ang kulay ng iyong balat, ang iyong buhok, at ang iba mo pang mga katangian. Dinisenyo Niya ang katawan mo ayon sa gusto Niya para sa iyo. Pinagpasiyahan rin Niya kung ano ang mga kakayahang dapat ay mayroon ka, pati na ang pagkabukod-tangi ng iyong pagkatao. Sinasabi sa Biblia, "Ang buto ko sa katawan noong iyon ay hugisin, sa loob ng bahay-bata doo'y iyong napapansin; lumalaki ako noong sa iyo'y di nalilihim." Sapagkat may dahilan ang Diyos nang ikaw,ay likhain Niya, pinagpasiyahan rin Niya kung kalian ka isisilang at kung hanggang kailan ka mabubuhay. Bago ka pa ipanganak ay nabuo na ang plano Niya para sa buhay mo. Napili na rin Niya ang eksaktong oras ng iyong pagsilang at kamatayan. Sinasabi sa Biblia: "Nakita ng inyong mga mata ang aking wala pang anyong sangkap; at sa iyong aklat bawat isa sa mga iyon ay nakasulat, ang.mga araw na sa akin ay itinakda, nang wala pang anuman sa kanila." Planado rin ng Diyos kung saan ka isisilang at kung saan ka mamumuhay nang ayon sa Kanyang layunin. Ang lahi at lipi mo ay hindi isang aksidente. Hindi Siya nagbakasakali sa kahit anumang maliit na bagay tungkol sa iyo. Binuo Niya ang lahat ng ito ayon sa Kanyang layunin. Sinasabi sa Biblia, "Nilikha niya mula sa isa ang bawat bansa ng mga tao upang manirahan sa ibabaw ng buong lupa. Itinakda niya ang mga panahon at mga hangganan ng kanilang titirahan."4 Walang anumang bagay sa buhay mo ang napagpasiyahan Niya nang pabigla-bigla, Ang lahat ay para sa isang layunin. Ang nakamamangha pa, napagpasiyahan din ng Diyos kung paano ka ipapanganak. Kahit ano pa ang mga nangyari noong ikaw ay isinilang, o kahit sino pa ang naging mga magulang mo, may plano na ang Diyos noong ikaw ay Kanyang likhain. Hindi importante kung ang mga magulang mo ay mabuti o masama o sadyang walang-bahala. Alam ng Diyos na ang dalawang nilalang na iyan ang may taglay ng eksaktong mga palaangkanang sangkap, upang mabuo ang "ikaw" na nasa Kanyang isipan. Taglay nila ang tamang DNA na nais ng Diyos para mabuo ka. Kung mayroon mang mga magulang na ilehitimo, walang ilehitimong anak. Kung may mga anak na hindi binalak ng kanilang mga magulang, ang mga ito ay hindi aksidente sa paningin ng Diyos. Sa pagbubuo Niya ng Kanyang layunin, isinaalang-alang ng Panginoon ang pagkakamali ng tao, at maging ang kasalanan. Walang ginagawa ang Diyos nang hindi sinasadya. Hindi Siya nagkakamali kailanman, at mayroon Siyang dahilan sa paglikha ng kahit anumang bagay. Ang bawat puno at bawat hayop ay binuo nang ayon sa plano ng Diyos, at ang bawat tao ay dinisenyo nang ayon sa layuning Kanyang iniisip. Ang motibo ng Diyos sa paglikha.sa iyo ay ang pag-ibig Niya. Sinasabi sa Biblia, "At sa atin ngang pakikipag-isang ito, hinirang na niya tayo bago pa nilikha ang sanlibutan upang maging banal at walang kapintasan sa harapan niya. Dahil sa pag-ibig ng Diyos. Iniisip ka na ng Diyos bago pa man Niya likhain ang daigdig. Iyon ang dahilan kung bakit Niya nilikha ang planetang ito! Dinisenyo Niya ang buong kapaligiran upang dito tayo manirahan.Tayo ang sentro ng Kanyang pag-ibig at ang pinakamahalaga sa lahat ng Kanyang mga nilikha. Sinasabi sa Biblia, "Niloob niyang tayo'y maging anak niya sa pamamagitan ng salita ng katotohanan, upang matangi tayo at maging higit sa lahat ng kanyang mga nilalang. Ganyan ka kamahal at pinahahalagahan ng Diyos!

