Watchtower TG 6-15-11

ANG
BA NTAYA N
HUNYO 15, 2011
NAGHAHAYAG NG KAHARIAN NI JEHOVA
EDISYON PARA SA PAG-AARAL

ARALING ARTIKULO SA LINGGO NG:
Agosto 1-7
Ang Mabuting Balita na Kailangan ng Lahat

PAHINA 7 GAGAMITING AWIT: 47, 101
Agosto 8-14
Inirerekomenda ng Diyos sa Atin ang Kaniyang Pag-ibig

Agosto 15-21
Pastulan Ninyo ang Kawan ng Diyos na Nasa Inyong Pangangalaga

Agosto 22-28
Isaalang-alang Yaong mga Nagpapagal sa Gitna Ninyo

ANG
BANTAYAN
N AGH AH AYAG NG K AH AR I AN NI JEH OVA
JUNE 15, 2011
LAYUNIN NG MAGASING ITO, Ang Bantayan, na parangalan ang Diyos na Jehova, ang Kataas-taasang Tagapamahala ng uniberso. Noong sinaunang panahon, natatanaw ng isa mula sa bantayan ang mga nangyayari sa malayo. Sa katulad na paraan, ipinakikita ng magasing ito ang kahalagahan ng mga pangyayari sa daigdig ayon sa mga hula ng Bibliya. Inaaliw nito ang mga tao sa pamamagitan ng mabuting balita na di-magtatagal, wawakasan ng Kaharian ng Diyos, isang tunay na gobyerno sa langit, ang lahat ng kasamaan at gagawin nitong paraiso ang lupa. Pinasisigla nito ang mga tao na manampalataya kay Jesu-Kristo, na namatay para magkaroon tayo ng pag-asang mabuhay nang walang hanggan at namamahala na ngayon bilang Hari sa Kaharian ng Diyos. Ang magasing ito ay walang pinapanigan sa pulitika at patuluyang inilalathala ng mga Saksi ni Jehova mula pa noong 1879. Sinusunod nito ang Bibliya bilang awtoridad.
Hindi ipinagbibili ang publikasyong ito. Inilaan ito bilang bahagi ng pambuong-daigdig na pagtuturo sa Bibliya na tinutustusan ng kusang-loob na mga donasyon. Malibang iba ang ipinakikita, ang mga pagsipi sa Kasulatan ay mula sa makabagong-wikang Bagong Sanlibutang Salin ng Banal na Kasulatan.
LAYUNIN NG MGA ARALING ARTIKULO
SA ISYU RING ITO

3 Dapat Bang Magpabautismo ang mga Kabataan? 16 Talaga Bang May mga Kamelyo Noon si Abraham?
ARALING ARTIKULO 1, 2 PAHINA 7-15 Sa aklat ng Roma, binabanggit ni apostol Pablo ang isang aspekto ng mabuting balita na nakaaapekto sa makasalanang sangkatauhan. Ano iyon, at paano ka makikinabang doon? Sa tulong ng dalawang artikulong ito, lalalim ang iyong kaunawaan at pagpapahalaga sa hain ni Jesus at sa pag-ibig ng Diyos na ipinakita sa pamamagitan ng haing iyon. ARALING ARTIKULO 3, 4 PAHINA 20-28 Ipakikita ng mga artikulong ito kung paano higit na mapahahalagahan ng mga elder ang pribilehiyo nilang magpastol. Tatalakayin din kung paano maipakikita ng kongregasyon na lubos nilang pinahahalagahan ang mga elder.
18 Dalhin Mo ang mga Balumbon, Lalo Na ang mga Pergamino ) 29 Gawing Matagumpay ang Iyong Lakad Paano?
The Watchtower (ISSN 0043-1087) is published semimonthly by Watchtower Bible and Tract Society of New York, Inc.; M. H. Larson, President; G. F. Simonis, Secretary-Treasurer; 25 Columbia Heights, Brooklyn, NY 11201-2483, and by Watch Tower Bible and Tract Society of the Philippines, Inc., PO Box 2044, 1060 Manila. Periodicals Postage Paid at Brooklyn, NY, and at additional mailing oces. Entered as second-class matter at the Manila Central Post Oce on September 12, 1961. 2011 Watch Tower Bible and Tract Society of Pennsylvania. All rights reserved. Printed in R.P. Vol. 132, No. 12 Semimonthly TAGALOG
Dapat Bang Magpabautismo ang mga Kabataan?
ASAYANG-MASAYA ako dahil isa nang lingkod ni Jehova ang anak ko, at alam kong masaya rin siya, ang sabi ni Carlos,1 isang ama sa Pilipinas. Isang ama naman mula sa Gresya ang sumulat: Natutuwa kaming mag-asawa dahil nabautismuhan bilang Saksi ni Jehova ang aming tatlong anak noong tin-edyer sila. Sumusulong sila at masayang naglilingkod kay Jehova. Natural lang na matuwa ang mga magulang na Kristiyano kapag nabautismuhan ang kanilang mga anak. Pero kung minsan, ang kagalakan ay may kasamang pagkabahala. Magkahalong saya at pag-aalala ang nadarama ko, ang sabi ng isang ina. Bakit kaya? Alam ko kasing may personal na pananagutan na ngayon kay Jehova ang anak ko. Ang paglilingkod kay Jehova bilang bautisadong Saksi ay isang tunguhing dapat abutin ng lahat ng kabataan. Pero baka iniisip ng makadiyos na mga magulang, Alam kong maganda
1 Binago ang ilang pangalan.
ang pagsulong ng anak ko, pero ganoon na kaya siya katatag para malabanan ang mga tuksong gumawa ng imoralidad at makapanatiling malinis sa harap ni Jehova? Baka iniisip din ng iba, Kapag napaharap sa tukso ng materyalismo, maglilingkod pa rin kaya sa Diyos ang anak ko nang may sigasig at kagalakan? Anong patnubay mula sa Bibliya ang makatutulong sa mga magulang para matiyak kung handa nang magpabautismo ang kanilang mga anak?
Maipakikita ng isang kabataan ang katibayan ng pagiging alagad
Pagiging Alagad Pangunahing Kahilingan Sa halip na magtakda ng edad kung kailan dapat magpabautismo, sinasabi ng Bibliya ang kuwalipikasyon ng mga puwede nang magpabautismo. Tinagubilinan ni Jesus ang kaniyang mga tagasunod: Gumawa ng mga alagad sa mga tao ng lahat ng mga bansa, na binabautismuhan sila. (Mat. 28:19) Samakatuwid, ang bautismo ay para sa mga naging alagad ni Kristo. Ano ba ang isang alagad? Ang Kaunawaan sa Kasulatan ay nagpapaliwanag: Ang terminong ito ay pangunahing tumutukoy sa lahat niyaong naniniwala sa mga turo ni Kristo at maingat ding sumusunod sa mga iyon. Puwede bang maging tunay na mga alagad ni Kristo ang mga
Paghahanda at pakikibahagi sa mga pulong
kabataan? Isang misyonera na mahigit 40 taon nang naglilingkod sa Latin Amerika ang sumulat tungkol sa kaniya at sa dalawa niyang kapatid na babae: Nasa edad na kami noon para malaman na gusto naming maglingkod kay Jehova at mabuhay sa Paraiso. Nakatulong ang pagaalay namin para maging matatag kami sa harap ng mga tuksong karaniwan sa mga kabataan. Hindi namin pinagsisisihan ang aming pag-aalay sa Diyos sa murang edad. Paano mo malalaman kung isa nang alagad ni Kristo ang iyong anak? Sinasabi sa Bibliya: Sa pamamagitan nga ng kaniyang mga gawa ay ipinakikilala ng isang bata kung ang kaniyang gawain ay dalisay at matuwid. (Kaw. 20:11) Tingnan natin ang ilang gawaing naghahayag sa pagsulong ng isang kabataan bilang alagad.1 Tim. 4:15.
Katibayan ng Pagiging Alagad Sinusunod ka ba ng iyong anak? (Col. 3:20) Ginagawa ba niya ang kaniyang mga gawain sa bahay? Ganito ang sinabi ng Bibliya tungkol sa 12-anyos na si Jesus: Patuloy siyang nagpasakop sa [kaniyang mga magulang]. (Luc. 2:51) Siyempre pa, walang anak na lubusang makasusunod sa kaniyang mga magulang. Pero ang mga tunay na Kristiyano ay dapat na maingat na sumunod sa mga yapak ni Jesus. Kaya ang mga kabataang interesadong magpabautismo ay dapat na kilalang masunurin sa kanilang mga magulang.1 Ped. 2:21. Pag-isipan ang sumusunod na mga tanong: Patuloy bang hinahanap muna ng iyong anak
ang Kaharian sa pamamagitan ng lubusang pakikibahagi sa ministeryo? (Mat. 6:33) Kusa ba niyang ibinabahagi sa iba ang mabuting balita, o kailangan pa siyang kumbinsihing lumabas sa larangan at makipag-usap sa may-bahay? Palaisip ba siya sa kaniyang responsibilidad bilang di-bautisadong mamamahayag? Binabalikan ba niya ang mga interesadong nakakausap niya sa teritoryo? Sinasabi ba niya sa kaniyang mga kaeskuwela at guro na siyay Saksi ni Jehova? Mahalaga ba sa kaniya ang pagdalo sa mga pulong? (Awit 122:1) Gustung-gusto ba niyang magkomento sa Pag-aaral sa Bantayan at sa Pagaaral ng Kongregasyon sa Bibliya? Nasasabik ba siyang gampanan ang kaniyang bahagi sa Paaralang Teokratiko Ukol sa Ministeryo?Heb. 10: 24, 25. Nagsisikap ba ang iyong anak na manatiling malinis sa moral, anupat umiiwas sa masasamang kasama sa paaralan at sa ibang lugar? (Kaw. 13:20) Ano ang pinipili niyang musika, pelikula, palabas sa telebisyon, video game, at site sa Internet? Nakikita ba sa kaniyang salita at gawa na gusto niyang sundin ang mga pamantayan ng Bibliya? Gaano kalawak ang kaalaman ng iyong anak sa Bibliya? Masasabi ba niya sa sariling pananalita ang mga natututuhan niya sa inyong Pampamilyang Pagsamba? Maipaliliwanag ba niya ang mga pangunahing turo sa Bibliya? (Kaw. 2: 6-9) Interesado ba siyang basahin ang Bibliya at pag-aralan ang mga publikasyon ng uring tapat at maingat na alipin? (Mat. 24:45) Nagtatanong ba siya tungkol sa mga turo at teksto sa Bibliya?
Pagsunod sa mga magulang
Pakikibahagi sa ministeryo
Pananalangin
Ang mga tanong na ito ay makatutulong sa iyo para masukat ang espirituwal na pagsulong ng iyong anak. Matapos itong pag-isipan, baka makita mong may dapat pa siyang pasulungin bago magpabautismo. Pero kung nakikita naman sa kaniyang buhay na isa na siyang alagad at nakapag-alay na siya sa Diyos, baka puwede mo na siyang payagang magpabautismo.
Maaaring Purihin ng mga Kabataan si Jehova Maraming lingkod ng Diyos ang nagpakita ng katapatan noong silay mga kabataan pa. Nariyan sina Jose, Samuel, Josias, at Jesus. (Gen. 37:2; 39:1-3; 1 Sam. 1:24-28; 2:18-20; 2 Cro. 34: 1-3; Luc. 2:42-49) Ang apat na anak na babae ni Felipe, na mga propetisa, ay tiyak na sinanay mula pa sa pagkabata.Gawa 21:8, 9. Isang Saksing taga-Gresya ang nagsabi: Dose anyos ako nang mabautismuhan. Hindinghindi ko pinagsisisihan ang aking desisyon. Mula noon, 24 na taon na ang lumipas, at 23 rito ang ginugol ko sa buong-panahong paglilingkod. Dahil sa pag-ibig ko kay Jehova, naharap ko ang mga problemang karaniwan sa mga kabataan. Sa edad 12, wala pa akong gaanong kaalaman sa Bibliya, di-gaya ngayon. Pero alam kong mahal ko si Jehova at gusto ko siyang paglingkuran magpakailanman. Natutuwa ako na
tinulungan niya akong magpatuloy sa paglilingkod sa kaniya. Bata man o matanda, ang isang taong nagpapakita ng katibayan ng pagiging tunay na alagad ay dapat magpabautismo. Sumulat si apostol Pablo: Sa pamamagitan ng puso ang isa ay nananampalataya ukol sa katuwiran, ngunit sa pamamagitan ng bibig ang isa ay gumagawa ng pangmadlang pagpapahayag ukol sa kaligtasan. (Roma 10:10) Kapag nagpabautismo ang isang kabataang alagad ni Kristo, malaking tagumpay ito para sa kaniya at sa kaniyang mga magulang. Wala sanang makahadlang sa iyo at sa iyong mga anak sa pagtatamo ng kagalakang naghihintay sa inyo.
Tamang Pangmalas sa Bautismo

Sa tingin ng ilang magulang, ang pagpapabautismo ng kanilang mga anak ay isang hakbang na kapaki-pakinabang pero may panganib dinkatulad ng pagkuha ng lisensiya sa pagmamaneho. Pero maituturing bang panganib sa kinabukasan ng isang tao ang bautismo at sagradong paglilingkod? Ang sagot ng Bibliya ay hindi. Sinasabi sa Kawikaan 10:22: Ang pagpapala ni Jehovaiyon ang nagpapayaman, at hindi niya iyon dinaragdagan ng kirot. Isinulat naman ni Pablo sa kabataang si Timoteo: Ang totoo, ito ay isang paraan ng malaking pakinabang, itong makadiyos na debosyon kalakip ang kasiyahan sa sarili. 1 Tim. 6:6. Totoo, hindi madaling maglingkod kay Jehova. Maraming hirap na dinanas si Jeremias bilang propeta ng Diyos. Pero isinulat niya tungkol sa kaniyang pagsamba sa tunay na Diyos: Sa akin ang iyong salita ay naging pagbubunyi at pagsasaya ng aking puso; sapagkat ang iyong pangalan ay itinatawag sa akin, O Jehova na Diyos ng mga hukbo. (Jer. 15:16) Alam ni Jeremias na ang paglilingkod sa Diyos ang pinagmumulan ng kaniyang kagalakan. Ang sanlibutan naman ni Satanas ang pinagmumulan ng paghihirap. Kailangang tulungan ng mga magulang ang kanilang mga anak na makita ang pagkakaibang ito.Jer. 1:19.
ANG BANTAYAN HUNYO 15, 2011
Dapat Bang Ipagpaliban ng Aking Anak ang Pagpapabautismo?

