You are on page 1of 2

MGA ILAW AT LAKAS NG MGA ETNIKONG PANGKAT NG PILIPINAS

Ang Pilipinas ang tahanan ng mga Pilipino.May mga Pilipinong maiitim, kulot ang buhok, maliit, katamtaman ang tangkad, maputi, sa madaling salita ang mga Pilipino ay nagkakaiba-iba dahil na rin sa pagkakaiba-iba ng pinanggalingan nilang pangkat. Maraming Etnikong Pangkat ang bumubuo sa Pilipinas ilan rito ay tiyak hindi mo kilala ngunit sila ay may kanya-kanyang pamamaraan ng pamumuhay at maging mga katangian na siyang nagbibigay kulay sa kulturang Pilipino. Ang ilan sa mga pangkat na nadatnan na ng mga Espanol ay ang mga Bagobo. Matatagpuan sila sa mga baybayin ng gulpo ng Davao. Matipuno sila, may matipunong pangangatawan at malapad na mukha. Kulay mais ang kanilang buhok na may natural na kulot. Itim ang kanilang mata na may pagkasingkit. Makapal ang kanilang labi at bilugan ang kanilang baba. Pagsasaka ang kanilang pangunahing hanapbuhay dahil na rin malapit ang kanilang panahan sa painagkukunan nga tubig. Ang bayani ay mga mandirigma at datu ang pinuno ng mga ito. Ang mga nabalian o paring babae ang pangalawang uri sa lipunan. Sila ang matatandang babaing mahuhusay sa paghabi. Mayroon ding mga Ilongot na nangangahukugang galling sa gubat. Mga Aeta na makikita halos lahat ng dako ng kapuluan. Ang mga Maranao na tinaguriang people of the lake, dahil namuhay sila malayo sa modernisadong siyudad. Ang mga relihiyoso, masisipag at matiyaga namang mamamayan ng Batanes ay tinatawag na Ivatan. Mga Aklanon, pangkat na nagmula pa sa Aklan at Panay. Ang pagkakaroon ng isang asawa lamang ang paniniwala ng mga Tinguian sa Abra. Kinikilala naman sa katapangan at kahusayan sa pakikidigama ang mga Tausug. Mga Badjao na nakatira sa mga bangkang-bahay. At ang pinakamalaking pangkat etniko sa Visayas, ang Cebuano na may kabuuang bilang na 3,850,000.

Ibat-ibang pangkat. Makukulay na pamamaraan sa buhay. Ngunit hindi lang sila may kakaiba at makulay na kultura, sila rin ay may kanya-kanyang ipinagmamalaking bayani na nabigyan ng karangalan at nakilala hindi lamang dito sa Pilipinas kundi maging sa ibang bansa na rin. Si Ginaw Bilog ay isang Hanunoo Mangyan galling Oriental Mindoro. Siya ay isnag manunulat at tinaguriang master of Ambahan Poetry. Ang pagiging dalubhasa sa Ambahan ang nagbigay sa kanya ng kakayahan upang mas maintindihan ang totoong kaluluwa ng mga Mangyan. Noong 1993, siya ay pinaranglan ng Gawad sa Manlilikha ng Bayan. Isa ring kilalang pangalan sa kasaysayan ng kapaligiran at pakikipaglaban ng mga karapatang pantao ng mga katutubo sa Pilipinas. Malawak siyang naalala sa pamamagitan ng kapaligiran at katutubong mga aktibista para sa kanyang pamumuno sa kampanyang anti-Chico Dam noong 1970s at 1980s. Bilang isang lider ng tribo ng Cordillera, ipinaglaban ni Dulag ang kanilang kampanyang tumutuol sa proyektong Chico Dam na pinondohan ng World Bank. Naibuwis ang buhay ni Dulag dahil dito. Noong Abril 24,1980 pinaulanan ang kanyang kubo ng mga bala ng baril; namatay siya dahil sa tama sa dibdib at kanyang balakang. Matapang. May paninindigan. Walang kinatatakutan bastat tama ang ipinaglalaban. Ganyan ang mga Pilipino. Mahuhusay. Saan mang pangkat etniko nanggaling, nananalaytay pa rin ang dugong Pinoy. Ako, Sila, TAYO, saan mang dako ng Pilipinas pinanggalingan moTayo ang mismong ILAW at LAKAS ng bansang Pilipinas.

You might also like