Ang Diyos ay hindi padalus-dalos sa Kan yang mga hakbang. Masusi Niyang binalangkas ang lahat nang may buong katiyakan. Kaya't habang dumarami ang mga siyentipikong nag-aaral tungkol sa sansinukob, higit nating na- uunawaang akmang-akma ang mundo para sa atin. Ito ay talagang ginawa para sa ating kapanatilihan, at may eksaktong mga katangian para mabuhay tayo. Si Dr. Michael Denton ay naglilingkod sa Pamantasan ng Otago, New Zealand bilang pinunong mananaliksik sa molecular genetics. Ganito ang kanyang konklusyon: "Ang lahat ng mga katibayang maaaring makuha mula sa biyolohiya at iba pang mga kaugnay na agham ay sumusuporta sa pangunahing proposisyong.ang sandaigdigan ay dinisenyo nang buo para sa iisang layunin. Ito ay walang iba kundi ang mapanatili at masustentuhan ang buhay at ang sangkatauhan. Ang sentral na katotohanang ito ay nagbibigay ng katuturan at paliwanag sa lahat ng aspeto ng realidad."' Ganito rin ang sinabi ng Biblia ilang libong taon na ang naka-raraan: "Sapagkat ito ang sabi ng Panginoon na lumikhn ng langi( (siya ay Diyos!) na nag-anyo ng lupa at gumawa niyon,(na kanyang itinatag; hindi niya ito nilikha na sira,ito ay kanyang inanyuan upang tirahan!): "'Ako ang Panginoon, at wala nang iba."" Bakit ginawa ng Diyos ang lahat ng ito? Bakit nag-abala Siya sa paglikha ng sandaigdigan para sa atin? Ito'y sapagkat Siya ay isang Diyos ng pag-ibig. Ang ganitong uri ng pag-ibig ay mahirap maintindihan, subalit lubos na mapagkakatiwalaan. Ikaw ay nilikha upang maging tanging tampulan ng pag-ibig ng Diyos! Nilikha ka ng Diyos para mahalin Niya. Ito ang isang katotohanang dapat mong pagbatayan ng iyong buhay. Ayon sa Biblia, "Ang Diyos ay pag-ibig. Hindi nito sinabing ang Diyos ay may pag-ibig. Siya ay pag-ibig! Pag-ibig ang sentral at di- maiaalis na bahagi ng karakter ng Diyos. Ang pag-ibig na namamayani sa samahan ng Tatlong Persona ang Diyos Ama, Anak, at Espiritu Santo ay ganap. Hindi kinailangan ng Diyos na likhain ka. Hindi rin naman Siya nalulumbay. Subalit ninais Niyang likhain ka upang ipadama sa iyo ang Kanyang pag-ibig. Sinabi ng Diyos: "Kayo'y inaruga ko mula sa inyong pagsilang ... iingatan ko kayo hanggang sa pumuti ang inyong buhok at kayo'y tumanda. Kayo'y nilikha ko kaya 't tungkulin kong kayo ay iligtas at laging kalingain, Kung walang Diyos, lahat tayo ay mga "aksidente" lamang, at bunga ng mga disinasadyang pagbabago sa sandaigdigan. Puwede mo nang itigil ang pagbabasa sa aklat na ito dahil ang buhay ay wala naman palang halaga at katuturan. Walang tama o mali, at wala na ring pag-asa pagkatapos ng maikling buhay mo dito sa daigdig. Subalit may Diyos na Siyang lumikha sa iyo para sa isang layu nin, at ang buhay mo ay may malalim na kabuluhan! Matutuklasan lamang natin ang kabuluhan at katuturan ng buhay kapag ang Diyos ang ginawa nating reference point ng ating buhay. Ayon sa Roma 12:3, "Ang tanging wastong paraan upang maunawaan natin ang ating sarili ay sa pamamagitan ng pagkilala kung sino ang Diyos at kung ano ang Kanyang ginawa para sa atin." Ang kabuuan ng lahat ng ito ay nakasaad sa tula ni Russell Kclfer: Ikaw ay ikaw para sa mahalagang rason. Ikaw ay bahagi ng masalimuot na layon. Dinisenyo kang ganap, ikaw ay bukod-tangi, Espesyal sa paningin ng Diyos, babae ka man o lalaki. Ika'y nagmukhang ikaw para sa natatanging rason. Di nagkamali kailanman ang Panginoon. Ika'y Kanyang hinabi sa loob ng sinapupunan, Upang maging ikaw, ayon sa Kanyang kagustuhan. Mga