Kung minsan, kahit kuwalipikado nang magpabautismo ang kanilang mga anak, ipinagpapaliban pa rin ito ng mga magulang. Bakit kaya? Nag-aalala ako na kapag nabautismuhan ang anak ko, baka makagawa siya ng malubhang pagkakasala at matiwalag. Makatuwiran bang isipin na hindi mananagot sa Diyos ang isang kabataan dahil lang sa hindi siya bautisado? Sinabi ni Solomon sa mga kabataan: Alamin mo na dahil sa [iyong mga gawa] ay dadalhin ka ng tunay na Diyos sa kahatulan. (Ecles. 11:9) At anuman ang ating edad, ipinaaalaala ni Pablo: Ang bawat isa sa atin ay magsusulit sa Diyos para sa kaniyang sarili.Roma 14:12. Ang lahat ng mananamba ng Diyos, bautisado man o di-bautisado, ay mananagot sa kaniya. Huwag kalilimutan na iniingatan ni Jehova ang kaniyang mga lingkod, anupat hindi niya hinahayaang tuksuhin sila nang higit sa matitiis nila. (1 Cor. 10:13) Hanggat pinananatili nila ang kanilang katinuan at nilalabanan nila ang tukso, makaaasa sila sa tulong ng Diyos. (1 Ped. 5:6-9) Isinulat ng isang ina: Mas maraming dahilan ang mga batang bautisado para umiwas sa masasamang bagay sa sanlibutan. Para sa aking anak, na nabautismuhan sa edad 15, ang bautismo ay isang proteksiyon. Hindi mo iisiping labagin ang kautusan ni Jehova, ang sabi niya. Magpupursige kang gawin ang tama kung bautisado ka na. Kung sinanay mo ang iyong mga anak na sundin si Jehova, anupat ginawa ito sa pamamagitan ng salita at halimbawa, makaaasa kang patuloy nilang gagawin iyon pagkatapos ng bautismo. Sinasabi sa Kawikaan 20:7: Ang matuwid ay lumalakad sa kaniyang katapatan. Maligaya ang kaniyang mga anak na kasunod niya. Gusto ko munang maabot ng anak ko ang ilang tunguhin sa buhay. Ang mga kabataan ay dapat matutong magtrabaho para matustusan nila ang kanilang sarili balang-araw.
6
Pero mapanganib kung hihimukin silang isentro ang kanilang buhay sa edukasyon at pinansiyal na seguridad sa halip na sa tunay na pagsamba. May kinalaman sa binhi, o salita ng Kaharian, na hindi tumutubo, sinabi ni Jesus: Kung tungkol sa isa na naihasik sa gitna ng mga tinik, ito yaong nakikinig sa salita, ngunit ang kabalisahan ng sistemang ito ng mga bagay at ang mapanlinlang na kapangyarihan ng kayamanan ay sumasakal sa salita, at siya ay nagiging di-mabunga. (Mat. 13:22) Kung gagawing priyoridad ng isang kabataan ang makasanlibutang mga tunguhin sa halip na espirituwal na mga bagay, sisirain nito ang pagnanais niyang maglingkod sa Diyos. Tungkol sa mga kabataang kuwalipikado nang magpabautismo pero ayaw pang payagan ng kanilang mga magulang, sinabi ng isang makaranasang elder: Kung hahadlangan ang isang kabataan sa pagpapabautismo, mauudlot ang kaniyang espirituwal na pagsulong at panghihinaan siya ng loob. Isang naglalakbay na tagapangasiwa naman ang sumulat: Baka manghina sa espirituwal ang isang kabataan. Baka isipin niyang sa sanlibutan matatagpuan ang tagumpay.
Dapat bang unahin ang pag-aaral sa unibersidad?
ANG MABUTING BALITA NA K AILANGAN NG LAHAT

Ang mabuting balita . . . , sa katunayan, ang kapangyarihan ng Diyos ukol sa pagliligtas.ROMA 1:16.
ATUTUWA akong ibahagi ang mabuting balita araw-araw. Malamang na naisip o nasabi mo na iyan. Bilang isang tapat na Saksi ni Jehova, alam mo kung gaano kahalaga na ipangaral ang mabuting balitang ito ng kaharian. Baka nga kabisado mo na ang hulang ito ni Jesus tungkol sa ating pangangaral.Mat. 24:14. 2 Kapag ipinangangaral mo ang mabuting balita ng kaharian, ipinagpapatuloy mo ang sinimulan ni Jesus. (Basahin ang Lucas 4:43.) Tiyak na idiniriin mo ang punto na malapit nang makialam ang Diyos sa mga gawain ng tao. Sa malaking kapighatian, wawakasan niya ang huwad na relihiyon at aalisin ang lahat ng kasamaan sa lupa. (Mat. 24:21) Malamang na idiniriin mo rin na muling itatatag ng Kaharian ng Diyos ang Paraiso sa lupa upang mamayani ang kapayapaan at kaligayahan. Sa katunayan, ang mabuting balita ng kaharian ay bahagi ng mabuting balita [na patiunang ipinahayag] kay Abraham, samakatuwid nga: Sa pamamagitan mo ay pagpapalain ang lahat ng bansa. Gal. 3:8. 3 Gayunman, posible kayang hindi natin gaanong nabibigyang-pansin ang isang mahalagang aspekto ng mabuting balita na kailangan ng mga tao? Sa liham sa mga taga-Roma, minsan lang binanggit ni apostol Pablo ang salitang kaharian, pero 12 beses niyang ginamit ang terminong mabuting balita. (Basahin ang Roma 14:17.) Anong aspekto ng mabuting balita ang madalas tukuyin ni Pablo sa aklat na iyon? Bakit mahalaga ang partikular na mabuting balitang iyon? At bakit dapat natin itong
1, 2. Bakit mo ipinangangaral ang mabuting balita ng kaharian? Anong mga aspekto nito ang idiniriin mo? 3. Bakit masasabing idiniin ni Pablo ang mabuting balita sa aklat ng Roma?
isaisip habang ipinangangaral natin sa mga tao sa ating teritoryo ang mabuting balita ng Diyos?Mar. 1:14; Roma 15:16; 1 Tes. 2:2. Ang Kailangan ng mga Taga-Roma Mahalagang pansinin ang mga paksang tinalakay ni Pablo noong una siyang mabilanggo sa Roma. Mababasa natin na noong dalawin siya ng ilang Judio, siya ay lubusang nagpatotoo tungkol sa (1) kaharian ng Diyos at gumamit ng panghihikayat sa kanila tungkol kay (2) Jesus.Ang resulta? Ang ilan ay nagsimulang maniwala sa mga bagay na sinabi; ang iba ay ayaw maniwala. Pagkatapos, tinanggap ni
4
4. Noong una siyang mabilanggo sa Roma, anu-ano ang ipinangaral ni Pablo?
Pablo nang may kabaitan ang lahat ng mga pumaparoon sa kaniya, na ipinangangaral sa kanila ang (1) kaharian ng Diyos at itinuturo ang mga bagay may kinalaman sa (2) Panginoong Jesu-Kristo. (Gawa 28:17, 23-31) Maliwanag na binigyang-pansin ni Pablo ang Kaharian ng Diyos. Pero ano pa ang idiniin niya? Isang bagay na pangunahin sa Kaharianang papel ni Jesus sa layunin ng Diyos. 5 Kailangang makilala ng lahat ng tao si Jesus at manampalataya sa kaniya. Sa aklat ng Roma, binanggit ni Pablo ang pangangailangang ito. Bago nito, sumulat siya tungkol sa Diyos, na
Ang mabuting balita na itinatampok sa aklat ng Roma ay tungkol sa mahalagang papel ni Jesus sa layunin ng Diyos
siyang pinag-uukulan ko ng sagradong paglilingkod taglay ang aking espiritu may kaugnayan sa mabuting balita tungkol sa kaniyang Anak. Sinabi pa niya: Hindi ko ikinahihiya ang mabuting balita; ito, sa katunayan, ang kapangyarihan ng Diyos ukol sa pagliligtas sa bawat isa na may pananampalataya. Nang maglaon, tinukoy niya ang panahon kung kailan hahatulan ng Diyos sa pamamagitan ni Kristo Jesus ang mga lihim na bagay ng sangkatauhan, ayon sa mabuting balita na aking ipinahahayag. At sinabi niya: Mula sa Jerusalem at sa isang sirkito hanggang sa Ilirico ay lubusan kong naipangaral ang mabuting balita tungkol sa Kristo. 1 (Roma 1:9, 16; 2:16; 15:19) Sa palagay mo, bakit kaya idiniin ni Pablo sa mga tagaRoma ang tungkol kay Jesu-Kristo? 6 Hindi natin alam kung paano nagsimula ang kongregasyon sa Roma. Naging Kristiyano
1 Ang ganitong pananalita ay makikita rin sa iba pang mga kinasihang aklat.Mar. 1:1; Gawa 5:42; 1 Cor. 9:12; Fil. 1:27.
kaya ang mga Judio o mga proselita na dumalo sa pagdiriwang ng Pentecostes noong 33 C.E. bago sila bumalik sa Roma? (Gawa 2:10) O baka naman mga Kristiyanong negosyante at manlalakbay ang nagpalaganap ng katotohanan sa Roma? Alinman dito ang nangyari, nang isulat ni Pablo ang aklat noong mga 56 C.E., matagal nang naitatag ang kongregasyon. (Roma 1:8) Anong uri ng mga tao ang bumubuo sa kongregasyong iyon? 7 Ang ilan ay may lahing Judio. Binati ni Pablo sina Andronico at Junias bilang aking mga kamag-anak, malamang na nangangahulugang silay mga kamag-anak na Judio. Ang manggagawa ng tolda na si Aquila, na nasa Roma kasama ang kaniyang asawang si Priscila, ay isa ring Judio. (Roma 4:1; 9:3, 4; 16:3, 7; Gawa 18:2) Pero malamang na mga Gentil ang karamihan sa mga kapatid na pinadalhan ni Pablo ng pagbati. Ang ilan ay maaaring kabilang sa sambahayan ni Cesar, marahil ay tumutukoy sa mga alipin at mabababang opisyal ni Cesar. Fil. 4:22; Roma 1:6; 11:13. 8 Anuman ang kanilang pinagmulan, ang bawat Kristiyano sa Roma ay nasa kalunus-lunos na kalagayan, at gayon din tayo. Sinabi ni Pablo: Ang lahat ay nagkasala at nagkukulang sa kaluwalhatian ng Diyos. (Roma 3:23) Maliwanag na ang lahat ng sinulatan ni Pablo ay kailangang kumilala na makasalanan sila at manampalataya sa paraan ng Diyos para makalaya sa kalagayang iyon. Kilalanin ang Pagiging Makasalanan Sa pasimula ng liham sa mga taga-Roma, sinabi ni Pablo ang napakagandang resultang maidudulot ng mabuting balita na lagi niyang binabanggit: Hindi ko ikinahihiya ang mabuting balita; ito, sa katunayan, ang kapangyarihan ng Diyos ukol sa pagliligtas sa bawat isa na may pananampalataya, sa Judio muna at gayundin sa Griego. Oo, posible ang kaligtasan. Gayunman, kailangan ang pananampalataya, kaayon ng mahalagang katotohanang binanggit ni
9
5. Anong pangangailangan ang binanggit ni Pablo sa aklat ng Roma? 6, 7. Ano ang masasabi natin tungkol sa pasimula ng kongregasyon sa Roma at sa mga bumubuo rito?
8. Ano ang kalunus-lunos na kalagayan ng mga nasa Roma? 9. Ano ang sinabi ni Pablo na posibleng maging resulta ng mabuting balita?
Pablo: Ang matuwidsa pamamagitan ng pananampalataya ay mabubuhay siya. (Roma 1: 16, 17; Gal. 3:11; Heb. 10:38) Pero ano ang kaugnayan ng mabuting balitang iyan, na umaakay sa kaligtasan, sa katotohanang ang lahat ay nagkasala? 10 Bago magkaroon ng nagliligtas-buhay na pananampalataya ang isa, dapat muna niyang kilalanin ang kaniyang pagiging makasalanan. Ang ideyang ito ay alam ng mga taong namulat sa paniniwalang may Diyos at pamilyar sa Bibliya. (Basahin ang Eclesiastes 7:20.) Sang-ayon man sila o hindi, sa paanuman ay naiintindihan nila ang kahulugan ng sinabi ni Pablo: Ang lahat ay nagkasala. (Roma 3:23) Pero sa ating pangangaral, baka marami tayong makausap na hindi nakauunawa sa pananalitang iyan. 11 Sa ilang lupain, ang mga tao ay hindi pinalaki sa paniniwala na ipinanganak silang makasalanan, na nagmana sila ng kasalanan. Maaaring alam nilang silay nagkakamali, may pangit na mga ugali, at nakagagawa ng ilang masasamang bagay. At napapansin nilang gayon din ang iba. Pero dahil sa kanilang kinalakhan, hindi nila talaga nauunawaan kung bakit ganoon ang mga tao. Sa katunayan, sa ilang wika, kapag sinabing ang isa ay makasalanan, baka isipin ng iba na siyay kriminal o manlalabag-batas. Tiyak na mahirap para sa isang taong lumaki sa gayong kultura na isiping siyay makasalanan ayon sa diwang tinutukoy ni Pablo. 12 Maging sa mga bansang Kristiyano, marami ang hindi naniniwala sa ideya ng pagiging makasalanan. Bakit? Kahit nagsisimba sila paminsan-minsan, ang ulat ng Bibliya tungkol kina Adan at Eva ay itinuturing nilang pabula o alamat lang. Ang iba ay lumaki sa isang lipunang hindi kumikilala sa Diyos. Nagaalinlangan silang may Diyos kung kaya hindi nila nauunawaang may isang Kataas-taasang Persona na nagtatakda ng mga pamantayang moral para sa mga tao at na isang kasalanan ang pagsuway rito. Sa diwa, katulad sila ng mga tao
10, 11. Bakit hindi lahat ng tao ay pamilyar sa ideyang binabanggit sa Roma 3:23? 12. Bakit marami ang hindi naniniwala na lahat ay makasalanan?
Lahat tayo ay isinilang na may nakamamatay na depektokasalanan!
noong unang siglo na ayon kay Pablo ay walang pag-asa at walang Diyos sa sanlibutan. Efe. 2:12. 13 Sa liham sa mga taga-Roma, nagbigay si Pablo ng dalawang dahilan kung bakit ang gayong kinalakhan ay hindi maidadahilannoon at ngayon. Una, ang paglalang mismo ay nagpapatotoo na umiiral ang Maylalang. (Basahin ang Roma 1:19, 20.) Kaayon ito ng sinabi ni Pablo nang sumulat siya sa mga Hebreo nang siya ay nasa Roma: Bawat bahay ay may nagtayo, ngunit siya na nagtayo ng lahat ng bagay ay ang Diyos. (Heb. 3:4) Ang pangangatuwirang iyon ay nagpapatunay sa pag-iral ng Maylalang na lumikha sa buong uniberso. 14 Kaya may matibay na basehan si Pablo nang sabihin niya sa mga taga-Roma na ang sinumankasali na ang sinaunang mga Israelitana nag-uukol ng debosyon sa walang-buhay na mga imahen ay walang maidadahilan. Totoo rin ito sa mga gumagawa ng imoral na mga bagay na salungat sa likas na paggamit sa katawan ng lalaki at babae. (Roma 1:22-27) Kaya naman, tama ang konklusyon ni Pablo na ang mga Judio at gayundin ang mga Griego ay nasa ilalim na lahat ng kasalanan.Roma 3:9.
13, 14. (a) Ano ang isang dahilan kung bakit walang maidadahilan ang mga hindi naniniwala sa Diyos at sa kasalanan? (b) Dahil hindi sila naniniwala sa Diyos at sa kasalanan, ano ang ginagawa ng marami?
Isang Tagapagpatotoo Binabanggit sa aklat ng Roma ang isa pang dahilan kung bakit dapat kilalanin ng mga tao na silay makasalanan at nangangailangan ng tulong para makalaya sa kalagayang iyon. Tungkol sa kodigo ng mga kautusang ibinigay ng Diyos sa sinaunang Israel, sumulat si Pablo: Ang lahat ng mga nagkasala sa ilalim ng kautusan ay hahatulan sa pamamagitan ng kautusan. (Roma 2:12) Sinabi pa niya na ang mga tao ng mga bansa o etnikong grupo na di-pamilyar sa kodigong iyon ay kadalasan nang likas na gumagawa ng mga bagay na nasa kautusan. Bakit nila ipinagbabawal ang insesto, pagpatay, at pagnanakaw? Tinukoy ni Pablo ang dahilan: Mayroon silang budhi. Basahin ang Roma 2:14, 15. 16 Gayunman, malamang na alam mong kahit may budhi ang isang tao na nagsisilbing tagapagpatotoo, posible pa ring hindi niya ito sundin. Ganiyan ang nangyari sa sinaunang Israel. Bagaman ang mga Israelita ay may bigayDiyos na budhi at espesipikong mga kautusan laban sa pagnanakaw at pangangalunya, madalas nilang labagin kapuwa ang kanilang budhi at ang Kautusan ni Jehova. (Roma 2:21-23) Dalawa ang nilabag nila kaya naman talagang makasalanan sila, anupat hindi nakaabot sa mga pamantayan at kalooban ng Diyos. Ito ang sumira sa kaugnayan nila sa kanilang Maylikha. Lev. 19:11; 20:10; Roma 3:20. 17 Ayon sa tinalakay natin sa aklat ng Roma, waring napakasaklap ng kalagayan ng mga tao, kasama na tayo, sa harap ng Makapangyarihansa-lahat. Pero hindi naman diyan nagtapos si Pablo. Bilang pagsipi sa mga salita ni David sa Awit 32:1, 2, sumulat ang apostol: Maligaya yaong mga pinagpaumanhinan sa kanilang mga gawang tampalasan at ang kanilang mga kasalanan ay tinakpan; maligaya ang tao na ang kaniyang kasalanan ay hindi na ibinibilang pa ni Jehova. (Roma 4:7, 8) Oo, nagsaayos ang Diyos ng isang legal na paraan para mapatawad ang mga kasalanan.
15
Natatandaan Mo Ba?
Anong aspekto ng mabuting balita ang itinatampok sa aklat ng Roma? Anong katotohanan ang dapat nating ipaunawa sa iba? Paano magdudulot ng mga pagpapala sa lahat ang mabuting balita tungkol sa Kristo?
Ang Mabuting Balitang Nakasentro kay Jesus 18 Baka sabihin mo, Talagang mabuting balita iyan! Totoo naman, at ipinaaalaala nito sa atin ang aspekto ng mabuting balita na itinatampok ni Pablo sa aklat ng Roma. Gaya ng nabanggit na, sumulat si Pablo: Hindi ko ikinahihiya ang mabuting balita; ito, sa katunayan, ang kapangyarihan ng Diyos ukol sa pagliligtas. Roma 1:15, 16. 19 Ang mabuting balitang iyon ay nakasentro sa papel ni Jesus sa pagsasakatuparan ng layunin ng Diyos. Inaasam ni Pablo ang araw na hahatulan ng Diyos sa pamamagitan ni Kristo Jesus ang mga lihim na bagay ng sangkatauhan, ayon sa mabuting balita. (Roma 2:16) Nang sabihin niya ito, hindi naman niya binabale-wala ang kaharian ng Kristo at ng Diyos o ang gagawin ng Diyos sa pamamagitan ng Kaharian. (Efe. 5:5) Sa halip, ipinakita niya na para mabuhay tayo at magtamasa ng mga pagpapala sa ilalim ng Kaharian ng Diyos, dapat nating kilalanin (1) ang ating kalagayan bilang makasalanan sa paningin ng Diyos at (2) kung bakit kailangan nating manampalataya kay Jesu-Kristo para mapatawad ang ating mga kasalanan. Kapag naunawaan at tinanggap ng isang tao ang mga bahaging iyon ng layunin ng Diyos at nakita ang pag-asang inilalaan nito sa kaniya, angkop lang na sabihin niyang, Oo, talagang mabuting balita iyan!
18, 19. (a) Sa anong aspekto ng mabuting balita nagpokus si Pablo sa aklat ng Roma? (b) Ano ang dapat nating kilalanin para makamit natin ang mga pagpapala ng Kaharian?
15. Sino ang nagtataglay ng budhi, at ano ang epekto nito? 16. Bakit posible pa ring magkasala ang mga tao kahit mayroon silang budhi? 17. Paano tayo pinatitibay ng aklat ng Roma?
10
Dapat nating isaisip ang aspektong ito ng mabuting balita habang ginagampanan ang ating ministeryo. Tungkol kay Jesus, sinipi ni Pablo ang mga salita ni Isaias: Walang sinumang naglalagak sa kaniya ng kaniyang pananampalataya ang mabibigo. (Roma 10:11; Isa. 28:16) Maaaring alam na ito ng mga taong pamilyar sa sinasabi ng Bibliya tungkol sa kasalanan. Pero sa iba, ito ay bago, isang bagay na hindi alam o karaniwan nang hindi pinaniniwalaan sa kanilang kultura. Kapag silay naniniwala na sa Diyos at nagtitiwala na sa Kasulatan, kailangan nating ipaliwanag sa kanila ang papel
20
20, 21. Sa ating ministeryo, bakit dapat nating isaisip ang mabuting balita na itinatampok sa aklat ng Roma, at ano ang posibleng maging resulta nito?
ni Jesus. Tatalakayin sa susunod na artikulo ang paliwanag ng Roma kabanata 5 tungkol sa aspektong ito ng mabuting balita. Malamang na magagamit mo ito sa iyong ministeryo. 21 Tiyak na pagpapalain tayo sa pagtulong sa tapat-pusong mga tao na maunawaan ang mabuting balita na paulit-ulit na binabanggit sa aklat ng Roma, ang mabuting balita na sa katunayan [ay] kapangyarihan ng Diyos ukol sa pagliligtas sa bawat isa na may pananampalataya. (Roma 1:16) Bukod diyan, masisiyahan din tayong makita ang iba na sumasang-ayon sa sinabi ni Pablo sa Roma 10:15: Pagkagandaganda ng mga paa niyaong mga nagpapahayag ng mabuting balita ng mabubuting bagay! Isa. 52:7.
INIREREKOMENDA NG DIYOS SA ATIN ANG K ANIYANG PAG-IBIG

