You are on page 1of 6

TIRAD PASS Ang Tirad Pass ay matatagpuan sa Ilocos Sur.

Makasaysayan ang lugar na ito dahil dito namatay si Heneral Gregorio del Pilar. Siya ang batang heneral ng puwersa ni Pangulong Emilio Aguinaldo. Sa labanang naganap sa Tirad Pass, nagbuwis ng buhay ang heneral kasama ng iba pa niyang tauhan. Naganap ito noong 1900.

BARASOAIN CHURCH Ang Barasoain Church ay matatagpuan sa Malolos Bulacan. Makasaysayan ang lugar na ito dahil sa simbahang ito naganap ang seremonyang nagpasimula sa Gawain ng Kongreso ng Malolos. Ito ay binubuo ng mga unang mambabatas ng pamahalaan ni Emilio Aguinaldo. Sila rin ng sumulat ng Konstitusyon ng Malolos, ang naging gabay sa pamumuno ng unang pamahalaan ng Pilipinas. Naganap ito noong taong 1898.

DAMBANA NG KAGITINGAN Ang Dambana ng Kagitingan ay matatagpuan sa Mt. Samat, Bataan kung saan sa tuktok ng bundok ay matatagpuan ang isang malaking krus. Makasaysayan ang lugar na ito dahil ito ay palatandaan ng mga namatay na sundalo bago ganap na isinuko ang Bataan.Naganap ito noong 1942 sa panahon ng giyera. Ang Pilipinas nang panahong iyon ay sinakop ng mga puwersa ng Hapones.

CAMP O DONNEL Ang Camp O Donnel ay matatagpuan sa Capas, Tarlac. Ito ay isang makasaysayang pook dahil mula sa Bataan, ang mga sumukong sundalong Pilipino at Amerikano ay pinagmartsa patungong Capas, Tarlac. Sa martsang ito maraming bihag ang namatay dahil sa kahinaan at mga sugat na natamo sa labanan. Ang mga natirang buhay ay hindi nakatakas at ikinulong sa kampong ito. Marami rin ang namatay sa loob ng kampo.

AGUINALDO SHRINE Ang Aguinaldo Shrine ay matatagpuan sa Kawit, Cavite. Ito ang tahanan niEmilio Aguinaldo kung saan dito unang naganap ang pagdeklara ng Araw ng Kalayaan ng Pilipinas. Naganap ito noong Hunyo 12, 1898. Sa araw na ito unang narinig ang Lupang Hinirang sa himig ng isang martsa. Ang watawat ng Pilipinas ay itinaas sa kauna-unahang pagkakataon sa kanyang tagdan. Dahil sa mga mahahalagang pangyayaring ito kaya ito ay maituturing na isang makasaysayang lugar.

RIZAL SHRINE Ang Rizal Shrine ay matatagpuan sa Calamba, Laguna. Dito isinilang si Jose Rizal noong Hunyo 19, 1861. Makasaysayan ang lugar na ito dahil dito nakadispley ang mga mahahalagang kagamitan ng bayani. Ang Rizal Shrine ay dinarayo ng mga magaaral at turista. Makikita rin dito ang malalaking kuwarto at maluwang na hardin na kinalakihan ng magkakapatid na Rizal.

RIZAL PARK Ang Rizal Park ay isang napakaluwang na parke na matatagpuan sa Lungsod ng Maynila. Ito ay isang makasaysayang lugar dahil dito pinatay si Jose Rizal noong Disyembre 30, 1896. Dito rin ipinapatay ng mga Espanyol ang kanilang mga nabibihag na Pilipino. Matatagpuan ngayon sa Rizal Park ang isang malaking monumento ni. Rizal.

FORT SANTIAGO Ang Fort Santiago ay matatagpuan sa lungsod ng Maynila. Ito ay kuta ni Raha Sulayman nang dumating ang mga Espanyol. Sa pagdating nila, ang lugar na ito ang ginawa nilang kulungan ng kanilang mga nabihag. Makasaysayan ang lugar na ito dahil dito ikinulong si Jose Rizal bago siya binaril sa Luneta. Makikita sa lugar na ito ang isang estatwa ni Rizal.

INTRAMUROS Ang Intramuros ay matatagpuan sa Maynila. Makasaysayan ang lugar na ito dahil ito ang ikatlong pamayanan ng mga Espanyol. Nababakuran ang lungsod kaya tinawag ito noon na Walled City of Inramuros. Ang mga nakatira lamang dito noon ay ang mga purong Espanyol. Ang mga pader nito ay nawasak ng giyera noong Ikalawang Digmaang Pandaigdig.