magulang mo mismo ang Kanyang pinili, Maging ano pa man ang iyong naiisip, Sila ay sinadyang sa plano ng Diyos ay umayon, At kanilang tinataglay ang tatak ng Panginoon. Dinanas mong sugat, hindi ganoon kadali. Maging ang Diyos nanangis sa ininda mong hapdi; Ngunit ito'y Kanyang hinayaan, upang puso mo'y hubugin, At nang sa paglago mo'y wangis Niya ang iyong kamtin, Ikaw ay ikaw para sa tanging dahilan, Ikaw ay hinubog sa pamalo Niyang tangan. Ikaw ay ikaw, O Kanyang sinisinta, Pagkat ang ating Diyos Siya'y tunay na dakila!" Ika-2 Araw Pag-iisip Tungkol Sa Aking Layunin Puntong Dapat Pagnilayan: Hindi ako isang "aksidente." Talatang Dapat Tandaan: "Ito ang sinasabi ng Panginoon niya na lumikha sa iyo, na nag-anyo sa iyo sa sinapupunan."' Isaias 44;2a (NPV) Tanong na Dapat Pag-isipan: Ngayong nalalaman kung ako ay nilikha ng Diyos sa katangi tanging paraan, anong mga aspeto ng aking personalidad, pinagmulan, at pisikal na kaanyuan ang kailangang matutunan kong tanggapin? IKATLONG KABANATA Ano ang Nagpapatakbo ng Buhay Mo? Nakita ko ring ang tao'y nagpupunyagi upang mahigitan ang kapwa. Wala rin itong kabuluhan at nauuwi sa wala. Mangangaral 4:4 Ang taong walang layunin ay parang barkong walang timon isang palaboy, isang bagay na wala, isang taong walang kabuluhan. Thomas Carlyle

Ang buhay ng bawat tao ay pinapatakbo ng isang bagay. Sa wikang Filipino, ang katumbas ng Ingles na salitang drive ay "magpatakbo." Sa mga diksyunaryong ingles, ang kadalasang kahu lugan ng salitang drive ay "to guide, to control, or to direct." Ang katumbas naman ng mga salitang ito sa wikang Filipino ay "gabayan, kontrolin, o pamahalaan." Nagmamaneho ka man ng kotse, o nagmamartilyo, o humahampas ng bola ng golf, iisa lang ang ginagawa mo: Ikaw ang gumagabay, kumokontrol, at namamahala sa mga bagay na ito. Ano ang puwersang nagpapatakbo ng buhay mo ngayon? Sa mga sandaling ito, maaaring ikaw ay kontrolado ng problema, o ng isang mahigpit na pangangailangan, o ng dami ng iyong trabaho. Puwedeng naghahabol ka rin ng katapusang-araw o deadline para sa isang proyekto, at kontrolado nito ang paggamit mo ng oras. Puwedeng kontrolado ka ng isang mapait na alaala, ng isang bagay na malimit mong katakutan, o ng isang paniniwalang di mo namamalayang mayroon ka. May daan-daang mga pagkakataon, mga bagay na pinahahalagahan, at mga emosyong maaaring kumontrol o magpatakbo ng buhay mo. Lima sa mga ito ang madalas magpatakbo ng buhay ng tao: 1. Maraming tao ang kontrolado ng kasalanan. Inaaksaya nila ang kanilang mga buhay sa patuloy na pag-iwas sa mga bagay na pinagsisisihan nila at pagtatago ng kanilang kahihiyan. Ang buhay ng mga taong kontrolado ng makasalanang budhi o guiltay pinaiikot ng mga alaala. Hinahayaan nilang kontrolin ng nakaraan ang kanilang kinabukasan. Hindi nila namamalayan ito pero madalas nilang parusahan ang kanilang mga sarili sa pamamagitan ng pagsabotaheng sarili nilang tagumpay. Nang magkasala si Cain, inilayo siya ng kan yang kasalanan mula sa presensiya ng Diyos. Sinabi ng Panginoon, "Bungkalin mo man ang lupang ito upang tamnan, hindi ka mag-aani; wala kang matatahanan at magiging lagalag ka sa daigdig.'" Karamihan sa atin ay ganoon nga naglalagalag sa buhay nang walang layunin. Tayo ay produkto ng ating nakaraan pero hindi tayo bilanggo nito. Ang layunin ng Diyos ay hindi kayang limitahan ng nakaraan mo. Ginawa Niyang isang pinuno ang isang mamamatay-taong nagngangalang Moises,at ang isang