Ang di-sana-nararapat na kabaitan ay [mamamahala] bilang hari sa pamamagitan ng katuwiran tungo sa buhay na walang hanggan.ROMA 5:21.
NG pinakamahalagang . . . pamana ng mga Romano . . . ay ang kanilang batas at ang kanilang paniniwala na dapat mamuhay ayon sa batas. (Dr. David J. Williams ng University of Melbourne, Australia) Totoo man iyan o hindi, may isang pamana o kaloob na tiyak na mas mahalaga. Ang kaloob na ito ay ang paraan ng Diyos para magkaroon tayo ng sinang-ayunan at matuwid na katayuan sa harap niya at ng pagasang maligtas at mabuhay nang walang hanggan. 2 Sa diwa, ang paraan ng paglalaan ng Diyos sa kaloob na ito ay nauugnay sa kaniyang katarungan. Sa Roma kabanata 5, hindi iniharap ni
1, 2. Anong dalawang kaloob ang itinuturing ng marami na mahalaga, at alin ang mas mahalaga?
apostol Pablo ang mga aspektong ito sa pamamagitan ng pagtalakay sa mga detalye ng kautusan. Sa halip, nagsimula siya sa isang kapana-panabik na kapahayagan: Ipinahayag na tayong matuwid dahil sa pananampalataya, [kaya] tamasahin natin ang kapayapaan sa Diyos sa pamamagitan ng ating Panginoong Jesu-Kristo. Ang mga tumatanggap ng kaloob ng Diyos ay napapakilos na ibigin siya. Isa na rito si Pablo. Sumulat siya: Ang pag-ibig ng Diyos ay ibinuhos sa ating mga puso sa pamamagitan ng banal na espiritu.Roma 5:1, 5. 3 Pero bakit kailangan ang maibiging kaloob na ito? Paano ito maibibigay ng Diyos sa paraang makatarungan at mapakikinabangan
3. Anong mga tanong ang bumabangon?
11
ng lahat? At ano ang kahilingan para maging kuwalipikado rito? Alamin natin ang kasiyasiyang sagot sa mga ito at tingnan kung paano nito itinatampok ang pag-ibig ng Diyos. Ang Pag-ibig ng Diyos at ang Kasalanan 4 Udyok ng dakilang pag-ibig, isinugo ni Jehova ang kaniyang bugtong na Anak para tulungan ang mga tao. Sinabi ni Pablo: Inirerekomenda ng Diyos sa atin ang kaniyang sariling pag-ibig anupat, samantalang tayo ay mga makasalanan pa, si Kristo ay namatay para sa atin. (Roma 5:8) Pag-isipan ang sinabi niya: Tayo ay mga makasalanan pa. Kailangang malaman ng lahat kung paano nangyari iyon. 5 Ipinaliwanag ito ni Pablo sa pagsasabi: Sa pamamagitan ng isang tao ang kasalanan ay pumasok sa sanlibutan at ang kamatayan sa pamamagitan ng kasalanan, at sa gayon ang kamatayan ay lumaganap sa lahat ng tao sapagkat silang lahat ay nagkasala. (Roma 5:12) Maiintindihan natin ito dahil ipinasulat ng Diyos ang isang rekord kung paano nagsimula ang buhay ng tao. Lumalang si Jehova ng dalawang tao, sina Adan at Eva. Ang Maylalang ay sakdal, gayundin ang unang mga tao, na ating mga ninuno. Isang pagbabawal lang ang ibinigay ng Diyos sa kanila at sinabing hahatulan sila ng kamatayan kung susuwayin nila ito. (Gen. 2:17) Gayunman, pinili nilang gumawi nang kapahapahamak at nilabag ang makatuwirang utos ng Diyos, anupat itinakwil siya bilang Tagapagbigay-Kautusan at Soberano.Deut. 32:4, 5. 6 Makasalanan na si Adan nang magkaanak siya, kaya naipasa niya ang kasalanan at ang mga epekto nito sa lahat ng kaniyang mga anak. Siyempre pa, hindi naman sila lumabag sa utos ng Diyos gaya ng ginawa ni Adan, kaya hindi sila pinaratangan ng gayunding kasalanan; at wala pang ibinibigay na kodigo ng kautusan noon. (Gen. 2:17) Gayunman, nagmana ng kasalanan
4, 5. (a) Paano ipinakita ni Jehova ang kaniyang dakilang pag-ibig? (b) Anong impormasyon ang tutulong sa atin para maunawaan ang Roma 5:12? 6. (a) Bakit namamatay ang mga inapo ni Adan kapuwa bago ibigay ng Diyos ang Kautusang Mosaiko at pagkaraan nito? (b) Paano mailalarawan ang epekto ng minanang kasalanan?
ang mga inapo ni Adan. Kaya naman ang kasalanan at kamatayan ay namahala hanggang sa bigyan ng Diyos ang mga Israelita ng isang kodigo ng kautusan, na malinaw na nagpapakitang silay makasalanan. (Basahin ang Roma 5: 13, 14.) Bilang ilustrasyon, ihambing natin ang epekto ng minanang kasalanan sa epekto ng ilang sakit gaya ng Mediterranean anemia at hemophilia. Baka nabasa mo na ang tungkol kay Alexis, anak ng Rusong tsar na si Nicholas II at ni Alexandra. Si Alexis ay nagmana ng hemophilia, isang abnormalidad sa dugo. Totoo, maaaring hindi lahat ng anak ay magkaroon ng ganitong sakit, pero posible pa rin nila itong maipasa sa kanilang supling. Iba naman pagdating sa kasalanan. Hindi maiiwasan ang depektong dulot ng kasalanan ni Adan. Lahat ay apektado nito. Lahat ay namamatay. At naipapasa ito sa lahat ng anak. Posible pa kayang makalaya sa kalunus-lunos na kalagayang ito? Ang Paglalaan ng Diyos sa Pamamagitan ni Jesu-Kristo 7 Maibiging naglaan si Jehova ng isang kaayusan para makalaya ang mga tao mula sa minanang kasalanan. Ipinaliwanag ni Pablo na naging posible ito sa pamamagitan ng isa pang sakdal na taoang ikalawang Adan, wika nga. (1 Cor. 15:45) Pero magkaibang-magkaiba ang resulta ng landasin ng dalawang sakdal na taong ito. Paano?Basahin ang Roma 5:15, 16. 8 Ang sa kaloob ay hindi gaya ng sa pagkakamali, ang isinulat ni Pablo. Si Adan ang nakagawa ng pagkakamaling iyon, at makatarungan lang na hatulan siya ng kamatayan. Pero hindi lang siya ang daranas ng kamatayan. Mababasa natin: Dahil sa pagkakamali ng isang tao ay marami ang namatay. Nadamay ang lahat ng di-sakdal na inapo ni Adan, kasama na tayo, sa makatarungang hatol na iyon. Gayunman, nakaaaliw malaman na ang taong sakdal na si Jesus ay makapagdudulot ng ibang resulta. Ano iyon? Sinabi ni Pablo na itoy ang pagpapahayag sa [lahat ng uri ng mga tao] na matuwid para sa buhay.Roma 5:18.
7, 8. Paano magkaiba ang resulta ng landasin ng dalawang sakdal na tao?
12
Nagkasala ang sakdal na taong si Adan. Ibinigay naman ng sakdal na taong si Jesus ang katumbas na pantubos
9 Ano ang kahulugan ng mga salitang Griego na nasa pananalitang pagpapahayag ng katuwiran at pagpapahayag sa kanila na matuwid? Isang tagapagsalin ng Bibliya ang sumulat tungkol sa konseptong ito: Isa itong metapora tungkol sa batas na waring nagdiriin ng isang legal na punto. Tumutukoy ito sa pagbabago sa katayuan ng isang tao may kaugnayan sa Diyos, hindi sa panloob na pagbabago ng taong iyon . . . Sa metapora, inilalarawan ang Diyos bilang hukom na nakagawa na ng desisyong pabor sa akusado, na iniharap sa hukuman ng Diyos, wika nga, dahil sa paratang na pagiging di-matuwid. Pero pinawalang-sala ng Diyos ang akusado. 10 Sa anong saligan mapawawalang-sala ng matuwid na Hukom ng buong lupa ang isang taong di-matuwid? (Gen. 18:25) Bilang unang
hakbang, maibiging isinugo ng Diyos ang kaniyang bugtong na Anak sa lupa. Lubusang tinupad ni Jesus ang kalooban ng kaniyang Ama, sa kabila ng mga tukso, matinding panunuya, at pang-aabuso. Nanatili siyang tapat hanggang sa kamatayan sa pahirapang tulos. (Heb. 2:10) Nang ibigay ni Jesus ang kaniyang sakdal na buhay bilang tao, naghandog siya ng pantubos na maaaring magpalaya sa mga supling ni Adan mula sa kasalanan at kamatayan.Mat. 20:28; Roma 5:6-8. 11 Sa ibang talata, tinawag ito ni Pablo bilang katumbas na pantubos. (1 Tim. 2:6) Ano ang tinutumbasan ng pantubos? Si Adan ay nagdulot ng di-kasakdalan at kamatayan sa lahat ng kaniyang bilyun-bilyong inapo.1 At totoo na bilang taong sakdal, si Jesus ay maaari sanang pagmulan ng bilyun-bilyong sakdal na inapo. Kaya naman ang unawa natin noon ay na ang buhay ni Jesus at ng lahat ng puwede sanang maging mga sakdal na inapo niya ang tinutukoy na haing katumbas ng buhay ni Adan at ng kaniyang disakdal na mga inapo. Gayunman, hindi sinasabi ng Bibliya na ang potensiyal na mga supling ni Jesus ay bahagi ng pantubos. Ayon sa Roma 5:1519, isang tao lamang ang kailangang mamatay para mailaan ang pagpapalaya. Oo, ang sakdal na buhay ni Jesus ang katumbas ng kay Adan. Ang pokus ay dapat na kay Jesu-Kristo lang. Posible nang tumanggap ng walang-bayad na kaloob at buhay ang lahat ng uri ng tao dahil sa isang gawa ng pagbibigay-katuwiran ni Jesusang kaniyang landasin ng pagsunod at katapatan hanggang sa kamatayan. (2 Cor. 5:14, 15; 1 Ped. 3:18) Paano nangyari iyon? Pagpapawalang-Sala Salig sa Pantubos Tinanggap ng Diyos na Jehova ang haing pantubos na inihandog ng kaniyang Anak. (Heb. 9:24; 10:10, 12) Pero hindi pa rin sakdal ang mga alagad ni Jesus sa lupa, pati na ang kaniyang tapat na mga apostol. Bagaman sinisikap nilang huwag makagawa ng mali,
12
9. Ano ang ibig sabihin kapag ipinapahayag ng Diyos na matuwid ang mga tao, gaya ng binabanggit sa Roma 5:16, 18? 10. Ano ang ginawa ni Jesus na naging saligan para maipahayag na matuwid ang mga tao?
1 Halimbawa, ang pangmalas na ito tungkol sa mga inapo o supling ay tinalakay sa Kaunawaan sa Kasulatan, Tomo 2, pahina 845, parapo 2 at 3.
11. Ano ang tinutumbasan ng pantubos? 12, 13. Bakit nangangailangan ng awa at pag-ibig ng Diyos ang mga ipinapahayag na matuwid?
13
nagkakasala pa rin sila. Bakit kaya? Dahil sa kanilang minanang kasalanan. (Roma 7:18-20) Pero kaya itong lutasin ng Diyos, at gayon nga ang ginawa niya. Tinanggap niya ang katumbas na pantubos at handa niyang ikapit iyon alang-alang sa mga taong lingkod niya. 13 Hindi obligasyon ng Diyos na ikapit sa mga apostol at sa iba pa ang pantubos dahil sa kanilang mabubuting gawa. Sa halip, ikinapit iyon ng Diyos sa kanila dahil sa kaniyang awa at dakilang pag-ibig. Pinawalang-sala niya ang mga apostol at ang iba pa mula sa hatol laban sa kanila, anupat itinuring na sila ay napalaya na sa minanang kasalanan. Sinabi ni Pablo: Sa pamamagitan nga ng di-sana-nararapat na kabaitang ito ay iniligtas na kayo sa pamamagitan ng pananampalataya; at hindi ito dahil sa inyo, ito ay kaloob ng Diyos.Efe. 2:8. 14 Isip-isipin kung gaano kalaking kaloob mula sa Makapangyarihan-sa-lahat na patawarin ang isang tao mula sa kasalanang minana niya at pati sa mga nagawa niyang pagkakamali! Hindi mabibilang kung gaano karaming kasalanan ang nagawa ng isang indibiduwal bago naging Kristiyano. Gayunman, salig sa pantubos, mapatatawad ng Diyos ang mga kasalanang iyon. Sumulat si Pablo: Ang kaloob mula sa maraming pagkakamali ay nagbunga ng pagpapahayag ng katuwiran. (Roma 5:16) Ang mga apostol at ang iba pa na tumanggap ng maibiging kaloob na ito (ang pagpapahayag sa kanila na matuwid) ay kailangang patuloy na sumamba sa tunay na Diyos taglay ang pananampalataya. At ano ang magiging gantimpala? Yaong mga tumatanggap ng kasaganaan ng di-sana-nararapat na kabaitan at ng walang-bayad na kaloob na katuwiran ay mamamahala bilang mga hari sa buhay sa pamamagitan ng isang tao, si Jesu-Kristo. Oo, ang epekto ng kaloob na katuwiran ay kabaligtaran ng epekto ng kasalanan ni Adan. Buhay ang dulot ng kaloob na iyon.Roma 5:17; basahin ang Lucas 22:28-30. 15 Ang mga tumatanggap ng kaloob na iyon, ang pagpapahayag sa kanila na matuwid, ay nagiging espirituwal na mga anak ng Diyos. Bilang mga kasamang tagapagmana ni Kristo, may pag14, 15. Ano ang gantimpala para sa mga ipinahayag ng Diyos na matuwid, ngunit ano pa ang kailangan nilang gawin?
asa silang buhaying muli tungo sa langit bilang lehitimong mga espiritung anak na mamamahala bilang mga hari kasama ni Jesu-Kristo. Basahin ang Roma 8:15-17, 23. Ang Pag-ibig ng Diyos sa Iba Hindi lahat ng nananampalataya at naglilingkod sa Diyos bilang tapat na mga Kristiyano ay mamamahala bilang mga hari kasama ni Kristo sa langit. Marami ang may salig-Bibliyang pag-asa na katulad ng sa mga lingkod ng Diyos bago ang panahong Kristiyanoang mabuhay magpakailanman sa paraisong lupa. Pero maaari na ba silang tumanggap ngayon ng maibiging kaloob mula sa Diyos anupat itinuturing na matuwid taglay ang pag-asang mabuhay sa lupa? Batay sa isinulat ni Pablo sa mga taga-Roma, ang nakapagpapatibay na sagot ay oo! 17 Tinalakay ni Pablo ang isang napakagandang halimbawa, si Abraham, isang taong may pananampalataya na nabuhay bago ibigay ni Jehova sa Israel ang kodigo ng kautusan at bago pa buksan ni Kristo ang daan tungo sa makalangit na buhay. (Heb. 10:19, 20) Mababasa natin: Hindi sa pamamagitan ng kautusan tinanggap ni Abraham o ng kaniyang binhi ang pangako na siya ay magiging tagapagmana ng isang sanlibutan, kundi sa pamamagitan ng katuwiran dahil sa pananampalataya. (Roma 4:13; Sant. 2: 23, 24) Kaya ang tapat na si Abraham ay itinuring ng Diyos bilang matuwid.Basahin ang Roma 4:20-22. 18 Hindi ito nangangahulugang hindi kailanman nagkasala si Abraham sa panahong naglilingkod siya kay Jehova. Hindi iyan ang ibig sabihin ng pagiging matuwid niya. (Roma 3:10, 23) Ngunit dahil sa Kaniyang walanghanggang karunungan, pinahalagahan ni Jehova ang pambihirang pananampalataya ni Abraham na may kalakip na mga gawa. Partikular nang nanampalataya si Abraham sa ipinangakong binhi na magmumula sa kaniyang angkan. Ang Binhi na iyon ay ang Mesiyas, o Kristo. (Gen. 15:6; 22:15-18) Kaya naman salig sa
16
16. Anong kaloob ang maaari nang tanggapin ngayon ng mga may makalupang pag-asa? 17, 18. (a) Dahil sa pananampalataya ni Abraham, paano siya itinuring ng Diyos? (b) Bakit maituturing ni Jehova si Abraham bilang matuwid?
14
Isa ngang mabuting balita maaari tayong ipahayag na matuwid sa pamamagitan ni Jesus!
pantubos na ibinayad ni Kristo Jesus, maaaring patawarin ng banal na Hukom ang mga kasalanang nagawa sa nagdaang panahon. Sa gayon, si Abraham at ang iba pang may pananampalataya bago ang panahong Kristiyano ay tiyak na bubuhaying muli.Basahin ang Roma 3: 24, 25; Awit 32:1, 2. Magkaroon ng Matuwid na Katayuan Ngayon 19 Ang pagturing ng Diyos kay Abraham bilang matuwid ay dapat makapagpatibay sa mga tunay na Kristiyano sa ngayon. Hindi siya ipinahayag ni Jehova na matuwid sa diwa na pinahiran siya ng espiritu para maging isa sa mga kasamang tagapagmana ni Kristo. Ang maliit na grupong iyon ay tinawag upang maging mga banal at tinanggap bilang mga anak ng Diyos. (Roma 1:7; 8:14, 17, 33) Pero si Abraham ay itinuring na kaibigan ni Jehovabago pa man inihandog ang haing pantubos. (Sant. 2:23; Isa. 41:8) Kumusta naman ang mga tunay na Kristiyano na umaasang mabuhay sa isinauling Paraiso sa lupa? 20 Sila ay hindi binigyan ng walang-bayad na kaloob na katuwiran na may makalangit na pag-asa sa pamamagitan ng pagpapalaya dahil sa pantubos na ibinayad ni Kristo Jesus. (Roma 3:24; 5:15, 17) Gayunman, lubos silang nananampalataya sa Diyos at sa kaniyang mga paglalaan, at ipinakikita nila ito sa pamamagitan ng mabubuting gawa. Isa na rito ang pangangaral ng kaharian ng Diyos at pagtuturo ng mga bagay may kinalaman sa Panginoong Jesu-Kristo. (Gawa 28:31) Sa gayon, maituturing sila ni Jehova bilang matuwid gaya ni Abraham. Ang kaloob na ibinibigay sa kanilaang pakikipagkaibigan sa Diyosay iba sa walang-bayad na
19. Bakit dapat makapagpatibay sa marami ngayon ang pagturing ng Diyos kay Abraham bilang matuwid? 20. Ano ang inaasahan ng Diyos sa mga itinuturing niyang matuwid ngayon, gaya ni Abraham?
kaloob na ibinibigay sa mga pinahiran. Pero buong-puso nila itong tinatanggap at ipinagpapasalamat. 21 Kung ang pag-asa mo ay buhay na walang hanggan sa lupa, dapat mong maunawaan na ang oportunidad na ito ay hindi kapritso lang ng isang tagapamahalang tao. Sa halip, masasalamin dito ang matalinong layunin ng Soberano ng Uniberso. Gumawa si Jehova ng mga hakbang para matupad ang kaniyang layunin. Ang mga ito ay kaayon ng tunay na katarungan. Higit pa riyan, makikita sa mga ito ang dakilang pag-ibig ng Diyos. Kaya naman masasabi ni Pablo: Inirerekomenda ng Diyos sa atin ang kaniyang sariling pag-ibig anupat, samantalang tayo ay mga makasalanan pa, si Kristo ay namatay para sa atin.Roma 5:8.
21. Paano tayo nakikinabang sa pag-ibig at katarungan ni Jehova?
Natatandaan Mo Ba?
Ano ang minana ng mga supling ni Adan, at ano ang resulta? Paano inilaan ang katumbas na pantubos, at ano ang tinutumbasan nito? Anong mga pagpapala ang maaasahan ng mga itinuturing ni Jehova bilang matuwid?
15
Talaga Bang May mga Kamelyo Noon si Abraham?

