ANG PAKIKINIG

KAHULUGAN NG PAKIKINIG Ang pakikinig ay isang proseso ng pagtanggap ng mensahe mula sa narinig. Mula sa salita o tunog na narinig, sa pamamagitan ng auditory nerve, mabilis na dindala sa utak ( brain) upang bigyan ng pagpapakahulugan at pag susuri (analyze) kung ano ang narinig. Ang utak ang siyang nabibigay ng interpretasyon at pagunawa at doon lang nagkaroon ng kahulugan ang naririnig. Ang pakikinig ay isang kumplikadong proseso dahil mula sa tuinog o salitang narinig ay pupuntas pa sa ating utak sa pamamagitan ng auditory nerve bago maintindihan. Kung ano ang narinig na mensahe o tunog, iyon din ang ibibigay na interpretasyon ng ating isipan. Kung ganoon sa pakikinig , ang tagapagsalita at tagatanggap ay mahalaga sa proseso ng kumunikasyon. Kung ano ang narinig iyon ang impormasyon o mensahe a nakuha. Ayon kay Nida 1957 natututo ang tao nnna magsalita ng isang wika batay sa kanyang narinig, kung gaano narinig ang wika. Mapapatunayan ito sa isang sanggol, kung ano ang kanyang naririnig na salita mula sa kanyang ina at sa mga kasambahay doon din siya natutong magsalita at nagpapakahulugan kung ano ang kanyang naririnig. Habang siya y lumalaki mas marami ang kanyang naririnig at pagpapakahulugan. Batay sa isang pag-aaral tungkol sa apat na kasanayang pang wika, ang pakikinig, ang may ang nagagamit niya sa pakikinig , 30% sa pagsasalita , 16% sa pagbabasa at 9% sa pagsulat (Babasoro et al p. 64). Batay sa pag- aaral na ito. Napatunayan na mula sa pakikinig , nagkakaroon tayo ng impormasyon at kaalaman na maging puhunan sa buhay. Ayon kay Yagang (1993) ang kakayahang umunawa at matukoy ang mensahe o sinasabi ng nagsasalita ay nasa pakikinig, lumalawak ang ating kaalaman mula sa

pakipagkomunikasyon sa mga tao, radio o broadcast, sa panayam , sa debate , sa talumpati at ibapa.

NAKIKINIG 45%

NAGSASALITA 30%

NAGBABASA 16%

NAGSUSULAT 9%

PROSESO NG PAKIKINIG 1. TUNOG O MENSAHE NA NARINIG SA PAMAMAGITAN NG TAINGA - Ang tainga ang mahalaghang bahagi ng katawan na gumaganap sa pagsagap ng tunog o mensahe , antena ng tao. Sa tainga nakasalalay ang kawastuhan ng tunog o mensaheng maririnig. Maliban sa tainga , tagapagsalita o tagabigay ng mensahe ay mahalaga rin kung malinaw o wasto ang ibinigay na mensahe. PAGDALA NG MENSAHE O TUNOG ( AUDITORY NERVE) - Ang mensahe o tunog ay tama o maayos ba ang pagdadala, kung may diperensya o may kasiraan ang daanan ng mensahe ( auditory nerve ) , magkakaroon ng ibang tunog o mensahe. PAGKILALA NG MENSAHE O TUNOG - Ang mensaheng tinanggap ay nasa pagkilala ng tumanggap. Kung paano itong tinanggap, minsan depende sa damdamin o sitwasyon ng tumanggap o kalagayan ng tumanggap. INTERPRETASYON SA MENSAHE - Nasa pagpapakahulugan o interpretasyon ng tumanggap ang mensahe o tunog. Minsan ang karanasan o kaalaman ng nakikinig ang siyang nagbibigay ng pagpapakahulugan ng mensahe. PAGSAGOT SA MENSAHE - Ito ang sagot sa mensahe at pagpapakahulugan ng tagapakinig. Kung tama at wasto ang tugon sa mensahe ang ibig sabihin may pagkakaunawaan ang tagapagsalita at tagapakinig. Minsan may iba ibang paraan ng pagsagot , pagtango, pag-iling o sa ekpresyon ng mukha o kaya walang sagot.

2.

3.

4.

5.