duwag na nagngangalang Gideon ay naging isang matapang na bayani. Kaya rin ng Diyos ang gumawa ng mga nakamamanghang bagay sa iyong buhay. Ang Panginoon ay isang espesiyalista sa pagbibigay sa mga tao ng pagkakataong magsimula muli. Sinasabi ng Biblia, "Mapalad siya na pinatawad ang pagsuway, na ang kasalanan ay tinakpan. " 2. Maraming tao ang kontrolado ng hinanakit at galit. Ayaw nilang bitiwan ang kanilang mga sama ng loob at hindi nila mapagtagumpayan ang mga ito. Sa halip na pakawalan ang hapdi sa pama magitan ng pagpapatawad, inuulit-ulit nila ito sa kanilang mga isipan. Ang ibang taong kontrolado ng hinanakit ay tahimik at kumukulo sa loob. May iba naman ay mabilis "pumutok" at magbunton ng galit sa kapwa. Ang dalawang ugaling ito ay parehong nakakasama at hindi nakakatulong. Ang hinanakit ay mas nakakasira sa iyo kaysa sa taong nakasakit sa iyo. Malamang ay nakalimutan na ng taong iyon ang nagawa niya sa iyo at ipinagpapatuloy na ang kanyang buhay, samantalang ikaw ay nakababad pa rin sa iyong hinanakit at nabubuhay sa nakaraan. Makinig ka: Ang mga nanakit sa iyo noon ay hindi na makakapinsala sa iyo ngayon, maliban na lang kung patuloy mong panghahawakan ang hapdi ng hinanakit. Ang nakaraan mo'y nakaraan na! Wala nang makakapagpabago nito. Sinasaktan mo lang ang sarili mo sa pamamagitan ng kapaitan ng loob. Para sa kapakanan mo, alamin kung ano ang matututunan mo sa mapait mong karanasan, at pagkatapos ay pakawalan mo na ito. Ang sabi ng Biblia, "Sapagkat ang bigat ng loob ay pumapatay sa taong hangal, at ang paninibugho ay pumapatay sa mangmang. 3. Maraming tao ang kontrolado ng takot. Ang kanilang pagkatakot ay maaaring resulta ng iba't ibang bagay: isang karanasang masakit at di malimutan, mga pag-aasam na di makatotohanan, o ang paglaki sa isang pamilyang masyadong mahigpit. Puwede ring nasa lahi nila ang pagiging matatakutin. Anuman ang sanhi ng kanilang takot, ang mga taong kontrolado nito ay napag-iiwanan ng mga magagandang oportunidad dahil ayaw nilang makipagsapalaran. Sa halip ay umiiwas sila sa peligro at nagsusumikap na panatilihin ang anumang nakasanayan na. Ang takot ay isang bilangguang gawa ng sarili. Kung magpapatali ka nito, hindi mo makakamtan ang kaganapan ng pagkataong hangad ng Diyos na mapasaiyo. Kaya kailangang labanan mo ang takot sa pamamagitan ng pananampalataya at pag-ibig. Ang sabi sa Biblia, "Walang kalakip na takot ang tunay na pag-ibig sapagkat pinapawi ng pag-ibig ang nagpapalayas anumang pagkatakot. Hindi pa ganap ang pag-ibig ng sinumang natatakot sapagkat ang takot ay kaugnay ng parusa."' 4. Maraming tao ang kontrolado ng materyalismo. Ang pagkakaroon ng maraming bagay ang nagiging pangunahing layunin ng kanilang mga buhay. Ang puwersang nagtutulak sa isang tao para maghangad nang maghangad ay ang maling paniniwalang kapag mas marami ang ari-arian mo, magiging mas masaya ka, mas importante, at mas magkakaroon ng seguridad. Ang tatlong ito'y hindi totoo. Panandaliang kaligayahan lang ang naiibibigay ng mga ari-arian. Dahil hindi nagbabago ang mga materyal na bagay, nagsasawa rin tayo sa mga ito. Pagkatapos ay maghahangad na naman tayo ng mas bago't higit na magandang bersiyon nito. Mali rin ang paniniwalang kapag mas marami ang aking makukuha, mas magiging importante ako. Ang halaga ng iyong sarili o self-worth at ang halaga ng lahat ng iyong mga ari-arian ay hindi magkapareho. Ang halaga mo ay hindi nakabatay sa mga mamahaling gamit na pag-aari mo. Sinasabi ng Diyos na ang pinakamahahalagang bagay sa buhay ay hindi material. Ang madalas paniwalaan ng tao tungkol sa pera ay ito: Kung mas marami ang pera mo,mas magkakaroon ka ng seguridad. Ito'y mali. Ang kayamanan ay maaaring mawala kaagad, sanhi ng maraming bagay na hindi mo kayang kontrolin. Ang tunay na seguridad ay matatagpuan lamang sa kaisa-isang bagay na hindi maaaring agawin sa iyo ninuman ang iyong relasyon sa Diyos. 