NG mga kamelyo ay kasama sa mga hayop na ibinigay ni Paraon kay Abraham, ang sabi sa Bibliya. (Gen. 12:16) Nang maglakbay ang lingkod ni Abraham patungong Mesopotamia, siya ay kumuha ng sampung kamelyo mula sa mga kamelyo ng kaniyang panginoon. Kaya maliwanag na sinasabi ng Bibliya na may mga kamelyo si Abraham noong pasimula ng ikalawang milenyo B.C.E. Gen. 24:10. Hindi sang-ayon dito ang ilan. Iniulat ng New International Version Archaeological Study Bible: Pinagtatalunan ng mga iskolar kung tama ang mga pagbanggit sa mga kamelyo dahil marami ang naniniwalang naging alaga lang ang mga hayop na ito noong mga
1200 B.C., mahabang panahon pa ang lumipas pagkamatay ni Abraham. Kung gayon, ang anumang mas maagang pagbanggit ng Bibliya sa mga kamelyo ay maituturing na isang anakronismo, o hindi tugma sa kronolohiya. Gayunman, ikinakatuwiran ng ibang mga iskolar na bagaman noong pagtatapos lang ng ikalawang milenyo naging pangkaraniwan ang pag-aalaga ng kamelyo, hindi naman ito nangangahulugan na hindi ginagamit ang kamelyo bago nito. Sinasabi sa aklat na Civilizations of the Ancient Near East: Ipinahihiwatig ng pagsasaliksik kamakailan na ang mga kamelyo ay inaalagaan sa timog-silangang Arabia noong mga ikatlong milenyo [B.C.E.]. Sa pasimula, maaaring pinagkukunan lang ito ng gatas, balahibo, katad, at karne, pero dinagtagal, malamang na nakitang puwede itong gamitin bilang hayop na pantrabaho. Ang petsang itobago ang panahon ni Abrahamay waring sinusuportahan ng natagpuang mga piraso ng buto at iba pang arkeolohikal na mga lab. Nariyan din ang nakasulat na mga katibayan. Sinasabi rin sa aklat na iyon: Sa Mesopotamia, binabanggit ang gayong hayop [kamelyo] sa mga listahang cuneiform at makikita ito sa ilang pantatak, anupat nagpapahiwatig na mayroon nang ganitong hayop sa Mesopotamia pagsapit ng ikalawang milenyo, samakatuwid nga, noong panahon ni Abraham. Naniniwala ang ilang iskolar na ang mga negosyante ng insenso mula sa Timog Arabia ay gumamit ng mga kamelyo para maghatid ng kanilang mga kalakal sa gawing hilaga. Binabagtas nila ang disyerto patungong Ehipto at Sirya at sa gayoy natuto rin ang mga tagaroon na gumamit ng kamelyo. Malamang na ang negosyong ito ay pangkaraniwan na noon pa mang 2000 B.C.E. Kapansin-pansin, binanggit sa Genesis 37:25-28 ang tungkol sa mga negosyanteng Ismaelita na gumamit ng mga kamelyo para maghatid ng mga sangkap ng insenso sa Ehipto mga sandaang taon pagkamatay ni Abraham. Hindi pa marahil uso ang paggamit ng kamelyo sa sinaunang Gitnang Silangan noong pasimula ng ikalawang milenyo B.C.E., pero waring ipinakikita ng katibayan na ginagamit na rin ito noon. Kaya ganito ang konklusyon ng The International Standard Bible Encyclopedia: Hindi na ngayon maituturing na anakronismo ang pagbanggit sa mga kamelyo sa mga salaysay noong panahon ng mga patriyarka, dahil maraming arkeolohikal na ebidensiya ang nagpapatunay na mayroon nang mga alagang kamelyo bago pa man ang panahon ng mga patriyarka.
17
Roma
Troas
Dalhin Mo ang mga Balumbon, Lalo Na ang mga Pergamino
Efeso
NIUTOS iyan ni apostol Pablo sa kaniyang kapuwa misyonerong si Timoteo. Anong klaseng mga balumbon at pergamino ang tinutukoy ni Pablo? Bakit niya ipinakukuha ang mga ito? At ano ang matututuhan natin sa kahilingang ito? Noong kalagitnaan ng unang siglo C.E., nang isulat ni Pablo ang mga salitang ito, ang 39 na aklat ng Hebreong Kasulatan ay nahati na sa 22 o 24 na aklat, na karamihan ay malamang na nasa magkakahiwalay na balumbon. Sinabi ni Propesor Alan Millard na ang mga balumbong ito, bagaman napakamahal, ay abot-kaya pa rin ng mga taong nakaririwasa. Ang ilan ay nakabibili ng kahit isang balumbon. Halimbawa, ang bating na Etiope ay may isang balumbon noon sa kaniyang karo at binabasa [niya] nang malakas ang propetang si Isaias. Siyay may kapangyarihan sa ilalim ni Candace na reyna ng mga Etiope at namamahala sa lahat ng kayamanan nito. Tiyak na mayaman siya kaya may sarili siyang kopya ng ilang bahagi ng Kasulatan.Gawa 8:27, 28. Hiniling ni Pablo kay Timoteo: Pagparito mo, dalhin mo ang balabal na iniwan ko sa Troas kay Carpo, at ang mga balumbon, lalo na ang mga pergamino. (2 Tim. 4:13) Ipinahihiwatig nito na maraming aklat si Pablo. Sa lahat ng aklat niya, tiyak na ang Salita ng Diyos ang pinakamahalaga sa kaniya. Hinggil sa mga
pergamino sa talatang ito, sinabi ng iskolar ng Bibliya na si A. T. Robertson: Malamang na ito ay mga kopya ng mga aklat ng Matandang Tipan, yamang mas mahal [at mas matibay] ang pergamino kaysa sa papiro. Mula sa pagkabata, si Pablo ay nag-aral . . . sa paanan ni Gamaliel, isang iginagalang na guro ng Kautusang Mosaiko. Kaya makatuwiran lang na magkaroon si Pablo ng personal na kopya ng mga balumbon ng Salita ng Diyos.Gawa 5:34; 22:3. Kung Paano Ginamit ng mga Kristiyano ang mga Balumbon Magkagayunman, iilan lamang noon ang may sariling mga balumbon ng Banal na Kasulatan. Kaya paano mababasa ng karamihan sa mga Kristiyano ang Salita ng Diyos? Ang sagot ay ipinahihiwatig sa unang liham ni Pablo kay Timoteo: Habang ako ay papariyan, magsikap ka sa pangmadlang pagbabasa. (1 Tim. 4:13) Ang pangmadlang pagbabasa ay bahagi ng pagpupulong ng mga kongregasyong Kristiyano noon, isang tradisyong sinusunod ng mga lingkod ng Diyos mula pa noong panahon ni Moises.Gawa 13:15; 15:21; 2 Cor. 3:15. Bilang isang matanda, kinailangan ni Timoteo na magsikap sa pagbabasa nang malakas para makinabang ang mga walang sariling kopya ng Kasulatan. Tiyak na matamang nakikinig ang lahat habang binabasa ang Salita ng Diyos, at pag-uwi ng bahay, malamang na pi-
18
nag-uusapan ng mga pamilya ang binasa sa pulong. Mahahaba ang mga balumbon. Halimbawa, ang tanyag na Dead Sea Scroll of Isaiah ay halos 7.3 metro ang haba. Ang mga balumbon ay mayroon ding hawakang kahoy sa magkabilang dulo, at kadalasan nang binabalot ng tela o inilalagay sa banga bilang proteksiyon. Kaya ang mga balumbon ay mabigat. Malamang na hindi kaya ng karamihan sa mga Kristiyano na magdala ng marami nito sa kanilang pangangaral. Bagaman si Pablo ay may sariling kopya ng ilang balumbon ng Kasulatan, malamang na hindi niya ito kayang dalhing lahat sa kaniyang paglalakbay. Lumilitaw na iniwan niya ang ilan nito sa Troas, sa kaibigan niyang si Carpo. Ano ang Matututuhan Natin kay Pablo? Bago sabihin ang kahilingan niya, si Pablo, na nakabilanggo sa Roma sa ikalawang pagkakataon, ay sumulat: Naipaglaban ko na ang mainam na pakikipaglaban, natakbo ko na ang takbuhin hanggang sa katapusan . . . Mula ngayon ay nakalaan para sa akin ang korona ng katuwiran. (2 Tim. 4:7, 8) Malamang na isinulat niya ito noong mga 65 C.E. sa panahon ng paguusig ni Nero. Mas mahigpit na ngayon ang pagbibilanggo. Sa katunayan, nakikini-kinita na niyang papatayin siya. (2 Tim. 1:16; 4:6) Kaya naman gustung-gusto ni Pablo na madala sa kaniya ang mga balumbon. Bagaman nakatitiyak na naipaglaban na niya ang mainam na pakikipaglaban hanggang sa katapusan, hangad pa rin niyang mapalakas ang sarili sa pamamagitan ng pag-aaral ng Salita ng Diyos. Malamang na nasa Efeso pa rin si Timoteo nang matanggap niya ang kahilingan ni Pablo. (1 Tim. 1:3) Mula sa Efeso, ang Roma ay mga 1,600 kilometro kung daraan sa Troas. Sa liham ding iyon, nakiusap si Pablo kay Timoteo: Gawin mo ang iyong buong makakaya na makarating bago ang taglamig. (2 Tim. 4:21) Hindi iniulat sa Bibliya kung may nasakyang barko si Timoteo para makarating sa Roma sa panahong binanggit ni Pablo. Ano ang matututuhan natin sa kahilingan
ni Pablo na dalhin sa kaniya ang mga balumbon, lalo na ang mga pergamino? Nasasabik pa rin siya sa Salita ng Diyos kahit sa pinakamahirap na yugtong ito ng kaniyang buhay. Maliwanag na ito ang dahilan kung bakit lagi siyang masigla at aktibo sa paglilingkod sa Diyos at nakapagpapatibay sa marami. Sa ngayon, pinagpala tayo kung may sarili tayong kopya ng kumpletong Bibliya! Ang iba nga ay may ilang kopya at ibat ibang edisyon. Gaya ni Pablo, dapat din nating linangin ang pananabik na magkaroon ng mas malalim na kaunawaan sa Kasulatan. Sa 14 na kinasihang liham ni Pablo, ang ikalawang liham kay Timoteo ang pinakahuling isinulat. Makikita sa huling bahagi nito ang kaniyang personal na kahilingan. Sa katunayan, ang pakiusap ni Pablo kay Timoteo na dalhin ang mga balumbon, lalo na ang mga pergamino, ang isa sa pinakahuling kahilingan niya na nakaulat. Hinahangad mo rin bang ipaglaban ang mainam na pakikipaglaban ng pananampalataya hanggang sa katapusan, gaya ni Pablo? Gusto mo bang makapanatiling aktibo sa espirituwal at handa sa pakikibahagi sa gawaing pagpapatotoo hanggat ipinahihintulot ni Jehova? Kung gayon, sundin ang payo ni Pablo sa mga Kristiyano. Laging bigyang-pansin ang iyong sarili at ang iyong turo sa pamamagitan ng masigasig at palagiang pag-aaral ng Bibliya, na makukuha na ngayon ng mas maraming tao at mas kumbinyente nang gamitin kaysa sa mga balumbon.1 Tim. 4:16.
PASTULAN NINYO ANG K AWAN NG DIYOS NA NASA INYONG PANGANGALAGA

