Bulacan State University City of Malolos

Mga Sanhi ng Digmaang Arab at Israel (1948-1979)

Ni: Lyca Jane R. Encarguez Kasaysayan ng Daigdig II Unang Semestre, 2011

Final Copy

I.Introduksyon Ang hidwaan sa pagitan ng mga Hudyo ng Israel at ng mga Arab ng Gitnang Silangan ay nanatiling mapait at magulo ng matagal na panahon. Mula 1948, ang maingay na kaguluhang ito ay lumawak sa buong mundo na nagdulot ng mga problema sa pulitika at relihiyon. Sa papel na ito, tutukuyin ang mahahalagang dahilan ng labanang Arab at Israel at ang bawat epekto nito sa lipunan. Una dito ay ang Arab nationalism sa pamamahala ni Gamal Abdel Nasser. Sumunod na salik ay ang Zionism sa ilalim naman ng pamumuno ni Theodor Herzl at ang panghuli ay ang Holocaust sa pangunguna ni Adolf Hitler. II. Arab nationalism Malaki ang naging dahilan ng globalisasyon at modernisasyon sa pagsilang ng Arab nationalism o ang ideyolohiyang naglalayon na mapag-isa ang lahat ng estado ng Arab. Sa pamamagitan nito, nagkaroon ng malaking pagbabago sa mga tradisyon, kaugalian at sistema ng pamamahala sa lahat ng dako sa Gitnang Silangan. Sa pagbagsak ng imperyong Ottoman at sa tulong ng mass media, naipahayag ng mga Arab nationalist ang kanilang mensahe sa mga tao, kung saan, ito ay naging epektibo. Taong 1945, ang Arab League ay pinagtibay ang pagkakaisa ng estadong Arab at ang pagtutol sa kilusang pulitikal na Zionism. Ito ay isang hakbang laban sa kaisahan ng Arab dahil ang organisasyong nabanggit ay nakapokus sa bawat estadong malaya (Houri, Walid). Dahil sa kawalan ng pagkakaisa ng mga estado, natalo ang Arab laban sa Israel.

Maraming mga rason tungkol sa pagbagsak ng Arab nationalism, ngunit may dalawang importanteng punto sa usaping ito. Una, ang kilusang ito ay nasa digmaan laban sa Kanluran at Unyong Sobyet at ikalawa, ang mga Arab nationalist ay mas binigyang pansin ang pulitika, sa halip na ituon ang pansin kung papaano magtatag ng epektibong institusyon na makapag-iisa sa kanilang bansa. III. Zionism Ang pag-usbong naman ng kilusang pulitikal na Zionism ay nabuo dahil sa impluwensya ng sekularisasyon ng buhay ng mga Hudyo sa Europa at ang layuning maging estadong nasyonal ang Israel (Reich 1). Ito ay magsisilbing instrumento bilang solusyon sa diaspora at antisemitism o ang paninirang puri sa pisikal at moral na katangian ng mga Hudyo. (Berger 4). Sila ay sapilitang tumira sa ghetto, isang lugar na malayo sa ibang mga bayan, dahil sa pagkamuhi sa kanila ng mga tao. Nahati ang kilusang Zionist, dahil sa katanungang, mainam ba ang Palestina bilang estado ng mga Hudyo?, karamihan sa mga tao ay naniniwalang mahalaga ang Palestina sa kanila kaya tinanggihan nila ang Britanya na nag-alok ng lupa sa Uganda. Ang dalawang grupo ng kilusang Zionism ay ang Revisionist sa ilalim ni Vladimir Jabotinsky na naglalayon ng malawakang imigrasyon sa Palestina upang magkaroon ng sariling estado ang mga Hudyo sa lugar na ito. Sa kabilang banda naman, ay ang mga General Zionist na ayaw tanggapin ang plano ng United Nations na hatiin ang Palestina. (Avineri,S.). Nangako naman ang Balfour Declaration, isang mahalagang sulat na tutulungan ang mga Hudyo na magkaroon ng lugar sa Palestina. Isa sa mga nagbigay daan upang maisakatuparan ang mga nilalaman ng kasulatan ay ang Britanya, sa tulong na rin ng League of Nations, isang