5. Maraming tao ang kontrolado ng paghahangad na maibigan sila ng ibang tao. Hinahayaan nilang ang kanilang mga buhay ay pangunahan ng mga inaasahan o expectations ng kanilang mga magulang, asawa, anak, guro, o kaibigan. Marami ang nasa hustong gulang na, subali't nagpupumilit pa ring pasiyahin ang kanilang mga magulang kahit na parang imposible itong gawin. Ang iba naman ay pinangungunahan ng hangaring maibigan sila ng, kanilang mga kauri, at laging nag-aalala tungkol sa iisipin ng iba. Sa kasamaang palad, ang mga mahihilig sumunod sa pulutong ang siyang nawawala. Hindi ko alam ang lahat ng susi sa tagumpay, subalit ang isang susi sa kabiguan ay ang magpumilit na magustuhan ka ng lahat ng tao. Ang pagpapakontrol sa opinyon ng iba ay isang garantisadong paraan para hindi mo makita ang layunin ng Diyos sa buhay mo. Ang sabi ni Jesus, "Walang makapaglilingkod nang sabay sa dalawang panginoon sapagkat kapopootan niya ang isa at iibigin ang ikalawa, paglilingkuran nang tapat ang isa at hahamakin ang ikalawa. May iba pang mga puwersang maaaring magpatakbo ng buhay mo, subalit ang Lahat ng ito ay papunta lamang sa iisang malungkot na katapusan: Mga kakayahang hindi nagamit, tensiyon o stress na hindi kailangan, at buhay na hindi kasiyasiya.

Ipapakita sa iyo ng apatnapung araw na paglalakbay na ito kung paano magkaroon ng buhay na may layunin o purposedriven life - isang buhay na ginagabayan, kinokontrol, at pinamamahalaan ng Diyos. Walang ibang mas mahalaga kaysa sa malaman mo ang mga layunin ng Diyos para sa iyong buhay, at wala ring makakapagpuno sa kawalan ng kaalaman tungkol dito. Hindi ito mapupunuan ng tagumpay, kayamanan, kasikatan, o kasiyahan. Ang buhay na walang layunin ay paggalaw na walang kahulugan, aktibidad na walang direksiyon, at mga pangyayaring walang dahilan. Ang buhay na walang layunin ay walang kabuluhan, hamak, at walang patutunguhan. Ang mga Benepisyo ng Pamumuhay na May Layunin May limang napakagandang benepisyong makukuha mula sa pamu muhay nang may layunin. Ang pagkaunawa sa iyong layunin ay magbibigayng kahulugan sa iyong buhay. Nilikha tayo upang magkaroon ng kahulugan. Gusto nating madiskubre ang kahulugang ito, kaya pati ang mga kadudadudang paraang katulad nga strolohiya o pagpunta sa mga manghuhula ay sinusubukan ng marami. Kapag may kahulugan ang buhay, makakaya mong tiisin ang kahit anong bagay. Ngunit kung walang kahulugan ang buhay, ni isa ay wala kang matitiis. May binatang humigit-kumulang ay bente anyos ay nagsulat nang ganito: "Pakiramdam ko'y bigo ako dahil nagsusumikap akong maging isang tao na hindi ko naman alam kung ano. Ang alam ko lang gawin ay ang makaraos sa araw-araw. Kapag natuklasan ko balang araw ang aking layunin, mararamdaman ko ring nagsisimula na akong mabuhay." Kung wala ang Diyos, walang layunin ang buhay. Kung walang layunin, ang buhay ay walang kahulugan. At kung walang kahulu gan, walang kabuluhan at pag-asa ang buhay. Sa Biblia, maraming nilalang ang nagpahayag ng kawalang pagasang ito. Si Isaias ay