Pastulan ninyo ang kawan ng Diyos na nasa inyong pangangalaga, hindi napipilitan, kundi maluwag sa kalooban.1 PED. 5:2.
SINULAT ni apostol Pedro ang kaniyang unang liham bago pag-usigin ni Nero ang mga Kristiyano sa Roma. Gusto niyang patibayin ang mga kapatid. Ang Diyablo ay gumagala-gala, na naghahanap ng mga Kristiyanong masisila. Para makatayong matatag laban sa kaniya, kailangan nilang panatilihin ang kanilang katinuan at magpakababa sa ilalim ng makapangyarihang kamay ng Diyos. (1 Ped. 5: 6, 8) Kailangan din nilang panatilihin ang pagkakaisa. Hindi sila dapat magkagatan at maglamunan sa isat isa, dahil baka maglipulan sila sa isat isa.Gal. 5:15. 2 Ganiyan din ang sitwasyon natin sa ngayon. Naghahanap ang Diyablo ng mga pagkakataon para lamunin tayo. (Apoc. 12:12) At malapit nang dumating ang malaking kapighatian gaya ng hindi pa nangyayari mula nang pasimula ng sanlibutan. (Mat. 24:21) Tulad ng unang-siglong mga Kristiyano, dapat din nating iwasan ang pagtatalu-talo. Para magawa ito, kung minsan ay kailangan natin ang tulong ng kuwalipikadong matatanda. 3 Talakayin natin kung paano higit na mapahahalagahan ng mga elder ang pribilehiyong magpastol sa kawan ng Diyos na nasa kanilang pangangalaga. (1 Ped. 5:2) Pag-uusapan din natin ang tamang paraan ng pagpapastol. Sa susunod na artikulo, pag-aaralan natin kung paano maisasaalang-alang ng kongregasyon yaong mga nagpapagal at namumuno sa kawan. (1 Tes. 5:12) Ang pagtalakay sa mga ito ay
tutulong sa atin na makatayong matatag laban sa ating pinakamahigpit na Kalaban, yamang alam natin na sa kaniya tayo nakikipagbuno. Efe. 6:12. Pastulan ang Kawan ng Diyos Hinimok ni Pedro ang matatandang lalaki noong unang siglo na magkaroon ng makadiyos na pangmalas sa kawan na ipinagkatiwala sa kanila. (Basahin ang 1 Pedro 5:1, 2.) Bagaman itinuturing na isang haligi sa kongregasyon, si Pedro ay hindi nagsalita sa matatanda na para bang nakatataas siya sa kanila. Sa halip, pinaalalahanan niya sila bilang mga kapuwa matatanda. (Gal. 2:9) Katulad ni Pedro, ang Lupong Tagapamahala sa ngayon ay nagpapayo sa mga elder na magsikap sa pagganap ng mabigat na pananagutang magpastol sa kawan ng Diyos. 5 Isinulat ng apostol na ang matatandang lalaki ay dapat magpastol sa kawan ng Diyos na nasa kanilang pangangalaga. Napakahalagang kilalanin nila na ang kawan ay pag-aari ni Jehova at ni Jesu-Kristo. Ang mga elder ay magsusulit sa paraan ng pangangalaga nila sa mga tupa ng Diyos. Ipagpalagay na inihabilin sa iyo ng isang matalik na kaibigan ang kaniyang mga anak habang wala siya. Hindi ba aalagaan mo silang mabuti at pakakainin? Kung magkasakit ang isa sa kanila, hindi ba ipagagamot mo siya? Sa katulad na paraan, ang mga elder sa kongregasyon ay dapat magpastol sa kongregasyon ng Diyos, na binili niya ng dugo ng kaniyang sariling Anak. (Gawa 20:28) Lagi nilang inii4
1. Ano ang sitwasyon ng mga Kristiyano nang isulat ni Pedro ang kaniyang unang liham? 2, 3. Kanino tayo nakikipaglaban, at ano ang tatalakayin natin sa seryeng ito?
4, 5. Ano ang dapat na maging pangmalas ng matatandang lalaki sa kawan? Ilarawan.
20
Gaya ng mga pastol noon, dapat protektahan ng mga elder sa ngayon ang mga tupa na nasa kanilang pangangalaga
sip na ang bawat tupa ay binili ng mahalagang dugo ni Kristo Jesus. Yamang magsusulit sila, pinakakain, pinoprotektahan, at pinangangalagaan ng mga elder ang kawan. 6 Isipin ang mga pananagutan ng mga pastol noong panahon ng Bibliya. Kailangan nilang tiisin ang init ng araw at ang lamig ng gabi sa pagbabantay sa kawan. (Gen. 31:40) Isinasapanganib pa nga nila ang kanilang buhay para sa mga tupa. Iniligtas ng kabataang pastol na si David ang kaniyang kawan mula sa mababangis na hayop, gaya ng leon at oso. Sinabi ni David na sinunggaban niya ang balbas niyaon at pinabagsak iyon at pinatay. (1 Sam. 17: 34, 35) Napakatapang nga niya! Posibleng muntik na siyang masakmal ng hayop na iyon! Pero pilit pa rin niyang iniligtas ang tupa. 7 Sa ngayon, ang mga elder ay kailangang magbantay laban sa tulad-leong pagsalakay ng Diyablo. Baka kailangan ang lakas ng loob para maagaw ang tupa mula sa pagkakasakmal ng Diyablo. Kung susunggaban ng mga elder ang
6. Ano ang pananagutan ng mga pastol noon? 7. Paano maaaring agawin ng mga elder ang mga tupa mula sa pagkakasakmal ni Satanas?
balbas ng mabangis na hayop, wika nga, maililigtas nila ang tupa. Baka kailangan nilang payuhan ang mga kapatid na walang kamalaymalay na natutukso ng mga silo ni Satanas. (Basahin ang Judas 22, 23.) Siyempre pa, hindi ito magagawa ng mga elder kung walang tulong ni Jehova. Magiliw nilang inaalagaan ang nasugatang tupa, anupat binebendahan ito at ginagamitan ng nakagiginhawang pamahid, ang Salita ng Diyos. 8 Inaakay rin ng pastol ang kawan tungo sa madamong pastulan at lugar na may tubig. Sa katulad na paraan, inaakay ng mga elder ang kawan patungo sa kongregasyon, anupat pinasisigla sila na palaging dumalo sa mga pulong para makakain nang husto at makatanggap ng kanilang pagkain sa tamang panahon. (Mat. 24:45) Baka kailangang gumugol ang mga elder ng karagdagang panahon para tulungan ang mga maysakit sa espirituwal na tumanggap ng nakapagpapalusog na Salita ng Diyos. Baka sinisikap ng isang naligaw na tupa na bumalik sa kawan. Sa halip na pagalitan, magiliw na ipinaliliwanag sa kaniya ng mga elder ang
8. Saan inaakay ng mga elder ang kawan, at paano?
21
mga simulain sa Bibliya at ipinakikita kung paano maikakapit ang mga ito sa kaniyang buhay. 9 Kapag may sakit ka, aling doktor ang pipiliin mo? Ang isa na nagmamadali at nagrereseta agad para matingnan ang susunod na pasyente? O ang isa na nakikinig na mabuti, nagpapaliwanag kung ano ang posibleng sakit mo, at nagsasabi kung paano ka maaaring gamutin? 10 Kaya naman ang mga elder ay nakikinig sa isang maysakit sa espirituwal at tumutulong sa paggamot sa sugat, na para bang pinapahiran siya ng langis sa pangalan ni Jehova. (Basahin ang Santiago 5:14, 15.) Gaya ng balsamo sa Gilead, ang Salita ng Diyos ay nakagiginhawa sa maysakit. (Jer. 8:22; Ezek. 34:16) Ang pagkakapit ng mga simulain sa Bibliya ay makatutulong sa mahihina para muling lumakas sa espirituwal. Oo, malaki ang maitutulong ng mga elder kung pakikinggan nila ang ikinababahala ng may-sakit na tupa at mananalanging kasama niya. Hindi Napipilitan Kundi Maluwag sa Kalooban 11 Ipinaalaala rin ni Pedro sa matatandang lalaki kung ano ang dapat at di-dapat na maging saloobin kapag nagpapastol sa kawan ng Diyos. Dapat itong gawin ng mga elder nang hindi napipilitan, kundi maluwag sa kalooban. Ano ang nag-uudyok sa kanila na maglingkod sa mga kapatid nang maluwag sa kalooban? Ano nga ba ang nag-udyok kay Pedro para pastulan at pakainin ang mga tupa ni Jesus? Ang kaniyang pag-ibig sa Panginoon. (Juan 21:15-17) Dahil sa pag-ibig, ang mga elder ay hindi na nabubuhay pa para sa kanilang sarili, kundi para sa kaniya na namatay para sa kanila. (2 Cor. 5: 14, 15) Ang pag-ibig na ito, kalakip ang pag-ibig nila sa Diyos at sa kanilang mga kapatid, ang nag-uudyok sa mga elder na maglingkod sa kawan, anupat handang gamitin ang kanilang lakas, pera, at panahon para magawa iyon. (Mat. 22:37-39) Nagsasakripisyo sila nang hindi napipilitan, kundi maluwag sa kalooban.
9, 10. Paano dapat asikasuhin ng mga elder ang mga maysakit sa espirituwal? 11. Ano ang nag-uudyok sa mga elder na magpastol sa kawan ng Diyos nang maluwag sa kalooban?
Hanggang saan dapat ipakita ng mga elder ang pagiging mapagsakripisyo? Sa pangangalaga sa mga tupa, tinutularan nila si apostol Pablo, kung paanong tinularan niya si Jesus. (1 Cor. 11:1) Dahil sa magiliw na pagmamahal sa mga kapatid sa Tesalonica, nalugod si Pablo at ang kaniyang mga kasama na ibahagi sa kanila hindi lamang ang mabuting balita ng Diyos, kundi gayundin ang kanilang sariling mga kaluluwa. Sa paggawa nito, sila ay banayad na gaya ng isang nagpapasusong ina na nag-aaruga ng kaniyang sariling mga anak. (1 Tes. 2:7, 8) Nauunawaan ni Pablo ang damdamin ng isang nagpapasusong ina sa anak nito. Gagawin nito ang lahat para sa kaniyang anak, anupat bumabangon kahit hatinggabi para pasusuhin ito. 13 Kailangang maging timbang ang mga elder sa kanilang mga pananagutan bilang pastol at sa mga obligasyon nila sa kanilang pamilya. (1 Tim. 5:8) Ang panahong ginugugol ng mga elder para sa kongregasyon ay mahalagang panahon na para sana sa kanilang pamilya. Ang isang paraan para maging timbang ay ang pagaanyaya sa iba na sumama paminsan-minsan sa kanilang Pampamilyang Pagsamba. Ganiyan ang ginawa ni Masanao, isang elder sa Japan. Sa nakalipas na mga taon, inanyayahan niyang sumama sa pag-aaral ng kanilang pamilya ang mga binatat dalaga at ang mga pamilyang may ama na hindi Saksi. Nang maglaon, ang ilang natulungan ni Masanao ay naging mga elder at tumulad sa kaniyang magandang halimbawa.
12
Iwasan ang Di-tapat na Pakinabang Pastulan ang Kawan Nang May Pananabik 14 Hinimok din ni Pedro ang matatanda na pastulan ang kawan hindi dahil sa pag-ibig sa di-tapat na pakinabang, kundi may pananabik. Ang gawain ng mga elder ay umuubos ng
12. Hanggang saan ipinakita ni Pablo ang pagiging mapagsakripisyo? 13. Sa ano dapat na maging timbang ang mga elder? 14, 15. Bakit dapat magbantay ang mga elder laban sa pag-ibig sa di-tapat na pakinabang, at paano nila matutularan si Pablo sa bagay na ito?
22
malaking panahon, pero hindi sila naghihintay ng kabayaran. Nakita ni Pedro na kailangang mabigyan ng babala ang kapuwa niya matatanda tungkol sa panganib na magpastol sa kawan dahil sa pag-ibig sa di-tapat na pakinabang. Kitang-kita ang panganib na ito sa maluhong pamumuhay ng mga lider ng relihiyon ng Babilonyang Dakila samantalang naghihirap naman ang maraming tao. (Apoc. 18:2, 3) Dapat magbantay ang mga elder sa ngayon laban sa ganitong tendensiya. 15 Nagpakita si Pablo ng magandang halimbawa para sa mga elder. Bagaman isa siyang apostol at puwedeng maging magastos na pasanin para sa mga Kristiyano sa Tesalonica, hindi siya kumain ng pagkain mula sa sinuman nang walang bayad. Sa halip, siyay nagtrabaho at nagpagal gabi at araw. (2 Tes. 3:8) Maraming elder sa ngayon, kasama na ang mga naglalakbay na tagapangasiwa, ang nagpapakita ng magandang halimbawa sa bagay na ito. Bagaman tinatanggap nila ang paglalaan ng mga kapatid, hindi sila naglalagay ng magastos na pasanin sa sinuman.1 Tes. 2:9. 16 Ang mga elder ay nagpapastol sa kawan nang may pananabik. Makikita ito sa kanilang mapagsakripisyong saloobin sa pagtulong sa kawan. Gayunman, hindi nila pinipilit ang kawan na maglingkod kay Jehova, ni hinihimok man nilang gawin ito ng kawan para lang makipagpaligsahan. (Gal. 5:26) Nauunawaan ng mga elder na magkakaiba ang mga tupa. Nasasabik silang tulungan ang mga kapatid na maglingkod kay Jehova nang may kagalakan. Hindi Namamanginoon sa Kawan Kundi Nagpapakita ng Halimbawa 17 Gaya ng natalakay na, dapat tandaan ng mga elder na ang kawan na pinapastulan nila ay pag-aari ng Diyos at hindi kanila. Iniiwasan nilang mamanginoon sa mga mana ng Diyos. (Basahin ang 1 Pedro 5:3.) May mga pagkaka16. Ano ang ibig sabihin ng pagpapastol sa kawan nang may pananabik? 17, 18. (a) Bakit may mga pagkakataong nahirapan ang mga apostol na unawain ang turo ni Jesus tungkol sa kapakumbabaan? (b) Anong sitwasyon ang posibleng katulad nito sa ngayon?
taong nagsikap umabot ng mga pribilehiyo ang mga apostol ni Jesus, pero mali ang kanilang motibo. Gaya ng mga namamahala sa mga bansa, gusto nilang magkaroon ng prominenteng posisyon.Basahin ang Marcos 10:42-45. 18 Sa ngayon, dapat suriin ng mga brother na umaabot sa katungkulan ng tagapangasiwa kung ano ang kanilang motibo. (1 Tim. 3:1) Nanaisin naman ng mga elder na tapatang suriin ang kanilang sarili kung naghahangad silang magkaroon ng awtoridad o maging prominente gaya ng ilang apostol. Kung ang mga apostol ay nagkaproblema sa bagay na ito, mauunawaan ng mga elder kung bakit dapat din silang magpunyaging alisin ang makasanlibutang tendensiya na maghangad ng awtoridad sa iba. 19 Totoo, kung minsan ay kailangang maging matatag ang mga elder, halimbaway kapag pinoprotektahan ang kawan laban sa mapaniil na mga lobo. (Gawa 20:28-30) Sinabi ni Pablo kay Tito na magpatuloy sa pagpapayo at pagsaway taglay ang lubos na awtoridad. (Tito 2:15) Gayunman, kahit kailangan nilang gumawa ng gayong aksiyon, sinisikap ng mga elder na bigyang-dangal ang mga nasasangkot. Alam nila na para maabot nila ang puso ng isa at maudyukan siyang tumahak sa matuwid na landas, kabaitan ang kailangan at hindi kabagsikan.
20 Ang magandang halimbawa ni Kristo ay nag-uudyok sa mga elder na ibigin ang kawan. (Juan 13:12-15) Naaantig ang puso natin habang binabasa kung paano niya tinuruan ang mga alagad na mangaral at gumawa ng alagad.
19. Ano ang dapat tandaan ng mga elder kapag gumagawa ng aksiyon para protektahan ang kawan? 20. Paano matutularan ng mga elder ang pagpapakita ni Jesus ng magandang halimbawa?
Bilang Repaso Bakit angkop na paalalahanan ni Pedro ang kapuwa niya matatanda na pastulan ang kawan ng Diyos na nasa kanilang pangangalaga? Paano dapat pastulan ng mga elder ang mga maysakit sa espirituwal? Ano ang nag-uudyok sa mga elder na pastulan ang kawan ng Diyos na nasa kanilang pangangalaga?
23
Ang kaniyang kapakumbabaan ay nakaantig sa puso ng mga alagad niya, anupat napakilos silang tumahak sa landasing nagpapakita ng kababaan ng pag-iisip na itinuturing na ang iba ay nakatataas sa kanila. (Fil. 2:3) Ang mga elder sa ngayon ay napakikilos ding tularan ang halimbawa ni Jesus, at nais naman nilang maging halimbawa sa kawan. 21 Tinapos ni Pedro ang pagpapayo sa matatandang lalaki sa pamamagitan ng pagtukoy sa
21. Anong gantimpala ang maaasahan ng mga elder?
isang pangako. (Basahin ang 1 Pedro 5:4.) Ang pinahirang mga tagapangasiwa ay tatanggap ng di-kumukupas na korona ng kaluwalhatian sa langit kasama ni Kristo. Ang mga katulong na pastol naman na kabilang sa ibang mga tupa ay magkakaroon ng pribilehiyong magpastol sa kawan ng Diyos sa lupa sa ilalim ng pamamahala ng punong pastol. (Juan 10:16) Tatalakayin sa susunod na artikulo ang mga paraan kung paano makikipagtulungan sa kanila ang mga miyembro ng kongregasyon.
ISAALANG-ALANG YAONG MGA NAGPAPAGAL SA GITNA NINYO