MGA ELEMENTO NA MAY IMPLUWENSYANG SA PAKIKINIG - Upang magkaroon ng epektibong pakikinig, kailangang bigyan pansin ng tgapagsalita at tagapakinig ang mga element na nakakaapekto sa pakikinig. Ang maingat na pagpapahalaga sa mgfa sumusunod ay nagbubunga ng mabuti at mapagtagumpayan ang layunin ng pakikinig:

1. ORAS - Malaki ang epekto sa pakikinig ng oras , kailangang may kahandaan ang tagapakinig upang lubusang maunawaan niya ang kanyang naririnig. Nagagawa ng tagapakinig kung lubusang nakapahinga at sariwa ang hangin at handa ang isipan. Kung siya ay nagulantang sa tawag ng telepono sa oras ng kanyang pagtulog o tawag ng celfon sa panahon ng klase o trabaho, maaaring iba na ang kanyang pagtanggap sa komunikasyon. Malaki rin ang epekto kung bagong gising, puyat , inaantok o walang tulog ang tagapakinig o tagatanggap ng mensahe. 2. EDAD - Ang kasanayan ng pakikinig ng tao ay hindi magkatulad. May nagsasabi na ang mga bata ay mahina ang kakayahan sa pakikinig dahil kulang pa sa pag-unawa sa mga naririnig kaya kailangang maikili lamang ang mga pangungusap na gamitin upang makuha ang mensahe o kaya bagalan nang kaunti ang pananalita upang makuha ang mensahe. Samantala sa mgha may edad na nakikinig ay may malawak ang pang-unawa dahil sa karansan maliban sa mahihina ang pandinig. Alin man sa dalawang kaisipan nasa tagapakinig naman kung paano tinatanggap at nauunawaan ang mensahe, 3. TSANEL - Karaniwan, ito ang suliranin kung ang ginagamit ay telepono, celfon at brodkas sa radio. Kung maingay ang daluyan ng komunikasyon hindi naririnig o hindi naiintindihan ang mensahe. Kung pasalita naman at malinaw ang pagbibigkas ng tunog at wasto ang gamit na salita walang problema ang tagapakinig o nakikinig. 4. KONSEPTO SA PANSARILI - Nasa pagpapakahulugan ng tagapakinig ang kanyang narinig na mensahe. Paano tintanggap ang mensahe. Maaaring may impluwensya ang mga salitang ginamit ng tagapagsalita. Maaaring

magaan o mabigat ang dating o masama o maganda ang tinanggap ng tagapakinig. 5. KULTURA - Ang pagkakaroon ng iba- ibang kultura ng bayan ay nagkakaroon ng iba- ibang pagpapakahulugan. Gaya ng katutubong Igorot kung mayroon silang Caao, kung mas maingay ang tunog ng kanilang nililikha mas Masaya, mas matagumpay ang pagdiriwang , samantala ang ibang katutubo ay bawal mag-ingay dahil magagalit ang kanilang ninuno. Ganoon din sa iba t ibang sector ng relihiyon. 6. LUGAR - Malaki ang epekto ng pakikinig sa tahimik, malamig at malinis na pook. Madaling maunawaan , at malinaw na marinig ang mensahe sa anumang tsanel o daluyan ng komunikasyon. URI NG PAKIKINIG PARAAN:

1. PASSIVE O MARGINAL NA PAKIKINIG - Nakikinig dito ay hindi gaanong napagtutuunan ng pansin ang mensahe o pinakikinggan na mensahe sapagkat maraming isinabay na Gawain, gaya ng nagwawasto ng papel , nag-aaral , nagsusulat , nakipag-uusap, nagguguhit at iba pa. 2. MASIGASIG AT MAY PAGPAPAHALAGA - Ang nakikinig ay gusting magkaroon ng kaalaman sa mensahe o ideya ng tagapagsalita. Hangga t maaari ay malapit sa nagsasalita upang ganap niyang maunawaan ang nilalaman ng mensahe. 3. KRITIKAL O MAPANURING PAKIKINIG - Ang layunin ng nakikinig ay makuha ang mensahe at magbigay puna ng pagkakatulad at pagkakaiba. 4. MASAYA AT MALUGOD SA PAKIKINIG