MONUMENTO SA BALINTAWAK Ang Monumento sa Balintawak ay matatagpuan sa Quezon City. Makasaysayan ang lugar dahil naganap sa Pugad Lawin, dating tawag noon sa Balintawak, ang Unang Sigaw sa Pugad Lawin. Ito ang makasaysayang pagpunit ng mga Pilipinong rebolusyonaryo sa kanilang mga sedula. Naging palatandaan ang pangyayari ng pagsisimula ng rebolusyon noong 1896.

PINAGLABANAN SHRINE

Makasaysayan ang lugar sa Pinaglabanan Shrine sa San Juan dahil dito unang nasabak sa labanan si Andres Bonifacio. Sa nasabing labanan, natalo ang kanilang grupo ng mga Espanyol. Naganap ito noong 1896 nang matuklasan ng mga dayuhan ang itinatag niyang samahan, ang Katipunan.

MONUMENTO NI LAPU-LAPU Ang monumento ni Lapulapu ay palatandaan ngayon kung saan naganap ang labanan sa Mactan. Sa lugar na ito natalo ang puwersa ni Lapulapu laban sa lumusob na puwersa ni Ferdinand Magellan. Naganap ang labanan noong 1521.

STO. NINO BASILICA Ang Sto.Nino Basilica ay matatagpuan sa Cebu. Makasaysayan ang lugar na ito dahil dito naganap ang unang binyagang Kristiyano sa Pilipinas. Lumahok dito ang mga tagasunod ni Raha Humabon. Siya, kasama ng kanyang pamilya, ang unang Pilipinong naging Kristiyano.

MACARTHUR MEMORIAL RED BEACH Ang MacArthur Memorial Red Beach ay matatagpuan sa Palo, Leyte. Makasaysayan ang lugar dahil sa dalampasigan ng Red Beach dumaong ang pangkat ni Heneral MacArtur at ng puwersang Amerikano. Ito ang araw ng kanyang pagbabalik upang pasukuin ang mga Hapones. Kasama niya ang pangulo ng bansa noon na si Sergio Osmena, Sr. Naganap ito noong 1944.

DAPITAN RIZAL SHRINE Makasaysayan ang Dapitan Rizal Shrine sa Zamboanga del Norte dahil nang ipatapon si Jose Rizal ng mga Espanyol sa Mindanao, dito sa Dapitan siya dinala. Nanirahan pa siya rito nang may halos apat na taon. Matatagpuan sa lugar na ito ang mga nagawa niya sa Dapitan na kanyang naging tirahan.

FORT PILAR Ang Fort Pilar ay isang makasaysayang lugar sa Zamboanga del Sur kung saan ito ang nagsilbing kampo ng mga Espanyol sa Mindanao. Ito ang kanilang naging huling tanggulan bago ganap na sumuko sa mga Amerikano. Ang moog na ito ay ginamit ding kampo ng mga Amerikano at Hapones. Naging kulungan din ito ng mga Pilipinong nabihag nila.

CORREGIDOR Ang Corregidor ay matatagpuan sa Cavite. Ito ay isang makasaysayang lugar dahil dito naganap ang ilang beses na labanan ng mga sundalong Amerikano at Pilipino laban sa mga Hapones noong Ikalawang Digmaang Pandaigdig.

MAGELLANS CROSS Katabi ng Sto. Nino Basilica ang Magellans Cross. Isa itong istruktura na may walong kanto na yari sa bato. Makikita sa loob nito ang isang krus na kahoy. Sa kisame ng istruktuktura, ay ang mga nangyari kay Magellan pagdating niya sa Pilipinas ay nakalarawan. Si Magellan ang dayuhang manlalakbay na nakatuklas sa Pilipinas. Ibinaon ni Magellan ang krus sa lugar na ito nang nagpabinyag ang mga unang Pilipino upang maging Kristiyano.

PEOPLE POWER MONUMENT Ito ay isang makasaysayang lugar sa Maynila dahil noong 1986 naganap ang kauna-unahang mapayapang paglaban ng mga Pilipino sa kanilang pinuno na si Ferdinand Marcos. Iniluklok nila sa kapangyarihan ang unang babaeng pangulo ng Pilipinas na si Corazon Aquino.

VIGAN ILOCOS SUR Makasaysayan ang lugar na ito dahil sa baying ito pinaslang nang pataksil an gating bayaning si Diego Silang.

You might also like