Isaalang-alang yaong mga nagpapagal sa gitna ninyo at namumuno sa inyo sa Panginoon at nagpapaalaala sa inyo.1 TES. 5:12.
SIPING kabilang ka sa unang-siglong kongregasyon sa Tesalonica, isa sa mga unang itinatag sa Europa. Gumugol si apostol Pablo ng maraming panahon para patibayin ang mga kapatid doon. Maaaring nag-atas siya ng matatandang lalaking mangunguna, gaya ng ginawa niya sa ibang mga kongregasyon. (Gawa 14:23) Pero nang maitatag ang kongregasyon, ang mga Judio ay bumuo ng pangkat ng mga mang-uumog para mapaalis sina Pablo at Silas. Malamang na inisip ng mga Kristiyanong naiwan doon na wala na silang masasandigan, at silay natakot. 2 Kaya naman mauunawaan natin kung bakit nag-aalala si Pablo nang iwan niya ang bagong-tatag na kongregasyon sa Tesalonica. Ti-
nangka niyang bumalik, pero humarang si Satanas sa kaniyang landas. Kaya isinugo niya si Timoteo para patibayin ang kongregasyon. (1 Tes. 2:18; 3:2) Nang mag-uwi si Timoteo ng mabuting ulat, napasigla si Pablo na sulatan ang mga taga-Tesalonica. Kasama sa mga isinulat ni Pablo ang payo na isaalang-alang yaong mga namumuno sa kanila.Basahin ang 1 Tesalonica 5:12, 13. 3 Ang mga kapatid na nangunguna sa mga Kristiyano sa Tesalonica ay mga baguhan kung ikukumpara kay Pablo at sa mga kasama niyang naglalakbay. Hindi pa rin sila gaanong makaranasan kung ihahambing sa matatanda sa Jerusalem. Wala pa kasing isang taon ang kongregasyon! Pero angkop lang na pahalaga3. Ano ang mga dahilan ng mga Kristiyano sa Tesalonica para bigyan ng higit pa kaysa di-pangkaraniwang konsiderasyon ang matatandang lalaki?
1, 2. (a) Ano ang sitwasyon ng kongregasyon sa Tesalonica nang una silang sulatan ni Pablo? (b) Ano ang ipinayo ni Pablo sa mga taga-Tesalonica?
24
han ng mga miyembro ng kongregasyon ang matatandang lalaking ito, na nagpapagal at namumuno sa kongregasyon at nagpapaalaala sa mga kapatid. Oo, may mabuting dahilan sila para bigyan [ang matatanda] ng higit pa kaysa di-pangkaraniwang konsiderasyon sa pag-ibig. Ang kahilingang ito ni Pablo ay sinundan ng payo na makipagpayapaan sa isat isa. Kung naroon ka sa Tesalonica noon, lubusan mo kayang pahahalagahan ang ginagawa ng matatanda? Ano ang pangmalas mo sa kaloob na mga tao na inilaan ng Diyos sa kongregasyon sa pamamagitan ni Kristo?Efe. 4:8. Nagpapagal Nang makaalis na sina Pablo at Silas patungong Berea, paano nagpagal ang matatandang lalaki sa Tesalonica? Bilang pagtulad kay Pablo, tiyak na nagturo sila sa kongregasyon gamit ang Kasulatan. Pinahahalagahan ba ng mga Kristiyano sa Tesalonica ang Salita ng Diyos? baka maitanong mo. Binabanggit kasi sa Bibliya na higit na mararangal ang pag-iisip ng mga [taga-Berea] kaysa roon sa mga nasa Tesalonica, anupat maingat na sinusuri ang Kasulatan sa araw-araw. (Gawa 17:11) Gayunman, ang tinutukoy rito ay ang mga Judiong taga-Tesalonica sa pangkalahatan, hindi ang mga Kristiyano roon. Tinanggap ng mga naging mananampalataya roon ang salita ng Diyos, hindi bilang salita ng mga tao, kundi bilang ang salita ng Diyos. (1 Tes. 2:13) Tiyak na nagpagal ang matatandang lalaking iyon para mapakain sa espirituwal ang kongregasyon. 5 Sa ngayon, ang tapat at maingat na alipin ay naglalaan ng pagkain sa tamang panahon para sa kawan ng Diyos. (Mat. 24:45) Sa pangangasiwa ng uring alipin, ang mga elder ay nagpapagal para mapakain sa espirituwal ang kanilang mga kapatid. Ang mga miyembro ng kongregasyon ay maaaring sagana sa saligBibliyang literatura, at sa ilang wika, may makukuha silang Watch Tower Publications Index
4
at Watchtower Library sa CD-ROM. Para matugunan ang espirituwal na pangangailangan ng kongregasyon, ang mga elder ay gumugugol ng maraming oras sa paghahanda ng mga bahagi sa pulong upang maiharap ito sa epektibong paraan. Naisip mo na ba kung gaano kahabang panahon ang ginugugol ng mga elder sa paghahanda ng mga bahagi sa mga pulong, asamblea, at kombensiyon? 6 Naaalaala ng matatandang lalaki sa Tesalonica ang halimbawang ipinakita ni Pablo sa pagpapastol sa kawan. Hindi lang siya naobligang gawin ito. Gaya ng tinalakay sa naunang artikulo, si Pablo ay naging banayad . . . , gaya ng isang nagpapasusong ina na nag-aaruga ng kaniyang sariling mga anak. (Basahin ang 1 Tesalonica 2:7, 8.) Handa pa nga niyang ibahagi ang kaniyang sariling kaluluwa! Dapat siyang tularan ng matatandang lalaki sa Tesalonica. 7 Bilang pagtulad kay Pablo, inaalagaan ng mga Kristiyanong pastol sa ngayon ang kawan. Maaaring may mga kapatid na hindi likas na palakaibigan. Gayunman, sinisikap pa rin ng mga elder na maging maunawain at makasumpong ng mabuti sa kanila. (Kaw. 16:20) Palibhasay di-sakdal, maaaring mahirap sa isang elder na magkaroon ng positibong pangmalas sa bawat kapatid. Pero habang ginagawa niya ang buong makakaya na maging banayad sa lahat, hindi ba dapat siyang papurihan sa pagsisikap niyang maging mahusay na pastol sa ilalim ni Kristo? 8 Tayong lahat ay may dahilan para maging mapagpasakop sa mga elder. Gaya ng isinulat ni Pablo, nagbabantay sila sa ating mga kaluluwa. (Heb. 13:17) Ipinaaalaala niyan sa atin ang isang pastol na hindi natutulog para protektahan ang kaniyang kawan. Sa katulad na paraan, ang mga elder sa ngayon ay napupuyat din sa pagtulong sa mga may
6, 7. (a) Anong halimbawa ni Pablo ang tinularan ng matatandang lalaki sa Tesalonica? (b) Bakit maaaring maging hamon sa mga elder sa ngayon na tularan si Pablo? 8, 9. Paano masasabing ang mga elder sa ngayon ay nagbabantay sa ating mga kaluluwa?
4, 5. Bakit isang pagpapagal para sa matatandang lalaki noong panahon ni Pablo ang pagtuturo sa kongregasyon? Bakit ganiyan din ang sitwasyon sa ngayon?
25
problema sa kalusugan, emosyon, o espirituwalidad. Halimbawa, ang mga brother na kasama sa Hospital Liaison Committee ay ginigising kapag may emergency. Talagang pinahahalagahan natin ang kanilang tulong kapag napapaharap tayo sa gayong sitwasyon! 9 Ang mga elder sa mga Regional Building Committee at sa mga relief committee ay nagpapagal sa pagtulong sa mga kapatid. Karapatdapat sila sa ating buong-pusong pagsuporta! Kuning halimbawa ang ginawang pagtulong nang humagupit ang Bagyong Nargis sa Myanmar noong 2008. Para makarating sa Kongregasyon ng Bothingone sa nasalantang rehiyon ng Irrawaddy Delta, ang relief team ay dumaan sa lugar kung saan nagkalat ang mga bangkay. Nang makita ng mga kapatid ang unang relief team na dumating sa Bothingone kasama ang dati nilang tagapangasiwa ng sirkito, napasigaw sila: Nandito ang circuit overseer natin! Iniligtas tayo ni Jehova! Ipinagpapasalamat mo ba na araw at gabing nagpapagal ang mga elder? Ang ilang elder ay inaatasang maglingkod bilang miyembro ng mga espesyal na komite para humawak ng mabibigat na hudisyal na kaso. Hindi nila ipinagmamalaki ang kanilang nagagawa. Pero talagang pinahahalagahan ng mga natutulungan nila ang kanilang paglilingkod.Mat. 6:2-4. 10 Maraming elder sa ngayon ang nagaasikaso ng iba pang mga gawain. Halimbawa, ang koordineytor ng lupon ng matatanda ang gumagawa ng iskedyul ng mga pulong. Ang kalihim ng kongregasyon ang nag-aasikaso sa buwanan at taunang ulat ng paglilingkod sa larangan. Ang tagapangasiwa ng paaralan naman ang gumagawa ng iskedyul ng paaralan. Tuwing ikatlong buwan, ino-audit ang account ng kongregasyon. Binabasa ng mga elder ang mga liham mula sa tanggapang pansangay at sinusunod ang mga tagubiling nagtataguyod ng pagkakaisa sa pananampalataya. (Efe. 4: 3, 13) Dahil sa pagsisikap ng masisipag na elder, nagaganap ang lahat ng bagay nang disente at ayon sa kaayusan.1 Cor. 14:40.
10. Anong mga gawain ng mga elder ang di-gaanong napapansin ng mga mamamahayag?
Namumuno sa Inyo Sinabi ni Pablo na ang masisipag na matatandang lalaki sa Tesalonica ay namumuno sa kongregasyon. Sa orihinal na wika, ang salitang ito ay nagpapahiwatig ng pagtayo sa harap at maisasaling nangangasiwa; nangunguna. (1 Tes. 5:12; tlb. sa Reference Bible) Sinabi rin ni Pablo na ang matatandang iyon ay nagpapagal. Hindi isang punong tagapangasiwa ang tinutukoy niya kundi ang lahat ng matatandang lalaki sa kongregasyon. Sa ngayon, ang karamihan sa mga elder ay tumatayo sa harap ng kongregasyon at nangangasiwa sa mga pulong. Ang bagong terminong koordineytor ng lupon ng matatanda ay tumutulong sa atin na ituring ang lahat ng elder bilang mga miyembro ng nagkakaisang lupon. 12 Ang pamumuno sa kongregasyon ay hindi lang basta pagtuturo. Ginamit din ang salitang namumuno sa 1 Timoteo 3:4. Sinabi ni Pablo na ang tagapangasiwa ay dapat na isang lalaking namumuno sa kaniyang sariling sambahayan sa mahusay na paraan, [na] may mga anak na nagpapasakop nang buong pagkaseryoso. Dito, ang terminong pamumuno ay maliwanag na sumasaklaw hindi lang sa pagtuturo sa kaniyang mga anak kundi pati sa pangunguna sa pamilya at sa pagkakaroon ng mga anak na nagpapasakop. Oo, ang mga elder ay nangunguna sa kongregasyon, anupat tinutulungan ang lahat na magpasakop kay Jehova.1 Tim. 3:5. 13 Para makapamunong mabuti sa kawan, pinag-uusapan ng mga elder kung paano pangangalagaan ang kongregasyon. Baka nga mas mabilis kung isang elder lang ang gagawa ng lahat ng desisyon. Pero bilang pagsunod sa halimbawa ng unang-siglong lupong tagapamahala, malayang pinag-uusapan ng mga lupon ng matatanda ang mga bagay-bagay gamit ang Kasulatan. Tunguhin nilang ikapit ang mga simulain ng Bibliya sa pangangaila11
11, 12. Sino ang namumuno sa kongregasyon, at ano ang nasasangkot dito? 13. Sa kanilang miting, bakit maaaring gumugol ang mga elder ng mahabang panahon bago makabuo ng desisyon?
26
ngan ng kongregasyon. Mabisa itong magagawa kung ang bawat elder ay maghahanda para sa kanilang miting, anupat isinasaalang-alang ang Kasulatan at mga tagubilin ng uring tapat at maingat na alipin. Siyempre pa, gugugol ito ng panahon. Kapag magkakaiba sila ng opinyon, gaya ng nangyari noong pag-usapan ng unang-siglong lupong tagapamahala ang tungkol sa pagtutuli, baka kailangan ang karagdagang panahon at pagsasaliksik para makabuo ng desisyon salig sa Kasulatan.Gawa 15: 2, 6, 7, 12-14, 28. 14 Ano kaya ang mangyayari kung ipipilit ng isang elder ang gusto niya o hihikayatin niya ang iba na pumanig sa kaniyang mga ideya? O paano kung may maghasik ng pagkakabahabahagi, gaya ng ginawa ni Diotrepes noon? (3 Juan 9, 10) Siguradong maaapektuhan ang buong kongregasyon. Kung tinangka ni Sata14. Pinahahalagahan mo ba ang pagkakaisa ng lupon ng matatanda? Bakit?
nas na guluhin ang unang-siglong kongregasyon, tiyak na gusto rin niyang sirain ang kapayapaan ng kongregasyon sa ngayon. Baka gamitin niya ang makasariling tendensiya ng tao, gaya ng paghahangad na maging prominente. Kaya naman kailangang linangin ng mga elder ang kapakumbabaan at gumawang magkakasama bilang nagkakaisang lupon. Talagang pinahahalagahan natin ang kapakumbabaan ng mga elder na nagtutulungan bilang isang lupon! Nagpapaalaala sa Inyo Pagkatapos, itinampok ni Pablo ang isang mahirap pero mahalagang gawain ng matatandang lalaki: ang pagpapaalaala sa kawan. Sa Kristiyanong Griegong Kasulatan, si Pablo lang ang gumamit ng isang terminong Griego na isinaling paalalahanan. Maaari
15
15. Ano ang motibo ng mga elder kapag nagpapayo sa mga kapatid?
Pinahahalagahan mo ba ang ibat ibang paraan ng pagpapastol ng mga elder sa kongregasyon?
itong tumukoy sa mariing payo pero hindi nagpapahiwatig ng galit. (Gawa 20:31; 2 Tes. 3:15) Halimbawa, sumulat si Pablo sa mga taga-Corinto: Isinusulat ko ang mga bagay na ito, hindi upang hiyain kayo, kundi upang paalalahanan kayo bilang minamahal kong mga anak. (1 Cor. 4:14) Maibiging pagmamalasakit ang motibo niya sa pagpapayo. 16 Laging isinasaisip ng mga elder na mahalaga ang paraan ng kanilang pagpapayo. Sinisikap nilang tularan ang pagiging mabait, maibigin, at matulungin ni Pablo. (Basahin ang 1 Tesalonica 2:11, 12.) Siyempre pa, ang mga elder ay nanghahawakang mahigpit sa tapat na salita upang magawa nilang magpayo sa pamamagitan ng turo na nakapagpapalusog. Tito 1:5-9. 17 Sabihin pa, ang mga elder ay di-sakdal at posibleng makapagsalita ng mga bagay na pagsisisihan nila sa bandang huli. (1 Hari 8:46; Sant. 3:8) Bukod diyan, alam ng mga elder na para sa mga kapatid, ang pagtanggap ng payo ay karaniwan nang hindi nakagagalak, kundi nakapipighati. (Heb. 12:11) Kaya malamang na nagbubulay-bulay muna ang mga elder at nananalangin bago lapitan ang isang kapatid para paalalahanan ito. Kapag pinaalalahanan ka ng isang elder, pahahalagahan mo ba ang kaniyang maibiging pagmamalasakit?
16. Ano ang makabubuting isaisip ng mga elder kapag nagpapayo? 17, 18. Ano ang dapat mong tandaan kapag pinapayuhan ka ng isang elder?
Ipagpalagay nang mayroon kang sakit na hindi matukoy. Pero may isang doktor na nakapagsabi kung ano talaga ang problema mo. Kaya lang, parang ang hirap tanggapin ng diyagnosis niya. Maghihinanakit ka ba sa doktor na iyon? Siyempre, hindi! Sa katunayan, kapag inirekomenda niyang magpaopera ka, malamang na papayag ka dahil naniniwala kang para sa kabutihan mo iyon. Maaaring sumama ang loob mo sa paraan ng pakikipag-usap ng doktor, pero dapat bang makaapekto iyon sa desisyon mo? Malamang na hindi. Sa katulad na paraan, huwag mong tanggihan ang payo ng mga elder dahil lang sa hindi mo nagustuhan ang kanilang paraan ng pagpapayo. Ginagamit sila ni Jehova at ni Jesus para tulungan kang maprotektahan ang iyong espirituwalidad.
18
Natatandaan Mo Ba? Bakit dapat pahalagahan ng mga Kristiyano sa Tesalonica ang mga nangunguna sa kanila? Paano nagpapagal para sa iyo ang mga elder sa inyong kongregasyon? Paano ka nakikinabang sa pamumuno ng mga elder? Kapag pinaaalalahanan ka ng isang elder, ano ang dapat mong tandaan?
Pahalagahan ang mga Elder na Inilalaan ni Jehova 19 Ano ang gagawin mo kapag nakatanggap ka ng isang kaloob na ginawa para sa iyo? Gagamitin mo ba iyon para ipakita ang iyong pagpapahalaga? Naglaan sa iyo si Jehova ng kaloob na mga tao sa pamamagitan ni Jesu-Kristo. Ang isang paraan para ipakitang nagpapahalaga ka ay ang pakikinig na mabuti sa mga pahayag ng mga elder at ang pagsisikap na ikapit ang mga puntong binanggit nila. Maipakikita mo rin ito sa pamamagitan ng pagbibigay ng magagandang komento sa pulong. Suportahan ang gawaing pinangungunahan ng mga elder, gaya ng ministeryo sa larangan. Kung nakinabang ka sa payo ng isang elder, puwede mo itong sabihin sa kaniya. Bukod diyan, puwede mong ipakita ang iyong pagpapahalaga sa pamilya ng mga elder. Tandaan, kapag nagpapagal ang isang elder sa kongregasyon, isinasakripisyo ng kaniyang pamilya ang panahon na para sana sa kanila. 20 Oo, marami tayong dahilan para pahalagahan ang mga elder, na nagpapagal para sa atin, namumuno sa atin, at nagpapaalaala sa atin. Talagang isang maibiging paglalaan ni Jehova ang gayong kaloob na mga tao!
19, 20. Paano mo maipakikita ang pagpapahalaga sa kaloob na mga tao?
28
Gawing Matagumpay ang Iyong Lakad
Paano?
T
AGUMPAYisang napakagandang salita! Ang ilan ay nagkaroon ng mataas na posisyon sa trabaho, yumaman, at naging tanyag. Ang iba naman ay nangarap na magtagumpay pero nabigo. Ang tagumpay ay nakadepende nang malaki sa kung saan nakapokus ang iyong buhay. Nakadepende rin ito sa paraan ng paggamit mo ng iyong panahon at lakas at sa iyong pagkukusa. Napatunayan ng maraming Kristiyano na ang lubusang pakikibahagi sa ministeryo ay nagdudulot ng malaking kasiyahan. Ang buong-panahong paglilingkod ay nakatulong sa matatandat bata na maging matagumpay. Pero para sa ilan, ang ministeryo ay nakababa got kung kaya umaabot sila ng ibang mga tunguhin at pangalawahin na lang sa kanilang buhay ang ministeryo. Bakit kaya? Ano ang puwede mong gawin para hindi mawala ang iyong pokus sa mga bagay na talagang mahalaga? At paano mo gagawing matagumpay ang iyong lakad?Jos. 1:8. Mga Extracurricular Activity at Libangan Ang mga kabataang Kristiyano ay kailangang maging timbang pagdating sa paglilingkod sa tunay na Diyos at sa iba pang mga gawain. Ang ganitong mga kabataan ay magtatagumpay sa buhay at nararapat papurihan. Gayunman, ang ilang kabataang Kristiyano ay masyadong naging abala sa mga extracurricular activity at libangan. Hindi naman masama ang gayong mga gawain. Pero
dapat itanong ng mga kabataan sa kanilang sarili: Gaano kalaking panahon ang mauubos ko sa mga gawaing iyon? Sinu-sino ang makakahalubilo ko? Anong saloobin nila ang maaaring makaimpluwensiya sa akin? At ano ang posibleng maging pangunahin sa buhay ko? Malamang na alam mong posibleng mawili nang husto ang isang tao sa gayong mga gawain, anupat kaunti na lang ang panahon o lakas na matitira para sa espirituwal na mga bagay. Talagang mahalagang magtakda ng mga priyoridad.Efe. 5:15-17. Pag-isipan ang nangyari kay Wiktor.1 Ikinuwento niya: Noong 12 anyos ako, sumali ako sa isang volleyball club. Di-nagtagal, humakot ako ng premyo at parangal. Nagkaroon ako ng pagkakataong sumikat. Nang maglaon, nabahala si Wiktor dahil nakaaapekto na ito sa kaniyang espirituwalidad. May pagkakataon pa nga na nakatulog siya habang nagbabasa ng Bibliya. Napansin din niya na hindi na siya gaanong masaya sa paglilingkod sa larangan. Inuubos ng isport ang aking lakas at di-nagtagal, napansin kong tinatabangan na rin ako sa espirituwal na gawain. Alam kong hindi ko na ginagawa ang aking buong makakaya. Mataas na Edukasyon? Sinasabi ng Bibliya na obligasyon ng isang Kristiyano na pangalagaan ang kaniyang pamilya, at kasama rito ang paglalaan ng kanilang materyal na pangangailangan. (1 Tim. 5:8) Pero talaga bang kailangang makatapos sa kolehiyo o unibersidad para magawa iyan? Makabubuting pag-isipan kung ano ang maaaring maging epekto ng pagkuha ng mataas na edukasyon sa kaugnayan ng isa kay Jehova. Talakayin natin ang isang halimbawa sa Bibliya. Si Baruc ay kalihim ni propeta Jeremias.
1 Binago ang ilang pangalan. ANG BANTAYAN HUNYO 15, 2011
29
at lakas sa pagkuha ng karagdagang edukasyon para lang matupad ang mga pangarap mo o ng iyong mga magulang o mga kamag-anak? Kuning halimbawa si Grzegorz, isang computer programmer. Udyok ng mga kasamahan niya, kumuha siya ng kurso para sa karagdagang espesyal na pagsasanay. Di-nagtagal, nawalan na siya ng panahon sa espirituwal na mga gawain. Sinabi niya: Hindi ako mapanatag. Nakokonsiyensiya ako dahil hindi ko maabot ang aking espirituwal na mga tunguhin. Subsob sa Trabaho Pinapayuhan ng Bibliya ang mga tunay na Kristiyano na maBinabalaan ni Jehova si Baruc tungkol sa pag-aambisyon ging masipag at responsableng mga empleado at amo. Sumulat si apostol PaMay panahon na sa halip na magtuon ng panblo: Anuman ang inyong ginagawa, gawin sin sa mga pribilehiyo niya sa paglilingkod kay Jehova, nag-ambisyon si Baruc. Napansin ninyo ito nang buong kaluluwa na gaya ng ito ni Jehova at binabalaan siya sa pamamagikay Jehova, at hindi sa mga tao. (Col. 3: tan ni Jeremias: Patuloy kang humahanap 22, 23) Magandang katangian ang kasipagan, ng mga dakilang bagay para sa iyong sarili. pero mayroon pang kailanganang mabuHuwag ka nang maghanap.Jer. 45:5. ting kaugnayan sa ating Maylalang. (Ecles. 12:13) Kung ang isang Kristiyano ay subsob sa Anong mga dakilang bagay ang patuloy trabaho, malamang na maging pangalawahin na hinahanap ni Baruc? Maaaring natukso na lang sa kaniya ang espirituwal na mga gasiyang maging tanyag sa Judiong sistema ng wain. mga bagay. O baka naghangad siyang yumaman. Anuman ang nasa isip niya, nawala na Bukod diyan, baka manghina siya, hindi na ang kaniyang pokus sa mga bagay na higit na makapanatiling timbang sa espirituwal, at mahalagaang espirituwal na mga bagay. (Fil. mapabayaan ang kaniyang pamilya. Sinabi ni 1:10) Gayunman, maliwanag na pinakinggan Haring Solomon na ang dalawang dakot ng ni Baruc ang babala ni Jehova at sa gayoy napagpapagal ay kadalasan nang paghahabol kaligtas nang mawasak ang Jerusalem.Jer. sa hangin. Kung masyadong abala sa trabaho 43:6. ang isang Kristiyano, maaaring mauwi iyon sa matinding stress na nagtatagal. Maaari pa Ano ang matututuhan natin dito? Makikita nga siyang maging alipin ng kaniyang trabasa ipinayo kay Baruc na may problema siya. ho at maubusan ng lakas. Kapag nangyari Naghahangad siya ng mga dakilang bagay iyan, puwede pa kaya siyang magsaya at magpara sa kaniyang sarili. Kung nasusuportahan tamasa ng kabutihan dahil sa lahat ng kanimo naman ang iyong sarili, talaga bang kailayang pagpapagal? (Ecles. 3:12, 13; 4:6) At ang ngan mo pang gumugol ng panahon, pera,
30
mas mahalaga, may matitira pa kaya siyang pisikal at emosyonal na lakas para sa kaniyang pamilya at sa espirituwal na mga gawain? Si Janusz, taga-Silangang Europa, ay masyadong naging abala sa kaniyang negosyo. Sinabi niya: Hanga sa akin ang mga tao dahil maabilidad ako at natatapos ko ang lahat ng trabaho ko. Pero naapektuhan ang espirituwalidad ko at hindi na ako nakapaglilingkod
sa larangan. Di-nagtagal, tumigil na rin ako sa pagdalo sa pulong. Lumaki ang ulo ko kaya bale-wala na sa akin ang payo ng mga elder at lumayo na ako sa kongregasyon. Maaari Mong Gawing Matagumpay ang Iyong Buhay Tinalakay natin ang tatlong pitak na maaaring pagkaabalahan ng isang Kristiyano at makasira sa kaniyang espirituwalidad.
Paano Mo Gagawing Matagumpay ang Iyong Lakad?