samahang pangkapayapaan na nag-utos sa bansang nabanggit. Ngayon, ang kilusang Zionism ay nangangasiwa at tumutulong sa mga pangkultura at pang-edukasyong gawain ng mga Hudyo. IV. Holocaust Noong panahon ng pamahalaang Nazi sa pangunguna ni Adolf Hitler, ang mga Alemang opisyal ay winasak ang maraming pangkat ng mga Hudyo, may kapansanan at mga alipin dahil sa kanilang mababang lahi sa lipunan. Ang holocaust ay isang salita na ginagamit upang mailarawan ang malawakang pagpatay at pagmamalupit sa humigit-kumulang anim na milyong(6,000,000) Hudyo noong ikalawang digmaang pandaigdig ng pamahalaang Nazi. Ang mga Aleman ay may paniniwalang ang kanilang lahi ay nakatataas at ang lahi ng mga Hudyo ay mababa, kung kaya, dapat na silang mawala sa kanilang landas. Ang holocaust na ito ay ginawa sa paraang sistematiko at planado. Sa bawat teritoryong nasasakop ng ikatlong imperyo ng Germany, ang

Einsatzgruppen(mobile killing units) ay pinatatawag para sa pagpatay ng mga Hudyo at ng mga taong humahadlang sa kanila. Sa pagtatapos ng ikalawang digmaang pandaigdig, pitumpung porsyento(70%) ng mga Hudyo sa Europa ang nawala. Ang mga Hudyo ang pangunahing nagdusa sa labis na kasamaan ng pamahalaan ni Adolf Hitler. Sa pamamagitan ng isa pang programa ng Germany, ang euthanasia (mercy killing), pinatay rin ang mga taong may kapansanan sa pisikal man o sa isip. Pinatay rin nila ang mga bilanggo ng digmaang Unyong Sobyet at ang iba naman ay namatay dahil sa labis na gutom,

pagod at sakit. Minaltrato rin ang mga homosekswal dahil sa paniniwalang nilalabag nila ang moral na batas ng lipunan. Bilang resulta ng pangyayaring ito, ang mga Hudyong nabuhay ay lumipat sa Israel. Ang iba naman ay pumunta sa Amerika at sa marami pang bansa sa buong mundo. Kapag pinagusapan ang panahon ng holocaust, tiyak na awa at pangingilabot ang mangingibabaw sa iyong puso dahil sa napakaraming inosenteng biktima ang namatay at pinatay sa isang madugo at madilim na bahagi ng kasaysayang V. Konklusyon Sa tulong ng papel na ito, nalaman ang pinakamahahalagang sanhi ng digmaang Arab at Israel. Una, ang Arab nationalism na naglalayong mapag-isa ang mga estado ng Arab. Ikalawa, ang Zionism na may paniniwalang magkakaroon din ng sariling estado ang Israel. Panghuli, ang Holocaust na nagdulot ng malawakang pagpatay sa mga Hudyo. Dahil sa mga salik na ito, ang mga inaasahang epekto ng hidwaan sa hinaharap ay ang sumusunod: Una, walang pag-aayos na naganap. Ang mga estado ng Arab ay tumangging kilalanin ang estado ng Israel. Ikalawa, hindi nagkaroon ng pagkakataon ang mga estado ng Arab na magamit ang lupain sa Palestina na itinalaga sa kanila ng United Nations, sa halip, ang Israel at Jordan ang nakinabang dito at ikatlo, nagpatuloy pa rin ang away sa pagitan ng dalawang estado. Nagdulot ito ng malaking refugee problem sa magkabilang panig. (Perry 704).

Jewish Holocaust The term holocaust was derived from Greek language, which means completely (holos) burnt (kaustos) sacrificial offering to the god. The Latin form of the term was first used with specific reference to a massacre of Jews by the chroniclers. Later on the term was commonly used to describe the genocide of approximately six million Jews during the World War II. http://www.holocaustpictures.org/

Talasanggunian Avineri,S. The Making of Zionism., The Columbia Encyclopedia. 2004. Berger, David. History and Hate: The Dimensions of Anti-Semitism. Philadelpia:

Jewish Publications Society, 1986. http://www.questia.com.

Perry, Marvin and Daniel F. Davis, eds. Unfinished Journey: A World History. U.S.A.:

Houghton Mifflin Company, 1980.

Reich, Bernard. Arab-Israeli Conflict and Conciliation.New York: Greenwood Press,1995 The Holocaust. Online. http://www.holocaustpictures.org/.