dumaing nang ganito: "Ngunit ang tugon ko, 'Ako ay nabigo sa aking pagsisikap, hindi nagtagumpay gayong ibinuhos ko ang aking lakas.' Gayunma'y itinitiwala ko kay Yahweh ang aking kalagayan, na ako'y gagantimpalaan sa aking nakayanan. Si Job ay nagsabing, "Ang aking mga araw ay matulin kaysa panghabi ng manghahabi, nagwawakas ng walang pag-asa, "7at "Kinasusuklaman ko ang aking buhay; ayaw kong mabuhay magpakailanman. Hayaan mo akong mag-isa, sapagkat ang aking mga araw ay parang isang hininga."" Ang pinakamalaking trahedya ay hindi ang kamatayan, kundi buhay na walang layunin. Ang pag-asa ay kasing importante ng hangin at tubig sa iyong buhay. Kailangan mo ng pag-asa para mapagtagumpayan ang anumang bagay. Natuklasan ni Dr. Bernie Siegel na kaya niyang hulaan kung alin sa kanyang mga pasyenteng may kanser ang gagaling. Sila'y isa-isa niyang tinanong ng, "Gusto mo bang mabuhay hanggang sa edad na sandaan?" Ang mga pasyente niyang may malalim na pagkaunawa sa layunin ng kanilang buhay ay sumagot ng "Oo." Sila ang may mas malaking pag-asang mabuhay. Ang pag-asa ay nagmumula sa pagkakaroon ng isang layunin. Kung naramdaman mo na ang mawalan ng pag-asa, huwag kang sumuko! Kahanga-hangang mga pagbabago ang mangyayari sa buhay mo kapag nagsimula kang mamuhay nang may layunin. Sinasabi ng Diyos, "Sapagkat nalalaman ko ang aking mga panukala para sa inyo - mga panukala para sa ikububuti at hindi sa ikasasama, upang bigyan kayo ng kinabukasan at ng pag-asa. Maaaring nahaharap ka sa isang sitwasyong mukhang imposible, subali't ang sinasabi ng Biblia ay, "Ngayon, sa kanya na makakagawa ng higit na sagana kaysa lahat ng ating hinihingi o iniisip, ayon sa kapangyarihang gumagawa sa atin." Ang pagkaunawa sa iyong layunin ay magpapagaan ng buhay mo. Malalaman mo kaagad kung ano ang hindi. Magiging batayan mo ang iyong layunin sa pagsusuri kung aling mga gawain ang kinakailangan at alin ang hindi. Magtatanong ka lang nang ganito: "Ang gawain bang ito ay nakakatulong para maganap ang isa sa mga layunin ng Diyos para sa buhay ko?" Kung wala kang malinaw na layunin, wala kang pundasyong pagbabatayan ng iyong pagdedesisyon, paglalaanan ng oras, at paggamitan ng mga mapagkukunangyaman. Malamang ay ibatay mo ang iyong desisyon sa mga nangyayari, sa tindi ng iyong pinagdaraanan, o kaya'y sa kondisyon ng iyong isip at emosyon sa mga sanda ling iyon. Ang mga taong hindi alam ang kanilang layunin sa buhay ay nagpupumilit na makagawa ng sobrang daming mga bagay. Ang resulta nito'y tensiyon o stress, matinding pagod, at pag-aaway. Imposibleng magawa mo ang lahat ng gustong ipagawa sa iyo ng iba. Ang oras mo ay sapat lang para gawin ang kalooban ng Diyos. Kung pati ito ay hindi mo rin magampanan, posibleng nagpupumilit kang gumawa nang higit pa sa ipinagagawa sa iyo ng Diyos (o kaya nama'y sobra ang panonood mo ng telebisyon). Ang pamumuhay nang may layunin ay nauuwi sa mas simpleng uri ng pamumuhay at mas matinong iskedyul. Ang sabi sa Biblia, "May nagkukunwaring mayaman, subalit wala naman, may nagpapanggap na dukha, gayumna'y napakayaman" Ito rin ay nagdadala ng katahimikan ng pag-iisip: "iyong iingatan siya sa lubos na kapayapaan, na ang pag-iisip ay sumasaiyo, sapagka't siya'y tumitiwala sa iyo, Ang pagkaunawa sa iyong layunin ay nagbibigay ng pokus sa iyong buhay Naisesentro nito ang iyong pagsisikap at lakas sa mga bagay na mahalaga. Nagiging epektibo ka sa pamamagitan ng pagiging "mapili," Likas sa tao ang