Yamang napakaraming pang-abala sa ngayon, ano ang dapat mong gawin para hindi mawala ang iyong pokus sa mga bagay na talagang mahalaga? Suriin ang iyong mga motibo at priyoridad sa pamamagitan ng sumusunod na mga tanong: MGA EXTRACURRICULAR ACTIVITY AT LIBANGAN Gaano kalaking panahon ang mauubos mo rito? Posible kayang ito ang maging sentro ng iyong buhay? Inaagaw ba nito ang panahon mo na datiy para sa espirituwal na mga gawain? Sinu-sino ang makakahalubilo mo, at anong saloobin nila ang maaaring makaimpluwensiya sa iyo? Mas masaya ka bang kasama sila kaysa sa mga kapatid? MATAAS NA EDUKASYON Kung nasusuportahan mo naman ang iyong sarili, talaga bang kailangan mo pang gumugol ng panahon, pera, at lakas para sa karagdagang edukasyon? Para masuportahan ang iyong sarili, talaga bang kailangan mong makatapos sa kolehiyo o unibersidad? Ano ang magiging epekto nito sa iyong pagdalo sa mga pulong? Natiyak mo na ba ang mga bagay na higit na mahalaga? Kailangan mo bang patibayin ang iyong pagtitiwala sa kakayahan ni Jehova na maglaan para sa iyo? TRABAHO Sa pinili mong trabaho, may panahon ka pa bang magsaya at magtamasa ng kabutihan dahil sa lahat ng iyong pagpapagal? May natitira ka pa bang pisikal at emosyonal na lakas para sa pamilya at sa espirituwal na mga gawain? Naglalaan ka ba ng sapat na panahon para makipag-usap sa iyong pamilya? Subsob ka ba sa trabaho anupat napapabayaan mo na ang espirituwal na mga bagay? Naaapektuhan ba nito ang kalidad ng iyong mga bahagi sa pulong?
Naaapektuhan ka ba ng alinman sa mga ito? Kung gayon, ang sumusunod na mga tanong, teksto, at komento ay makatutulong sa iyo para makatiyak na magtatagumpay ka. Mga extracurricular activity at libangan: Gaano ka kaabala sa mga ito? Inaagaw ba nito ang panahon mo na datiy para sa espirituwal na mga gawain? Tinatabangan ka na bang makisama sa mga kapatid? Kung oo, bakit hindi mo tularan si Haring David, na nagsumamo kay Jehova: Ipaalam mo sa akin ang daan na dapat kong lakaran.Awit 143:8. Isang naglalakbay na tagapangasiwa ang tumulong kay Wiktor, na binanggit sa pasimula. Sinabi sa kaniya ng tagapangasiwa: Wala ka na yatang bukambibig kundi volleyball. Bigla akong natauhan, ang sabi ni Wiktor. Napag-isip-isip kong hindi na pala ako timbang. Di-nagtagal, iniwasan ko na ang mga kaibigan ko sa volleyball club at humanap ako ng mga kaibigan sa kongregasyon. Sa ngayon, si Wiktor ay masigasig na naglilingkod kay Jehova sa kanilang kongregasyon. Ang payo niya: Itanong sa iyong mga kaibigan, mga magulang, o mga elder sa kongregasyon kung ano ang napapansin nila sa iyokung inilalapit o inilalayo ka kay Jehova ng mga gawain sa paaralan. Bakit hindi sabihin sa mga elder na gusto mong umabot ng karagdagang pribilehiyo sa paglilingkod sa Diyos? Makapaglalaan ka ba ng panahon sa mga may-edad nang nangangailangan ng kasama o makakatulong, marahil sa pamimili o mga gawaing-bahay? Anuman ang edad mo, maaari kang maglingkod nang buong panahon, anupat ibinabahagi sa iba ang dahilan ng iyong kagalakan. Mataas na edukasyon: Nagbabala si Jesus laban sa pagnanasa ng sariling kaluwalhatian. (Juan 7:18) Anumang sekular na edukasyon ang ipasiya mong kunin, natiyak mo na ba ang mga bagay na higit na mahalaga?Fil. 1: 9, 10. Si Grzegorz, ang nabanggit na computer programmer, ay gumawa ng ilang pagbabago
sa kaniyang buhay. Sinabi niya: Sineryoso ko ang payo ng mga elder at pinasimple ko ang aking buhay. Naisip kong hindi ko na kailangan ang karagdagang sekular na edukasyon. Uubusin lang nito ang aking panahon at lakas. Si Grzegorz ay nagpokus sa mga gawain sa kongregasyon. Nang maglaon, nakagradweyt siya sa tinatawag ngayong Bible School for Single Brothers. Oo, binili niya ang panahon para sa karagdagang teokratikong edukasyon.Efe. 5:16. Trabaho: Subsob ka ba sa trabaho anupat napapabayaan mo na ang espirituwal na mga bagay? Naglalaan ka ba ng sapat na panahon para makipag-usap sa iyong pamilya? Pinasusulong mo ba ang kalidad ng iyong mga bahagi sa pulong? Nakikipag-usap ka ba sa iba para makipagpatibayan? Matakot ka sa tunay na Diyos at tuparin mo ang kaniyang mga utos, at tatanggap ka ng saganang pagpapala ni Jehova at ng kabutihan dahil sa iyong pagpapagal.Ecles. 2:24; 12:13. Si Janusz, ang nabanggit na negosyante, ay hindi nagtagumpay sa negosyo. Nang malugi siya at mabaon sa utang, bumaling siya kay Jehova. Inayos niya ang kaniyang buhay at naglilingkod na ngayon bilang regular pioneer at elder sa kongregasyon. Sinabi niya: Nang makontento ako sa simpleng buhay at magpokus sa espirituwal na mga gawain, nagkaroon ako ng kapayapaan ng isip at puso. Fil. 4:6, 7. Bakit hindi mo tapatang suriin ang iyong mga motibo at priyoridad? Ang paglilingkod kay Jehova ay magdudulot ng panghabambuhay na tagumpay. Dito mo isentro ang iyong buhay. Baka kailangan mong gumawa ng ilang pagbabago at alisin pa nga ang di-kinakailangang mga bagay para mapatunayan sa iyong sarili ang mabuti at kaayaaya at sakdal na kalooban ng Diyos. (Roma 12:2) Pero kung maglilingkod ka sa kaniya nang buong kaluluwa, gagawin mong matagumpay ang iyong lakad.
www.watchtower.org
w11 06/15-TG