- Dito ang nakikinig ay para sa sariling kasiyahan gaya ng pakikinig ng musika , konsert , dula mula sa radyo , kuwento o tula. KATANGIAN NG MABISANG TAGAPAKINIG 1. HUMINTO SA PAGSALITA - Magkaroon ng konsentrayon o focus sa pakikinig. Iwasan ang pakikipag-usap at anumang nakakagambala sa iyong pakikinig. 2. KONTROLIN ANG KAPALIGIRAN - Tanggalin lahat ang maaaring makatawag pansin o makagawa ng ingay habang nakikinig. 3. IHANDA ANG SARILI - Kailangan magkaroon ng interes ng pakikinig sa nagsasalita. Ihanda ang kaisipan, ganoon din ang pisikal an katauhan gaya ng pagiging masigla at aktong tagapakinig upang huwag antukin. Bigyan ng paggalang ang nagsasalita. 4. Pakikinggang mabuti ang mga impormasyon o layunin ng tagapagsalita. Sikaping itala ang mga mahalagang paksa. 5. Kailangan magkaroon ng bukas na isipan sa mga mensaheng inihahatid ng tagapagsalita. Bigyan ng puwang ang kanyang ideya o isipan upang madagdagan ang kaalaman. 6. Iwasan ang pagbibigay ng madamdaming reaksyon o maging emosyunal. Maaaring gumagamit ang tagapagsalita ng mga salita na hindi katanggaptanggap (balbal) sa tagapakinig, o ideya na laban sa pniniwala na tagapakinig o maaaring mga salita na nagbibigay ng takot , nagpapagalit, o naghahasik ng kahulugan. Kailangan ang konsentrayon ay sa mensahe ng tagapagsalita, hindi ang mga salitang ginagamit o idea na sinasabi o binabanggit. 7. Iwasan o ipagpaliban ang paghuhusga sa tagapagsalita. Bawat tao ay may kanya kanyang katangian. Halimbawa hinuhusgahan ang tagapagsalita dahil sa katauhan , komyunista, katutubo o kilalang personalidad dahil naapektuhan ang mensahe ng tagapaglita. Husgahan ang mensahe hindi ang tagapagsalita. 8. PATAPUSIN ANG TAGAPAGSALITA

- Kailangang mailahad o maibigay lahat ng mensahe bago magbigay ng puna sa mensahe. Kailangan maghintay na matapos ang nagsasalita bago sumasagot upang magkaunawaan. MGA DAHILAN NG PAKIKINIG 1. Makinig upang makakuha ng impormasyon o karagdagang kaalaman. Ang pakikinig ay nangangailangan ng panahon at atensyon. May konsentrasyon upang makapagbigay ng opinion o ideya. Kailangan maunawaan ang paksa o mensahe upang makapagbigay ng matalino at wastong reaksyon. 2. Makinig upang mapagtanto o masusing mapag-aralan ang mensahe. Ang tagapakinig ay taimtim sa pakikinig sa payo ng magulang o kaibigan o kaya sa mensahe ng pari o ng pastor upang mapagisipan ang ibig ipahiwatig ng nagsasalita. 3. Makinig upang masuri ang mensahe. Makikinig nang mabuti upang makapagbigay ng opinion o ideya. Kailangan maunawaan ang paksa o mensahe upang makapagbigay ng matalino at wastong reaksyon. 4. Makinig upang lalong malinang ang kaalaman. Maaaring making sa paboritong awit at musika, dula sa radio o kuwentuhan tungkol sa mga sining , balita pangyayari , agham , fashion, artista , manlalaro na nakagpagbibigay ng kasiyahan at bagong kaalaman. MGA SAGABAL SA MABISANG PAKIKINIG 1. PISIKAL - Ito ang tumutukoy sa ingay sa loob o labas ng silid o sa kapaligiran. Maaaring mahina ang pandinig ng tagapakinig, maaari rin ito ay tumutukoy sa kalagayan ng tagapakinig , kung siya ay pagod , gutom , inaantok , takot o simpleng ayaw makinig. Malaki rin ang epekto ng panahon, umaga, tanghali o gabi, mainit o malamig, umuulan at iba pa. Maaari rin kung nasaan ang tagapakinig, mataas , mababa o malayo o nasa ilalim pa ng gusali at iba pa. 2. SIKOLOHIKAL

- Tinutukoy dito ay maaaring ang tagapakinig ay gusting gusto ang paksa o hindi interesado o ayaw ang paksa , luma na ang paksa, hindi kapana- panabik ang paksa. Maaaring galit o ayaw niya o hindi siya naniniwala sa tagapagsalita. Maaari rin gustong gusto niya ang tagapagsalita , idolo o kakilala kaya taimtim na nakikinig. 3. WIKANG GINAMIT - Maaaring mahirap maunawaan ang wikang ginamit. Mataas ang lebel ng wikang ginamit ng tagapagsalita o mataas ang lebel ng tagapakinig. Maaaring maling gamit ng salita o balarilang ginamit ng tagapagsalita kaya mahirap maunawaan ng tagapakinig.