maabala ng mga malilit na bagay. Si Henry David Thoreau ay nagmasid noon at nagsabi ng, "People live lives of quiet desperation." Ang karamihan daw ng mga tao ay namumuhay nang tahimik na kawalang pag-asa. Sa panahon natin ngayon, ang mas akmang deskripsiyon ay aimless destruction o walang-layuning pagkataranta. Maraming tao ang parang mga gyroscope paikut-ikot nang mabilis pero wala namang pinupuntahan. Kung wala kang malinaw na layunin, magpapabagubago ka ng direksiyun, trabaho, relasyon,simbahan, at iba pang mga panlabas na bagay. Umaasa kang ang bawat pagbabago ay makakapawi sa kalituhan mo o kaya ay makakapagpuno ng kahungkagan ng iyong puso. Iniisip mo, "Siguro naman ngayon ay mababago na ang lahat," Subalit hindi nito kayang lutasin ang totoong problem mo ang kawalan ng pokus at layunin. ' Ang sabi ng Biblia, " Huwag kayong magpakamangmang. Unawain ninyo kung ano ang nais ng Dios na inyong gawin. Ang kapangyarihan ng pagkakaroon ng pokus ay makikita sa liwanag. Ang kalat na liwanag ay mahina, pero puwede mong tipunin ang gagawin mo at kung anong enerhiya nito kung ipopokus mo ito. Sa pamamagitan ng isang magnifying glass o Ienteng nagpapalaki ng hitsura, ang mga sinag ng araw ay puwedeng ipokus para magsindi ang damo o papel. Kapag ang liwanag ay naipokus nanghigit pa at ito'y naging isang laser beam kaya nitong pumutol ng bakal. Wala nang hihigit pa sa lakas ng isang buhay na nakapokus isang buhay na may layunin. Ang mga kalalakihan at kababaihang nagkaroon ng malaking impluwensiya sa kasaysayan ng mundo ay nabuhay nang nakapokus. Sa katunayan, masnakasentro ang kanilang mga buhay kaysa sa karaniwang tao. Halimbawa, nakayanan ni Apostol Pablong ipakalat ang Cristianismo sa buong Roma. Halos mag-isa lang siya nang gawin ito. Ang sikreto niya ay isang buhay na nakapokus.Sinabi niya, "Ang ginagawa ko ngayoy nililimot ang nakaraan at ang nasa hinaharap. Kung gusto mong buhay na may kapangyarihan, ipokus mo ito!Huwag ka nang mag-aksaya ng panahon sa mga maliliit na bagay. Huwag mong piliting gawin ang lahat. Bawasan mo ang mga ginagawa mo. Tanggalin ang ibang mga aktibidad mo, kahit na magaganda rin ito, at gawin lang ang mga bagay na pinaka-importante. Huwag mong ipagkakamali ang dami ng aktibidad sa pagiging mabunga. Puwede kang maging abala pero walang layunin. Ano ang saysay ng ganoon? Ang sabi ni

Pablo,. "Kaya nga, tayoy nasa hustong gulang ay magkaroon ng parehong kaisipan; at kung iba ang inyong iniisip tungkol ia anumang bagay,'ito rin ay ipahahayag sa inyo ng Diyos."n Ang pagkaunawa sa iyong layunin ay nagbibigay ng motibasyon sa iyong buhay Ang layunin ay laging nagbubunga ng labis na sigla at sigasig. Walang nakakapagpasigla nang tulad ng isang malinaw na layunin. Sa kabilang banda, namamatay ang kasiglahan kapag walang layunin. Pati ang simpleng pagbangon sa umaga ay nagiging mabigat. Ang walang kabuluhang pagtratrabaho, hindi ang sobrang pagtratrabaho, ang siyang pumapagod sa atin, umuubos ng ating lakas, at nagnanakaw ng ating kagalakan. Si George Bernard Shaw ay nagsulat. nang ganito: "Ito ang tunay na kagalakan ng buhay; Ang ibuhos mo ang iyong sarili para sa isang layuning alam mong napakahalaga; ang maging isang malakas na puwersa ng kalikasan sa halip na isang maliit, pabigla-bigla't maka-sariling bunton ng mga sakit at sama ng loob, na palaging nagrereklamong ayaw ibuhos ng mundo ang kanyang panahon sa pagpapaligaya sa iyo." Ang pagkaunawa sa iyong layunin ay maghahanda