Watchtower TG 6-15-11

Uploaded by

Document Information

Copyright

Available Formats

Share this document

Share or Embed Document

Sharing Options

Did you find this document useful?

Is this content inappropriate?

Copyright:

Available Formats

Watchtower TG 6-15-11

Uploaded by

Copyright:

Available Formats

ANG

NAGHAHAYAG NG KAHARIAN NI JEHOVA

EDISYON PARA SA PAG-AARAL

Ang Mabuting Balita na Kailangan ng Lahat

Inirerekomenda ng Diyos sa Atin ang Kaniyang Pag-ibig

Pastulan Ninyo ang Kawan ng Diyos na Nasa Inyong Pangangalaga

Isaalang-alang Yaong mga Nagpapagal sa Gitna Ninyo

JUNE 15, 2011

LAYUNIN NG MGA ARALING ARTIKULO

SA ISYU RING ITO

Dapat Bang Magpabautismo ang mga Kabataan?

Maipakikita ng isang kabataan ang katibayan ng pagiging alagad

Paghahanda at pakikibahagi sa mga pulong

Pagsunod sa mga magulang

Tamang Pangmalas sa Bautismo

ANG BANTAYAN HUNYO 15, 2011

Dapat Bang Ipagpaliban ng Aking Anak ang Pagpapabautismo?

ANG MABUTING BALITA NA K AILANGAN NG LAHAT

4. Noong una siyang mabilanggo sa Roma, anu-ano ang ipinangaral ni Pablo?

ANG BANTAYAN HUNYO 15, 2011

Lahat tayo ay isinilang na may nakamamatay na depektokasalanan!

ANG BANTAYAN HUNYO 15, 2011

INIREREKOMENDA NG DIYOS SA ATIN ANG K ANIYANG PAG-IBIG

ANG BANTAYAN HUNYO 15, 2011

ANG BANTAYAN HUNYO 15, 2011

ANG BANTAYAN HUNYO 15, 2011

Talaga Bang May mga Kamelyo Noon si Abraham?

Dalhin Mo ang mga Balumbon, Lalo Na ang mga Pergamino

PASTULAN NINYO ANG K AWAN NG DIYOS NA NASA INYONG PANGANGALAGA

4, 5. Ano ang dapat na maging pangmalas ng matatandang lalaki sa kawan? Ilarawan.

ANG BANTAYAN HUNYO 15, 2011

ANG BANTAYAN HUNYO 15, 2011

ISAALANG-ALANG YAONG MGA NAGPAPAGAL SA GITNA NINYO

ANG BANTAYAN HUNYO 15, 2011

ANG BANTAYAN HUNYO 15, 2011

Pinahahalagahan mo ba ang ibat ibang paraan ng pagpapastol ng mga elder sa kongregasyon?

Gawing Matagumpay ang Iyong Lakad

Paano Mo Gagawing Matagumpay ang Iyong Lakad?

You might also like