sa iyo para sa kawalang-hanggan. Maraming tao ang nagbubuhos ng kanilang buhay sa paggawa, upang makapag-iwan sila ng isang permanenteng pamana dito sa lupa. Gusto nilang maalaala sila ng mga tao kapag patay na sila. Subalit ang talagang mahalaga ay hindi, ang sasabihin ng iba tungkol sa iyo kundi ang sasabihin ng Diyos tungkol sa iyo. Hindi maunawaan ng marami ang katotohanang lahat ng bagay na nagawa ng isang tao ay nalalampasan din ng iba. Ang mga rekord sa anumang paligsahan ay nasisira din, ang mga reputasyon ay kumukupas, at ang mga parangal ay nakakalimutan. Noong siya'y nasa kolehiyo pa, si James Dobson ay naghangad na maging kampeon ng tennis sa kanilang eskuwela. Labis siyang nasiyahan nang itanghal ang kanyang tropeyo sa kabinet na pinaglalagyan ng mga tropeyo ng eskuwela. Pagkalipas ng ilang taon, ipinadala sa kanya ang tropeyong iyon sa pamamagitan ng koreo. Natagpuan pala ang tropeyo sa isang basurahan nang ipaayos ang eskuwela. Ito ang sinabi ni Jim: "Pagdating ng panahon, ang lahat ng mga tropeyo mo ay ibabasura rin ng ibang tao. Ang mabuhay para makapag-iwan ng isang makalupang pamana ay isang hangaring kapos sa pananaw. Higit na mabuti ang ibuhos mo ang panahon sa pagbubuo ng isang pangwalang-hanggang pamana. Hindi ka inilagay sa lupa para lamang maalaala ng iba. Ini lagay ka rito upang makapaghanda ka para sa kawalang-hanggan. Isang araw ay tatayo kasa harap ng Diyos, at susuriin Niya nang mabuti ang iyong buhay. Ito ang huling pagsusulit mo, bago ka pumasok sa kawalang-hanggan. Ang sabi ng Biblia, ''Sapagkat tayong lahat ay tatayo sa harapan ng hukuman ng Diyos. Kaya't ang bawat isa sa atin ay magbibigay-sulit sa Diyos ng kanyang sarili."" Sa kabutihang palad, gusto ng Diyos na makapasa tayo sa pagsusulit na ito kaya ibinigay na Niya kaagad sa atin ang mga tanong na lalabas. Muli sa Biblia ay puwede na nating ipalagay na dalawa ang magiging mahalagang tanong ng Diyos sa atin: Una, "Ano ang ginawa mo sa Aking Anak na si Jesu-Cristo" Hindi magtatanong ang Diyos tungkol sa iyong relihiyon o doktrina. Ang tanging bagay na magiging mahalaga ay ito: Tinanggap mo ba ang ginawa ni Jesus para sa iyo, at natutunan mo ba Siyang mahalin at pagtiwalaan? Sinabi ni Jesus, "Ako ang daan, ang katotohanan, at ang buhay. Walang makapupunta sa Ama kundi sa pamamagitan ko."" Pangalawa, "Ano ang ginawa mo sa mga bagay na ibinigay Ko sa iyo?" Ano ang ginawa mo sa buhay mo sa lahat ng mga kaloob, talino, oportunidad, lakas, relasyon, at mapagkukunang-yamang ibinigay sa iyo ng Diyos? Inubos mo ba ang mga ito sa sarili, o ginamit para sa mga layunin ng Diyos para sa iyo? Hangad ng aklat na ito na maihanda ka para sa dalawang tanong na nabanggit. Ang unang tanong ay magbibigaykatiyakan sa kung saan ka mananatili magpakailanman. Ang ikalawang tanong ay magbibigay-katiyakan sa kung ano ang gagawin momagpakailanman. Kapag natapos mo na ang aklat na ito, magiging handa ka nang sagutin ang dalawang tanong na ito. Ika-3 Araw Pag-iisip Tungkol Sa Aking Layunin Puntong Dapat Pagnilayan: Ang daan tungo sa kapayapaan ay ang pamumuhay nang may layunin. Talatang Dapat Tandaan: 'Iyong iingatan siya sa ganap na kapayapaan, na ang pag-iisip ay nananatili sa iyo, sapagkat siyay nagtitiwala sa iyo." Isaiah 26:3 Tanong na Dapat Pag-isipan: Kung tatanungin ang aking pamilya't mga kaibigan, ano kaya ang sasabihin nilang nagpapatakbo ng aking buhay? Ano ba ang gusto kong maging sagot nila?

You might also like